| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. д̣̇уд̇ияаваг̇г̇о
2. Dutiyavaggo
1. бун̃н̃агирияавад̇т̇усуд̇д̇аван̣н̣анаа
1. Puññakiriyavatthusuttavaṇṇanā
60. д̣̇уд̇ияаваг̇г̇асса батамз бун̃н̃агирияавад̇т̇уунийд̇и буж̇ж̇абхавапалам̣ ниб̣б̣ад̇д̇знд̇и, ад̇д̇ано санд̇аанам̣ бунанд̇ийд̇и ваа бун̃н̃аани, бун̃н̃аани жа д̇аани хзд̇убажжаязхи гад̇д̇аб̣б̣ад̇о гирияаа жаад̇и бун̃н̃агирияаа. д̇аа зва жа д̇зсам̣ д̇зсам̣ аанисам̣саанам̣ вад̇т̇убхаавад̇о бун̃н̃агирияавад̇т̇ууни. д̣̇аанамаяанд̇и анубажчиннабхавамууласса ануг̇г̇ахавасзна бууж̇аавасзна ваа ад̇д̇ано д̣̇зяяад̇хаммасса барзсам̣ барижжааг̇ажзд̇анаа д̣̇ийяад̇и зд̇ааяаад̇и д̣̇аанам̣, д̣̇аанамзва д̣̇аанамаяам̣. жийвараад̣̇ийсу хи жад̇уусу бажжаязсу аннаад̣̇ийсу ваа д̣̇асасу д̣̇аанавад̇т̇уусу руубаад̣̇ийсу ваа часу аарамман̣зсу д̇ам̣ д̇ам̣ д̣̇знд̇асса д̇зсам̣ уббаад̣̇анад̇о бадтааяа буб̣б̣абхааг̇з барижжааг̇агаалз бажчаа соманассажид̇д̇зна ануссаран̣з жаад̇и д̇ийсу гаалзсу вуд̇д̇анаязна бавад̇д̇ажзд̇анаа д̣̇аанамаяам̣ бун̃н̃агирияавад̇т̇у наама.
60. Dutiyavaggassa paṭhame puññakiriyavatthūnīti pujjabhavaphalaṃ nibbattenti, attano santānaṃ punantīti vā puññāni, puññāni ca tāni hetupaccayehi kattabbato kiriyā cāti puññakiriyā. Tā eva ca tesaṃ tesaṃ ānisaṃsānaṃ vatthubhāvato puññakiriyavatthūni. Dānamayanti anupacchinnabhavamūlassa anuggahavasena pūjāvasena vā attano deyyadhammassa paresaṃ pariccāgacetanā dīyati etāyāti dānaṃ, dānameva dānamayaṃ. Cīvarādīsu hi catūsu paccayesu annādīsu vā dasasu dānavatthūsu rūpādīsu vā chasu ārammaṇesu taṃ taṃ dentassa tesaṃ uppādanato paṭṭhāya pubbabhāge pariccāgakāle pacchā somanassacittena anussaraṇe cāti tīsu kālesu vuttanayena pavattacetanā dānamayaṃ puññakiriyavatthu nāma.
сийламаяанд̇и нижжасийлаубосат̇анияамаад̣̇ивасзна бан̃жа, адта, д̣̇аса ваа сийлаани самаад̣̇ияанд̇асса сийлабууран̣ад̇т̇ам̣ баб̣б̣аж̇иссаамийд̇и вихаарам̣ г̇ажчанд̇асса баб̣б̣аж̇анд̇асса манорат̇ам̣ мад̇т̇агам̣ баабзд̇ваа ‘‘баб̣б̣аж̇ид̇о вад̇амхи саад̇ху судтуу’’д̇и ааваж̇ж̇знд̇асса сад̣̇д̇хааяа баад̇имогкам̣ барибуурзнд̇асса бан̃н̃ааяа жийвараад̣̇игз бажжавзгканд̇асса сад̇ияаа аабаат̇аг̇ад̇зсу руубаад̣̇ийсу жагкуд̣̇ваараад̣̇ийни сам̣варанд̇асса вийриязна ааж̇ийвам̣ сод̇хзнд̇асса жа бавад̇д̇аа жзд̇анаа сийлад̇ийд̇и сийламаяам̣ бун̃н̃агирияавад̇т̇у наама.
Sīlamayanti niccasīlauposathaniyamādivasena pañca, aṭṭha, dasa vā sīlāni samādiyantassa sīlapūraṇatthaṃ pabbajissāmīti vihāraṃ gacchantassa pabbajantassa manorathaṃ matthakaṃ pāpetvā ‘‘pabbajito vatamhi sādhu suṭṭhū’’ti āvajjentassa saddhāya pātimokkhaṃ paripūrentassa paññāya cīvarādike paccavekkhantassa satiyā āpāthagatesu rūpādīsu cakkhudvārādīni saṃvarantassa vīriyena ājīvaṃ sodhentassa ca pavattā cetanā sīlatīti sīlamayaṃ puññakiriyavatthu nāma.
д̇ат̇аа бадисамбхид̣̇ааяам̣ (бади. ма. 1.48) вуд̇д̇зна вибассанаамаг̇г̇зна жагкум̣ анижжад̇о д̣̇угкад̇о анад̇д̇ад̇о вибассанд̇асса сод̇ам̣, гхаанам̣, ж̇ивхам̣, гааяам̣, манам̣. руубз…бз… д̇хаммз, жагкувин̃н̃аан̣ам̣…бз… мановин̃н̃аан̣ам̣. жагкусампассам̣…бз… маносампассам̣, жагкусампассаж̇ам̣ взд̣̇анам̣…бз… маносампассаж̇ам̣ взд̣̇анам̣. руубасан̃н̃ам̣…бз… д̇хаммасан̃н̃ам̣. ж̇араамаран̣ам̣ анижжад̇о д̣̇угкад̇о анад̇д̇ад̇о вибассанд̇асса яаа жзд̇анаа, яаа жа бат̇авийгасин̣аад̣̇ийсу адтад̇им̣сааяа аарамман̣зсу бавад̇д̇аа жхаанажзд̇анаа, яаа жа анаваж̇ж̇зсу гаммааяад̇анасиббааяад̇анавиж̇ж̇аадтаанзсу барижаяаманасигаараад̣̇ивасзна бавад̇д̇аа жзд̇анаа, саб̣б̣аа бхаавзд̇и зд̇ааяаад̇и бхааванаамаяам̣ вуд̇д̇анаязна бун̃н̃агирияавад̇т̇у жаад̇и.
Tathā paṭisambhidāyaṃ (paṭi. ma. 1.48) vuttena vipassanāmaggena cakkhuṃ aniccato dukkhato anattato vipassantassa sotaṃ, ghānaṃ, jivhaṃ, kāyaṃ, manaṃ. Rūpe…pe… dhamme, cakkhuviññāṇaṃ…pe… manoviññāṇaṃ. Cakkhusamphassaṃ…pe… manosamphassaṃ, cakkhusamphassajaṃ vedanaṃ…pe… manosamphassajaṃ vedanaṃ. Rūpasaññaṃ…pe… dhammasaññaṃ. Jarāmaraṇaṃ aniccato dukkhato anattato vipassantassa yā cetanā, yā ca pathavīkasiṇādīsu aṭṭhatiṃsāya ārammaṇesu pavattā jhānacetanā, yā ca anavajjesu kammāyatanasippāyatanavijjāṭṭhānesu paricayamanasikārādivasena pavattā cetanā, sabbā bhāveti etāyāti bhāvanāmayaṃ vuttanayena puññakiriyavatthu cāti.
згамзган̃жзд̇т̇а яат̇аарахам̣ буб̣б̣абхааг̇ад̇о бадтааяа гааязна гаронд̇асса гааяагаммам̣ ход̇и, д̇ад̣̇ад̇т̇ам̣ ваажам̣ нижчаарзнд̇асса важийгаммам̣, гааяан̇г̇ам̣ ваажан̇г̇ан̃жа ажобзд̇ваа манасаа жинд̇знд̇асса маногаммам̣. аннаад̣̇ийни д̣̇знд̇асса жааби ‘‘аннад̣̇аанаад̣̇ийни д̣̇змий’’д̇и ваа д̣̇аанабаарамим̣ ааваж̇ж̇зд̇ваа ваа д̣̇аанагаалз д̣̇аанамаяам̣ бун̃н̃агирияавад̇т̇у ход̇и. вад̇д̇асийсз тад̇ваа д̣̇ад̣̇ад̇о сийламаяам̣, каяад̇о ваяад̇о гаммад̇о саммасанам̣ бадтабзд̇ваа д̣̇ад̣̇ад̇о бхааванаамаяам̣ бун̃н̃агирияавад̇т̇у ход̇и.
