| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. อาสนสนฺถวิกเตฺถรอปทานํ
6. Āsanasanthavikattheraapadānaṃ
๒๖.
26.
‘‘เจติยํ อุตฺตมํ นาม, สิขิโน โลกพนฺธุโน;
‘‘Cetiyaṃ uttamaṃ nāma, sikhino lokabandhuno;
อรเญฺญ อิรีเณ วเน, อนฺธาหิณฺฑามหํ ตทาฯ
Araññe irīṇe vane, andhāhiṇḍāmahaṃ tadā.
๒๗.
27.
‘‘ปวนา นิกฺขมเนฺตน, ทิฎฺฐํ สีหาสนํ มยา;
‘‘Pavanā nikkhamantena, diṭṭhaṃ sīhāsanaṃ mayā;
๒๘.
28.
‘‘ทิวสภาคํ ถวิตฺวาน, พุทฺธํ โลกคฺคนายกํ;
‘‘Divasabhāgaṃ thavitvāna, buddhaṃ lokagganāyakaṃ;
หโฎฺฐ หเฎฺฐน จิเตฺตน, อิมํ วาจํ อุทีรยิํฯ
Haṭṭho haṭṭhena cittena, imaṃ vācaṃ udīrayiṃ.
๒๙.
29.
‘‘‘นโม เต ปุริสาชญฺญ, นโม เต ปุริสุตฺตม;
‘‘‘Namo te purisājañña, namo te purisuttama;
สพฺพญฺญูสิ มหาวีร, โลกเชฎฺฐ นราสภ’ฯ
Sabbaññūsi mahāvīra, lokajeṭṭha narāsabha’.
๓๐.
30.
‘‘อภิตฺถวิตฺวา สิขินํ, นิมิตฺตกรเณนหํ;
‘‘Abhitthavitvā sikhinaṃ, nimittakaraṇenahaṃ;
อาสนํ อภิวาเทตฺวา, ปกฺกามิํ อุตฺตรามุโขฯ
Āsanaṃ abhivādetvā, pakkāmiṃ uttarāmukho.
๓๑.
31.
‘‘เอกตฺติํเส อิโต กเปฺป, ยํ ถวิํ วทตํ วรํ;
‘‘Ekattiṃse ito kappe, yaṃ thaviṃ vadataṃ varaṃ;
ทุคฺคติํ นาภิชานามิ, โถมนาย อิทํ ผลํฯ
Duggatiṃ nābhijānāmi, thomanāya idaṃ phalaṃ.
๓๒.
32.
‘‘สตฺตวีเส อิโต กเปฺป, อตุลา สตฺต อาสุ เต;
‘‘Sattavīse ito kappe, atulā satta āsu te;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๓๓.
33.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อาสนสนฺถวิโก 3 เถโร อิมา คาถาโย อภาสิตฺถาติฯ
Itthaṃ sudaṃ āyasmā āsanasanthaviko 4 thero imā gāthāyo abhāsitthāti.
อาสนสนฺถวิกเตฺถรสฺสาปทานํ ฉฎฺฐํฯ
Āsanasanthavikattherassāpadānaṃ chaṭṭhaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. อารกฺขทายกเตฺถรอปทานาทิวณฺณนา • 1-10. Ārakkhadāyakattheraapadānādivaṇṇanā
