| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បុព្ពង្គមិយត្ថេរអបទានំ
10. Pubbaṅgamiyattheraapadānaṃ
៤៣.
43.
‘‘ចុល្លាសីតិសហស្សានិ , បព្ពជិម្ហ អកិញ្ចនា;
‘‘Cullāsītisahassāni , pabbajimha akiñcanā;
តេសំ បុព្ពង្គមោ អាសិំ, ឧត្តមត្ថស្ស បត្តិយា។
Tesaṃ pubbaṅgamo āsiṃ, uttamatthassa pattiyā.
៤៤.
44.
ឧបដ្ឋហិំសុ សក្កច្ចំ, បសន្នា សេហិ បាណិភិ។
Upaṭṭhahiṃsu sakkaccaṃ, pasannā sehi pāṇibhi.
៤៥.
45.
‘‘ខីណាសវា វន្តទោសា, កតកិច្ចា អនាសវា;
‘‘Khīṇāsavā vantadosā, katakiccā anāsavā;
ផរិំសុ មេត្តចិត្តេន, សយម្ភូ អបរាជិតា។
Phariṃsu mettacittena, sayambhū aparājitā.
៤៦.
46.
‘‘តេសំ ឧបដ្ឋហិត្វាន, សម្ពុទ្ធានំ បតិស្សតោ;
‘‘Tesaṃ upaṭṭhahitvāna, sambuddhānaṃ patissato;
មរណញ្ច អនុប្បត្តោ, ទេវត្តញ្ច អគម្ហសេ។
Maraṇañca anuppatto, devattañca agamhase.
៤៧.
47.
‘‘ចតុន្នវុតិតោ កប្បេ, យំ សីលមនុបាលយិំ;
‘‘Catunnavutito kappe, yaṃ sīlamanupālayiṃ;
ទុគ្គតិំ នាភិជានាមិ, សញ្ញមស្ស ឥទំ ផលំ។
Duggatiṃ nābhijānāmi, saññamassa idaṃ phalaṃ.
៤៨.
48.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បុព្ពង្គមិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pubbaṅgamiyo thero imā gāthāyo abhāsitthāti.
បុព្ពង្គមិយត្ថេរស្សាបទានំ ទសមំ។
Pubbaṅgamiyattherassāpadānaṃ dasamaṃ.
បណ្ណទាយកវគ្គោ ឯកូនតិំសតិមោ។
Paṇṇadāyakavaggo ekūnatiṃsatimo.
តស្សុទ្ទានំ –
Tassuddānaṃ –
បណ្ណំ ផលំ បច្ចុគ្គមំ, ឯកបុប្ផិ ច មឃវា;
Paṇṇaṃ phalaṃ paccuggamaṃ, ekapupphi ca maghavā;
ឧបដ្ឋាកាបទានញ្ច , បព្ពជ្ជា ពុទ្ធុបដ្ឋាកោ;
Upaṭṭhākāpadānañca , pabbajjā buddhupaṭṭhāko;
បុព្ពង្គមោ ច គាថាយោ, អដ្ឋតាលីស កិត្តិតា។
Pubbaṅgamo ca gāthāyo, aṭṭhatālīsa kittitā.
Footnotes:
