| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. புப்ப²ச்ச²த்தியத்தே²ரஅபதா³னங்
9. Pupphacchattiyattheraapadānaṃ
73.
73.
‘‘ஸித்³த⁴த்த²ஸ்ஸ ப⁴க³வதோ, லோகஜெட்ட²ஸ்ஸ தாதி³னோ;
‘‘Siddhatthassa bhagavato, lokajeṭṭhassa tādino;
ஸச்சங் பகாஸயந்தஸ்ஸ, நிப்³பா³பெந்தஸ்ஸ பாணினோ.
Saccaṃ pakāsayantassa, nibbāpentassa pāṇino.
74.
74.
‘‘ஜலஜங் ஆஹரித்வான, ஸதபத்தங் மனோரமங்;
‘‘Jalajaṃ āharitvāna, satapattaṃ manoramaṃ;
புப்ப²ஸ்ஸ ச²த்தங் கத்வான, பு³த்³த⁴ஸ்ஸ அபி⁴ரோபயிங்.
Pupphassa chattaṃ katvāna, buddhassa abhiropayiṃ.
75.
75.
‘‘ஸித்³த⁴த்தோ² ச லோகவிதூ³, ஆஹுதீனங் படிக்³க³ஹோ;
‘‘Siddhattho ca lokavidū, āhutīnaṃ paṭiggaho;
பி⁴க்கு²ஸங்கே⁴ டி²தோ ஸத்தா², இமங் கா³த²ங் அபா⁴ஸத².
Bhikkhusaṅghe ṭhito satthā, imaṃ gāthaṃ abhāsatha.
76.
76.
‘‘‘யோ மே சித்தங் பஸாதெ³த்வா, புப்ப²ச்ச²த்தங் அதா⁴ரயிங்;
‘‘‘Yo me cittaṃ pasādetvā, pupphacchattaṃ adhārayiṃ;
தேன சித்தப்பஸாதே³ன, து³க்³க³திங் ஸோ ந க³ச்ச²தி’.
Tena cittappasādena, duggatiṃ so na gacchati’.
77.
77.
‘‘இத³ங் வத்வான ஸம்பு³த்³தோ⁴, ஸித்³த⁴த்தோ² லோகனாயகோ;
‘‘Idaṃ vatvāna sambuddho, siddhattho lokanāyako;
உய்யோஜெத்வான பரிஸங், வேஹாஸங் நப⁴முக்³க³மி.
Uyyojetvāna parisaṃ, vehāsaṃ nabhamuggami.
78.
78.
‘‘வுட்டி²தே நரதே³வம்ஹி, ஸேதச்ச²த்தம்பி வுட்ட²ஹி;
‘‘Vuṭṭhite naradevamhi, setacchattampi vuṭṭhahi;
புரதோ பு³த்³த⁴ஸெட்ட²ஸ்ஸ, க³ச்ச²தி ச²த்தமுத்தமங்.
Purato buddhaseṭṭhassa, gacchati chattamuttamaṃ.
79.
79.
‘‘சதுன்னவுதிதோ கப்பே, யங் ச²த்தங் அபி⁴ரோபயிங்;
‘‘Catunnavutito kappe, yaṃ chattaṃ abhiropayiṃ;
து³க்³க³திங் நாபி⁴ஜானாமி, புப்ப²ச்ச²த்தஸ்ஸித³ங் ப²லங்.
Duggatiṃ nābhijānāmi, pupphacchattassidaṃ phalaṃ.
80.
80.
‘‘சதுஸத்ததிகப்பம்ஹி, அட்ட² ஜலஸிகா² அஹூ;
‘‘Catusattatikappamhi, aṭṭha jalasikhā ahū;
ஸத்தரதனஸம்பன்னா, சக்கவத்தீ மஹப்³ப³லா.
Sattaratanasampannā, cakkavattī mahabbalā.
81.
81.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா புப்ப²ச்ச²த்தியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pupphacchattiyo thero imā gāthāyo abhāsitthāti.
புப்ப²ச்ச²த்தியத்தே²ரஸ்ஸாபதா³னங் நவமங்.
Pupphacchattiyattherassāpadānaṃ navamaṃ.