Ekamekañcettha yathārahaṃ pubbabhāgato paṭṭhāya kāyena karontassa kāyakammaṃ hoti, tadatthaṃ vācaṃ nicchārentassa vacīkammaṃ, kāyaṅgaṃ vācaṅgañca acopetvā manasā cintentassa manokammaṃ. Annādīni dentassa cāpi ‘‘annadānādīni demī’’ti vā dānapāramiṃ āvajjetvā vā dānakāle dānamayaṃ puññakiriyavatthu hoti. Vattasīse ṭhatvā dadato sīlamayaṃ, khayato vayato kammato sammasanaṃ paṭṭhapetvā dadato bhāvanāmayaṃ puññakiriyavatthu hoti.
абарааниби сад̇д̇а бун̃н̃агирияавад̇т̇ууни – абажид̇исахаг̇ад̇ам̣ бун̃н̃агирияавад̇т̇у взяяааважжасахаг̇ад̇ам̣ бад̇д̇иануббад̣̇аанам̣ аб̣бханумод̣̇анам̣ д̣̇зсанаамаяам̣ саванамаяам̣ д̣̇идтиж̇уг̇ад̇ам̣ бун̃н̃агирияавад̇т̇ууд̇и. саран̣аг̇аманамби хи д̣̇идтиж̇уг̇ад̇знзва сан̇г̇аяхад̇и. яам̣ банзд̇т̇а вад̇д̇аб̣б̣ам̣, д̇ам̣ барад̇о аави бхависсад̇и.
Aparānipi satta puññakiriyavatthūni – apacitisahagataṃ puññakiriyavatthu veyyāvaccasahagataṃ pattianuppadānaṃ abbhanumodanaṃ desanāmayaṃ savanamayaṃ diṭṭhijugataṃ puññakiriyavatthūti. Saraṇagamanampi hi diṭṭhijugateneva saṅgayhati. Yaṃ panettha vattabbaṃ, taṃ parato āvi bhavissati.
д̇ад̇т̇а вуд̣дхад̇арам̣ д̣̇исваа бажжуг̇г̇аманабад̇д̇ажийварабадиг̇г̇ахан̣аабхиваад̣̇анамаг̇г̇асамбад̣̇аанаад̣̇ивасзна абажааяанасахаг̇ад̇ам̣ взд̣̇ид̇аб̣б̣ам̣. вуд̣дхад̇араанам̣ вад̇д̇абадибад̇д̇игаран̣авасзна, г̇аамам̣ бин̣д̣ааяа бавидтам̣ бхигкум̣ д̣̇исваа бад̇д̇ам̣ г̇ахзд̇ваа г̇аамз бхигкам̣ самбаад̣̇зд̇ваа убасам̣харан̣авасзна ‘‘г̇ажча бхигкуунам̣ бад̇д̇ам̣ аахараа’’д̇и суд̇ваа взг̇зна г̇анд̇ваа бад̇д̇аахаран̣аад̣̇ивасзна жа взяяааважжасахаг̇ад̇ам̣ взд̣̇ид̇аб̣б̣ам̣. жад̇д̇ааро бажжаяз д̣̇ад̇ваа бубпаг̇анд̇хаад̣̇ийхи рад̇анад̇д̇аяасса бууж̇ам̣ гад̇ваа ан̃н̃ам̣ ваа д̇аад̣̇исам̣ бун̃н̃ам̣ гад̇ваа ‘‘саб̣б̣асад̇д̇аанам̣ бад̇д̇и ход̇уу’’д̇и барин̣аамавасзна бад̇д̇иануббад̣̇аанам̣ взд̣̇ид̇аб̣б̣ам̣. д̇ат̇аа барзхи д̣̇иннааяа бад̇д̇ияаа гзвалам̣ ваа барзхи гад̇ам̣ бун̃н̃ам̣ ‘‘саад̇ху, судтуу’’д̇и анумод̣̇анавасзна аб̣бханумод̣̇анам̣ взд̣̇ид̇аб̣б̣ам̣. ад̇д̇ано баг̇ун̣ад̇хаммам̣ абажжаасийсанд̇о хид̇аж̇жхаасаязна барзсам̣ д̣̇зсзд̇и – ид̣̇ам̣ д̣̇зсанаамаяам̣ бун̃н̃агирияавад̇т̇у наама. яам̣ бана зго ‘‘звам̣ мам̣ д̇хаммагат̇игод̇и ж̇ааниссанд̇ий’’д̇и ижчааяа тад̇ваа лаабхасаггаарасилогасанниссид̇о д̇хаммам̣ д̣̇зсзд̇и, д̇ам̣ на махабпалам̣ ход̇и. ‘‘ад̣̇д̇хаа аяам̣ ад̇д̇ахид̇абарахид̇аанам̣ бадибаж̇ж̇ануубааяо’’д̇и яонисоманасигаарабурзжааригахид̇апаран̣зна муд̣̇ужид̇д̇зна д̇хаммам̣ сун̣аад̇и, ид̣̇ам̣ саванамаяам̣ бун̃н̃агирияавад̇т̇у ход̇и. яам̣ банзго ‘‘ид̇и мам̣ сад̣̇д̇ход̇и ж̇ааниссанд̇ий’’д̇и сун̣аад̇и, д̇ам̣ на махабпалам̣ ход̇и. д̣̇идтияаа уж̇уг̇аманам̣ д̣̇идтиж̇уг̇ад̇ам̣, ‘‘ад̇т̇и д̣̇инна’’нд̇иаад̣̇инаяаббавад̇д̇асса саммаад̣̇ассанасса зд̇ам̣ ад̇хиважанам̣. ид̣̇ан̃хи буб̣б̣абхааг̇з ваа бажчаабхааг̇з ваа н̃аан̣авиббаяуд̇д̇амби уж̇угаран̣агаалз н̃аан̣асамбаяуд̇д̇амзва ход̇и. абарз банааху ‘‘виж̇аананабаж̇аананавасзна д̣̇ассанам̣ д̣̇идти гусалан̃жа вин̃н̃аан̣ам̣ гаммассагад̇аан̃аан̣аад̣̇и жа саммаад̣̇ассана’’нд̇и . д̇ад̇т̇а гусалзна вин̃н̃аан̣зна н̃аан̣асса ануббаад̣̇зби ад̇д̇анаа гад̇абун̃н̃аануссаран̣аван̣н̣аарахаван̣н̣анаад̣̇ийнам̣ сан̇г̇ахо, гаммассагад̇аан̃аан̣зна гаммабат̇асаммаад̣̇идтияаа . ид̇арам̣ бана д̣̇идтиж̇уг̇ад̇ам̣ саб̣б̣зсам̣ нияамалагкан̣ам̣. яан̃хи гин̃жи бун̃н̃ам̣ гаронд̇асса д̣̇идтияаа уж̇убхаавзнзва д̇ам̣ махабпалам̣ ход̇и.
Tattha vuḍḍhataraṃ disvā paccuggamanapattacīvarapaṭiggahaṇābhivādanamaggasampadānādivasena apacāyanasahagataṃ veditabbaṃ. Vuḍḍhatarānaṃ vattapaṭipattikaraṇavasena, gāmaṃ piṇḍāya paviṭṭhaṃ bhikkhuṃ disvā pattaṃ gahetvā gāme bhikkhaṃ sampādetvā upasaṃharaṇavasena ‘‘gaccha bhikkhūnaṃ pattaṃ āharā’’ti sutvā vegena gantvā pattāharaṇādivasena ca veyyāvaccasahagataṃ veditabbaṃ. Cattāro paccaye datvā pupphagandhādīhi ratanattayassa pūjaṃ katvā aññaṃ vā tādisaṃ puññaṃ katvā ‘‘sabbasattānaṃ patti hotū’’ti pariṇāmavasena pattianuppadānaṃ veditabbaṃ. Tathā parehi dinnāya pattiyā kevalaṃ vā parehi kataṃ puññaṃ ‘‘sādhu, suṭṭhū’’ti anumodanavasena abbhanumodanaṃ veditabbaṃ. Attano paguṇadhammaṃ apaccāsīsanto hitajjhāsayena paresaṃ deseti – idaṃ desanāmayaṃ puññakiriyavatthu nāma. Yaṃ pana eko ‘‘evaṃ maṃ dhammakathikoti jānissantī’’ti icchāya ṭhatvā lābhasakkārasilokasannissito dhammaṃ deseti, taṃ na mahapphalaṃ hoti. ‘‘Addhā ayaṃ attahitaparahitānaṃ paṭipajjanūpāyo’’ti yonisomanasikārapurecārikahitapharaṇena muducittena dhammaṃ suṇāti, idaṃ savanamayaṃ puññakiriyavatthu hoti. Yaṃ paneko ‘‘iti maṃ saddhoti jānissantī’’ti suṇāti, taṃ na mahapphalaṃ hoti. Diṭṭhiyā ujugamanaṃ diṭṭhijugataṃ, ‘‘atthi dinna’’ntiādinayappavattassa sammādassanassa etaṃ adhivacanaṃ. Idañhi pubbabhāge vā pacchābhāge vā ñāṇavippayuttampi ujukaraṇakāle ñāṇasampayuttameva hoti. Apare panāhu ‘‘vijānanapajānanavasena dassanaṃ diṭṭhi kusalañca viññāṇaṃ kammassakatāñāṇādi ca sammādassana’’nti . Tattha kusalena viññāṇena ñāṇassa anuppādepi attanā katapuññānussaraṇavaṇṇārahavaṇṇanādīnaṃ saṅgaho, kammassakatāñāṇena kammapathasammādiṭṭhiyā . Itaraṃ pana diṭṭhijugataṃ sabbesaṃ niyamalakkhaṇaṃ. Yañhi kiñci puññaṃ karontassa diṭṭhiyā ujubhāveneva taṃ mahapphalaṃ hoti.
