| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. ปุปฺผาสนทายกเตฺถรอปทานํ
5. Pupphāsanadāyakattheraapadānaṃ
๒๐.
20.
อวิทูเรน คจฺฉนฺตํ, สิทฺธตฺถํ อปราชิตํฯ
Avidūrena gacchantaṃ, siddhatthaṃ aparājitaṃ.
๒๑.
21.
‘‘ตสฺส ปจฺจุคฺคมิตฺวาน, ปเวเสตฺวาน อสฺสมํ;
‘‘Tassa paccuggamitvāna, pavesetvāna assamaṃ;
ปุปฺผาสนํ มยา ทินฺนํ, วิปฺปสเนฺนน เจตสาฯ
Pupphāsanaṃ mayā dinnaṃ, vippasannena cetasā.
๒๒.
22.
‘‘อญฺชลิํ ปคฺคเหตฺวาน, เวทชาโต ตทา อหํ;
‘‘Añjaliṃ paggahetvāna, vedajāto tadā ahaṃ;
พุเทฺธ จิตฺตํ ปสาเทตฺวา, ตํ กมฺมํ ปริณามยิํฯ
Buddhe cittaṃ pasādetvā, taṃ kammaṃ pariṇāmayiṃ.
๒๓.
23.
‘‘ยํ เม อตฺถิ กตํ ปุญฺญํ, สยมฺภุมฺหปราชิเต;
‘‘Yaṃ me atthi kataṃ puññaṃ, sayambhumhaparājite;
สเพฺพน เตน กุสเลน, วิมโล โหมิ สาสเนฯ
Sabbena tena kusalena, vimalo homi sāsane.
๒๔.
24.
‘‘จตุนฺนวุติโต กเปฺป, ปุปฺผาสนมทํ ตทา;
‘‘Catunnavutito kappe, pupphāsanamadaṃ tadā;
ทุคฺคติํ นาภิชานามิ, ปุปฺผาสนสฺสิทํ ผลํฯ
Duggatiṃ nābhijānāmi, pupphāsanassidaṃ phalaṃ.
๒๕.
25.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุปฺผาสนทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā pupphāsanadāyako thero imā gāthāyo abhāsitthāti.
ปุปฺผาสนทายกเตฺถรสฺสาปทานํ ปญฺจมํฯ
Pupphāsanadāyakattherassāpadānaṃ pañcamaṃ.
Footnotes:
