| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಪುಲಿನಪೂಜಕತ್ಥೇರಅಪದಾನಂ
2. Pulinapūjakattheraapadānaṃ
೭.
7.
‘‘ಕಕುಧಂ ವಿಲಸನ್ತಂವ, ನಿಸಭಾಜಾನಿಯಂ ಯಥಾ।
‘‘Kakudhaṃ vilasantaṃva, nisabhājāniyaṃ yathā;
ಓಸಧಿಂವ ವಿರೋಚನ್ತಂ, ಓಭಾಸನ್ತಂ ನರಾಸಭಂ॥
Osadhiṃva virocantaṃ, obhāsantaṃ narāsabhaṃ.
೮.
8.
‘‘ಅಞ್ಜಲಿಂ ಪಗ್ಗಹೇತ್ವಾನ, ಅವನ್ದಿಂ ಸತ್ಥುನೋ ಅಹಂ।
‘‘Añjaliṃ paggahetvāna, avandiṃ satthuno ahaṃ;
೯.
9.
‘‘ಸುಸುದ್ಧಂ ಪುಲಿನಂ ಗಯ್ಹ, ಗತಮಗ್ಗೇ ಸಮೋಕಿರಿಂ।
‘‘Susuddhaṃ pulinaṃ gayha, gatamagge samokiriṃ;
ಉಚ್ಛಙ್ಗೇನ ಗಹೇತ್ವಾನ, ವಿಪಸ್ಸಿಸ್ಸ ಮಹೇಸಿನೋ॥
Ucchaṅgena gahetvāna, vipassissa mahesino.
೧೦.
10.
‘‘ತತೋ ಉಪಡ್ಢಪುಲಿನಂ, ವಿಪ್ಪಸನ್ನೇನ ಚೇತಸಾ।
‘‘Tato upaḍḍhapulinaṃ, vippasannena cetasā;
ದಿವಾವಿಹಾರೇ ಓಸಿಞ್ಚಿಂ, ದ್ವಿಪದಿನ್ದಸ್ಸ ತಾದಿನೋ॥
Divāvihāre osiñciṃ, dvipadindassa tādino.
೧೧.
11.
‘‘ಏಕನವುತಿತೋ ಕಪ್ಪೇ, ಪುಲಿನಂ ಯಮಸಿಞ್ಚಹಂ।
‘‘Ekanavutito kappe, pulinaṃ yamasiñcahaṃ;
ದುಗ್ಗತಿಂ ನಾಭಿಜಾನಾಮಿ, ಪುಲಿನಸ್ಸ ಇದಂ ಫಲಂ॥
Duggatiṃ nābhijānāmi, pulinassa idaṃ phalaṃ.
೧೨.
12.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪುಲಿನಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pulinapūjako thero imā gāthāyo abhāsitthāti.
ಪುಲಿನಪೂಜಕತ್ಥೇರಸ್ಸಾಪದಾನಂ ದುತಿಯಂ।
Pulinapūjakattherassāpadānaṃ dutiyaṃ.
Footnotes:
