| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ပုပ္ဖသုတ္တဝဏ္ဏနာ
2. Pupphasuttavaṇṇanā
၉၄. ဝိဝဒတီတိ ဝိဝာဒံ ကရောတိ။ ဝဒန္တောတိ အယထာသဘာဝေန ဝဒန္တော။ ဝိဝဒတိ ဓမ္မတာယ ဝိရုဒ္ဓံ ကတ္ဝာ ဝဒတိ။ လောကဓမ္မောတိ လုဇ္ဇနသဘာဝဓမ္မော။ ကော ပန သောတိ အာဟ ‘‘ခန္ဓပဉ္စက’’န္တိ။ တေနာဟ ‘‘တံ ဟီ’’တိအာဒိ။ ကထံ ကရောမီတိ ကေန ပကာရေနာဟံ ဗာလံ အဇာနန္တံ ကရောမိ။ တေနာဟ ‘‘မယ္ဟံ ဟီ’’တိအာဒိ။ တထာ စာဟ ‘‘အက္ခာတော ဝော မယာ မဂ္ဂော’’တိအာဒိ (ဓ. ပ. ၂၇၅)။ ‘‘တယော လောကာ ကထိတာ’’တိ ဝတ္ဝာ တံ ဝိဝရိတုံ ‘‘နာဟံ, ဘိက္ခဝေ’’တိအာဒိမာဟ။
94.Vivadatīti vivādaṃ karoti. Vadantoti ayathāsabhāvena vadanto. Vivadati dhammatāya viruddhaṃ katvā vadati. Lokadhammoti lujjanasabhāvadhammo. Ko pana soti āha ‘‘khandhapañcaka’’nti. Tenāha ‘‘taṃ hī’’tiādi. Kathaṃ karomīti kena pakārenāhaṃ bālaṃ ajānantaṃ karomi. Tenāha ‘‘mayhaṃ hī’’tiādi. Tathā cāha ‘‘akkhāto vo mayā maggo’’tiādi (dha. pa. 275). ‘‘Tayo lokā kathitā’’ti vatvā taṃ vivarituṃ ‘‘nāhaṃ, bhikkhave’’tiādimāha.
ပုပ္ဖသုတ္တဝဏ္ဏနာ နိဋ္ဌိတာ။
Pupphasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ပုပ္ဖသုတ္တံ • 2. Pupphasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ပုပ္ဖသုတ္တဝဏ္ဏနာ • 2. Pupphasuttavaṇṇanā
