| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಪುಣ್ಣಿಕಾಥೇರೀಅಪದಾನಂ
8. Puṇṇikātherīapadānaṃ
೧೮೪.
184.
‘‘ವಿಪಸ್ಸಿನೋ ಭಗವತೋ, ಸಿಖಿನೋ ವೇಸ್ಸಭುಸ್ಸ ಚ।
‘‘Vipassino bhagavato, sikhino vessabhussa ca;
ಕಕುಸನ್ಧಸ್ಸ ಮುನಿನೋ, ಕೋಣಾಗಮನತಾದಿನೋ॥
Kakusandhassa munino, koṇāgamanatādino.
೧೮೫.
185.
‘‘ಕಸ್ಸಪಸ್ಸ ಚ ಬುದ್ಧಸ್ಸ, ಪಬ್ಬಜಿತ್ವಾನ ಸಾಸನೇ।
‘‘Kassapassa ca buddhassa, pabbajitvāna sāsane;
ಭಿಕ್ಖುನೀ ಸೀಲಸಮ್ಪನ್ನಾ, ನಿಪಕಾ ಸಂವುತಿನ್ದ್ರಿಯಾ॥
Bhikkhunī sīlasampannā, nipakā saṃvutindriyā.
೧೮೬.
186.
‘‘ಬಹುಸ್ಸುತಾ ಧಮ್ಮಧರಾ, ಧಮ್ಮತ್ಥಪಟಿಪುಚ್ಛಿಕಾ।
‘‘Bahussutā dhammadharā, dhammatthapaṭipucchikā;
ಉಗ್ಗಹೇತಾ ಚ ಧಮ್ಮಾನಂ, ಸೋತಾ ಪಯಿರುಪಾಸಿತಾ॥
Uggahetā ca dhammānaṃ, sotā payirupāsitā.
೧೮೭.
187.
‘‘ದೇಸೇನ್ತೀ ಜನಮಜ್ಝೇಹಂ, ಅಹೋಸಿಂ ಜಿನಸಾಸನೇ।
‘‘Desentī janamajjhehaṃ, ahosiṃ jinasāsane;
ಬಾಹುಸಚ್ಚೇನ ತೇನಾಹಂ, ಪೇಸಲಾ ಅತಿಮಞ್ಞಿಸಂ॥
Bāhusaccena tenāhaṃ, pesalā atimaññisaṃ.
೧೮೮.
188.
‘‘ಪಚ್ಛಿಮೇ ಚ ಭವೇ ದಾನಿ, ಸಾವತ್ಥಿಯಂ ಪುರುತ್ತಮೇ।
‘‘Pacchime ca bhave dāni, sāvatthiyaṃ puruttame;
ಅನಾಥಪಿಣ್ಡಿನೋ ಗೇಹೇ, ಜಾತಾಹಂ ಕುಮ್ಭದಾಸಿಯಾ॥
Anāthapiṇḍino gehe, jātāhaṃ kumbhadāsiyā.
೧೮೯.
189.
‘‘ಗತಾ ಉದಕಹಾರಿಯಂ, ಸೋತ್ಥಿಯಂ ದಿಜಮದ್ದಸಂ।
‘‘Gatā udakahāriyaṃ, sotthiyaṃ dijamaddasaṃ;
ಸೀತಟ್ಟಂ ತೋಯಮಜ್ಝಮ್ಹಿ, ತಂ ದಿಸ್ವಾ ಇದಮಬ್ರವಿಂ॥
Sītaṭṭaṃ toyamajjhamhi, taṃ disvā idamabraviṃ.
೧೯೦.
190.
‘‘‘ಉದಹಾರೀ ಅಹಂ ಸೀತೇ, ಸದಾ ಉದಕಮೋತರಿಂ।
‘‘‘Udahārī ahaṃ sīte, sadā udakamotariṃ;
೧೯೧.
191.
‘‘‘ಕಸ್ಸ ಬ್ರಾಹ್ಮಣ ತ್ವಂ ಭೀತೋ, ಸದಾ ಉದಕಮೋತರಿ।
‘‘‘Kassa brāhmaṇa tvaṃ bhīto, sadā udakamotari;
ವೇಧಮಾನೇಹಿ ಗತ್ತೇಹಿ, ಸೀತಂ ವೇದಯಸೇ ಭುಸಂ’॥
Vedhamānehi gattehi, sītaṃ vedayase bhusaṃ’.