имзсам̣ бана сад̇д̇аннам̣ бун̃н̃агирияавад̇т̇уунам̣ буримзхи д̇ийхи д̣̇аанамаяаад̣̇ийхи бун̃н̃агирияавад̇т̇уухи сан̇г̇ахо. д̇ад̇т̇а хи абажааяанавзяяааважжаани сийламаяз, бад̇д̇иануббад̣̇аанааб̣бханумод̣̇анаани д̣̇аанамаяз, д̇хаммад̣̇зсанаасаванаани бхааванаамаяз, д̣̇идтиж̇уг̇ад̇ам̣ д̇ийсуби. д̇знааха бхаг̇аваа –
Imesaṃ pana sattannaṃ puññakiriyavatthūnaṃ purimehi tīhi dānamayādīhi puññakiriyavatthūhi saṅgaho. Tattha hi apacāyanaveyyāvaccāni sīlamaye, pattianuppadānaabbhanumodanāni dānamaye, dhammadesanāsavanāni bhāvanāmaye, diṭṭhijugataṃ tīsupi. Tenāha bhagavā –
‘‘д̇ийн̣имаани, бхигкавз, бун̃н̃агирияавад̇т̇ууни. гад̇амаани д̇ийн̣и? д̣̇аанамаяам̣…бз… бхааванаамаяам̣ бун̃н̃агирияавад̇т̇уу’’д̇и (а. ни. 8.36).
‘‘Tīṇimāni, bhikkhave, puññakiriyavatthūni. Katamāni tīṇi? Dānamayaṃ…pe… bhāvanāmayaṃ puññakiriyavatthū’’ti (a. ni. 8.36).
зд̇т̇а жа адтаннам̣ гаамааважарагусалажзд̇анаанам̣ васзна д̇ин̣н̣амби бун̃н̃агирияавад̇т̇уунам̣ бавад̇д̇и ход̇и. яат̇аа хи баг̇ун̣ам̣ д̇хаммам̣ баривад̇д̇знд̇асса згажжз анусанд̇хим̣ асаллагкзнд̇ассзва г̇ажчанд̇и, звам̣ баг̇ун̣ам̣ самат̇авибассанаабхааванам̣ ануяун̃ж̇анд̇асса анд̇аранд̇араа н̃аан̣авиббаяуд̇д̇ажид̇д̇знааби манасигааро бавад̇д̇ад̇и. саб̣б̣ам̣ д̇ам̣ бана махаг̇г̇ад̇агусалажзд̇анаанам̣ васзна бхааванаамаяамзва бун̃н̃агирияавад̇т̇у ход̇и, на ид̇араани. г̇аат̇ааяа ад̇т̇о хздтаа вуд̇д̇оязва.
Ettha ca aṭṭhannaṃ kāmāvacarakusalacetanānaṃ vasena tiṇṇampi puññakiriyavatthūnaṃ pavatti hoti. Yathā hi paguṇaṃ dhammaṃ parivattentassa ekacce anusandhiṃ asallakkhentasseva gacchanti, evaṃ paguṇaṃ samathavipassanābhāvanaṃ anuyuñjantassa antarantarā ñāṇavippayuttacittenāpi manasikāro pavattati. Sabbaṃ taṃ pana mahaggatakusalacetanānaṃ vasena bhāvanāmayameva puññakiriyavatthu hoti, na itarāni. Gāthāya attho heṭṭhā vuttoyeva.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. бун̃н̃агирияавад̇т̇усуд̇д̇ам̣ • 1. Puññakiriyavatthusuttaṃ
