| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. புப்ப²தா⁴ரகத்தே²ரஅபதா³னங்
2. Pupphadhārakattheraapadānaṃ
6.
6.
‘‘வாகசீரத⁴ரோ ஆஸிங், அஜினுத்தரவாஸனோ;
‘‘Vākacīradharo āsiṃ, ajinuttaravāsano;
அபி⁴ஞ்ஞா பஞ்ச நிப்³ப³த்தா, சந்த³ஸ்ஸ பரிமஜ்ஜகோ.
Abhiññā pañca nibbattā, candassa parimajjako.
7.
7.
‘‘விபஸ்ஸிங் லோகபஜ்ஜோதங், தி³ஸ்வா அபி⁴க³தங் மமங்;
‘‘Vipassiṃ lokapajjotaṃ, disvā abhigataṃ mamaṃ;
பாரிச்ச²த்தகபுப்பா²னி, தா⁴ரேஸிங் ஸத்து²னோ அஹங்.
Pāricchattakapupphāni, dhāresiṃ satthuno ahaṃ.
8.
8.
‘‘ஏகனவுதிதோ கப்பே, யங் புப்ப²மபி⁴பூஜயிங்;
‘‘Ekanavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, தா⁴ரணாய இத³ங் ப²லங்.
Duggatiṃ nābhijānāmi, dhāraṇāya idaṃ phalaṃ.
9.
9.
‘‘ஸத்தாஸீதிம்ஹிதோ கப்பே, ஏகோ ஆஸிங் மஹீபதி;
‘‘Sattāsītimhito kappe, eko āsiṃ mahīpati;
ஸமந்ததா⁴ரணோ நாம, சக்கவத்தீ மஹப்³ப³லோ.
Samantadhāraṇo nāma, cakkavattī mahabbalo.
10.
10.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா புப்ப²தா⁴ரகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pupphadhārako thero imā gāthāyo abhāsitthāti.
புப்ப²தா⁴ரகத்தே²ரஸ்ஸாபதா³னங் து³தியங்.
Pupphadhārakattherassāpadānaṃ dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. சிதகபூஜகத்தே²ரஅபதா³னாதி³வண்ணனா • 1-10. Citakapūjakattheraapadānādivaṇṇanā