೧೯೨.
192.
‘‘‘ಜಾನನ್ತೀ ವತ ಮಂ ಭೋತಿ, ಪುಣ್ಣಿಕೇ ಪರಿಪುಚ್ಛಸಿ।
‘‘‘Jānantī vata maṃ bhoti, puṇṇike paripucchasi;
೧೯೩.
193.
‘‘‘ಯೋ ಚೇ ವುಡ್ಢೋ ದಹರೋ ವಾ, ಪಾಪಕಮ್ಮಂ ಪಕುಬ್ಬತಿ।
‘‘‘Yo ce vuḍḍho daharo vā, pāpakammaṃ pakubbati;
೧೯೪.
194.
‘‘ಉತ್ತರನ್ತಸ್ಸ ಅಕ್ಖಾಸಿಂ, ಧಮ್ಮತ್ಥಸಂಹಿತಂ ಪದಂ।
‘‘Uttarantassa akkhāsiṃ, dhammatthasaṃhitaṃ padaṃ;
೧೯೫.
195.
‘‘ಪೂರೇನ್ತೀ ಊನಕಸತಂ, ಜಾತಾ ದಾಸಿಕುಲೇ ಯತೋ।
‘‘Pūrentī ūnakasataṃ, jātā dāsikule yato;
ತತೋ ಪುಣ್ಣಾತಿ ನಾಮಂ ಮೇ, ಭುಜಿಸ್ಸಂ ಮಂ ಅಕಂಸು ತೇ॥
Tato puṇṇāti nāmaṃ me, bhujissaṃ maṃ akaṃsu te.
೧೯೬.
196.
ನ ಚಿರೇನೇವ ಕಾಲೇನ, ಅರಹತ್ತಮಪಾಪುಣಿಂ॥
Na cireneva kālena, arahattamapāpuṇiṃ.
೧೯೭.
197.
‘‘ಇದ್ಧೀಸು ಚ ವಸೀ ಹೋಮಿ, ದಿಬ್ಬಾಯ ಸೋತಧಾತುಯಾ।
‘‘Iddhīsu ca vasī homi, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಹೋಮಿ ಮಹಾಮುನೇ॥
Cetopariyañāṇassa, vasī homi mahāmune.
೧೯೮.
198.
‘‘ಪುಬ್ಬೇನಿವಾಸಂ ಜಾನಾಮಿ, ದಿಬ್ಬಚಕ್ಖು ವಿಸೋಧಿತಂ।
‘‘Pubbenivāsaṃ jānāmi, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ, ನತ್ಥಿ ದಾನಿ ಪುನಬ್ಭವೋ॥
Sabbāsavaparikkhīṇā, natthi dāni punabbhavo.
೧೯೯.
199.
‘‘ಅತ್ಥಧಮ್ಮನಿರುತ್ತೀಸು, ಪಟಿಭಾನೇ ತಥೇವ ಚ।
‘‘Atthadhammaniruttīsu, paṭibhāne tatheva ca;
ಞಾಣಂ ಮೇ ವಿಮಲಂ ಸುದ್ಧಂ, ಬುದ್ಧಸೇಟ್ಠಸ್ಸ ವಾಹಸಾ॥
Ñāṇaṃ me vimalaṃ suddhaṃ, buddhaseṭṭhassa vāhasā.
೨೦೦.
200.
‘‘ಭಾವನಾಯ ಮಹಾಪಞ್ಞಾ, ಸುತೇನೇವ ಸುತಾವಿನೀ।
‘‘Bhāvanāya mahāpaññā, suteneva sutāvinī;
೨೦೧.
201.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ॥
‘‘Kilesā jhāpitā mayhaṃ…pe… viharāmi anāsavā.
೨೦೨.
202.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೨೦೩.
203.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಪುಣ್ಣಿಕಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ puṇṇikā bhikkhunī imā gāthāyo abhāsitthāti.
ಪುಣ್ಣಿಕಾಥೇರಿಯಾಪದಾನಂ ಅಟ್ಠಮಂ।
Puṇṇikātheriyāpadānaṃ aṭṭhamaṃ.
Footnotes:
