| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. ச²த்ததா³யகத்தே²ரஅபதா³னங்
3. Chattadāyakattheraapadānaṃ
11.
11.
‘‘புத்தோ மம பப்³ப³ஜிதோ, காஸாயவஸனோ ததா³;
‘‘Putto mama pabbajito, kāsāyavasano tadā;
ஸோ ச பு³த்³த⁴த்தங் ஸம்பத்தோ, நிப்³பு³தோ லோகபூஜிதோ.
So ca buddhattaṃ sampatto, nibbuto lokapūjito.
12.
12.
‘‘விசினந்தோ ஸகங் புத்தங், அக³மங் பச்ச²தோ அஹங்;
‘‘Vicinanto sakaṃ puttaṃ, agamaṃ pacchato ahaṃ;
நிப்³பு³தஸ்ஸ மஹந்தஸ்ஸ, சிதகங் அக³மாஸஹங்.
Nibbutassa mahantassa, citakaṃ agamāsahaṃ.
13.
13.
‘‘பக்³க³ய்ஹ அஞ்ஜலிங் தத்த², வந்தி³த்வா சிதகங் அஹங்;
‘‘Paggayha añjaliṃ tattha, vanditvā citakaṃ ahaṃ;
ஸேதச்ச²த்தஞ்ச பக்³க³ய்ஹ, ஆரோபேஸிங் அஹங் ததா³.
Setacchattañca paggayha, āropesiṃ ahaṃ tadā.
14.
14.
‘‘சதுன்னவுதிதோ கப்பே, யங் ச²த்தமபி⁴ரோபயிங்;
‘‘Catunnavutito kappe, yaṃ chattamabhiropayiṃ;
து³க்³க³திங் நாபி⁴ஜானாமி, ச²த்ததா³னஸ்ஸித³ங் ப²லங்.
Duggatiṃ nābhijānāmi, chattadānassidaṃ phalaṃ.
15.
15.
‘‘பஞ்சவீஸே இதோ கப்பே, ஸத்த ஆஸுங் ஜனாதி⁴பா;
‘‘Pañcavīse ito kappe, satta āsuṃ janādhipā;
மஹாரஹஸனாமா தே, சக்கவத்தீ மஹப்³ப³லா.
Mahārahasanāmā te, cakkavattī mahabbalā.
16.
16.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ச²த்ததா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā chattadāyako thero imā gāthāyo abhāsitthāti.
ச²த்ததா³யகத்தே²ரஸ்ஸாபதா³னங் ததியங்.
Chattadāyakattherassāpadānaṃ tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. சிதகபூஜகத்தே²ரஅபதா³னாதி³வண்ணனா • 1-10. Citakapūjakattheraapadānādivaṇṇanā
