| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಪುಬ್ಬಕರಣನಿದಾನಾದಿವಿಭಾಗವಣ್ಣನಾ
Pubbakaraṇanidānādivibhāgavaṇṇanā
೪೦೬-೭. ದ್ವಿಕ್ಖತ್ತುಂ ಪುಚ್ಛಿತತ್ತಾ ‘‘ಪುಚ್ಛಾದ್ವಯ’’ನ್ತಿ ವುತ್ತಂ। ಹೇತುಪಚ್ಚಯಾನಂ ಸರೂಪಂ ದಸ್ಸೇನ್ತೋ ಆಹ ‘‘ಛ ಚೀವರಾನೀ’’ತಿ। ಕಸ್ಮಾ ವೇದಿತಬ್ಬಾನೀತಿ ಆಹ ‘‘ಪುಬ್ಬಪಯೋಗಾದೀನಞ್ಹೀ’’ತಿಆದಿ। ಹೀತಿ ಯಸ್ಮಾ। ತಾನಿಯೇವಾತಿ ಛ ಚೀವರಾನಿ ಏವ। ಏವಸದ್ದೋ ಪಚ್ಛಾಪಿ ಯೋಜೇತಬ್ಬೋ, ತಾನಿ ಏವಾತಿ ಅತ್ಥೋ। ಹೀತಿ ಸಚ್ಚಂ, ಪುಬ್ಬಕರಣಾದೀನಿ ನ ಅತ್ಥೀತಿ ಯೋಜನಾ।
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
೪೦೮. ‘‘ಇಮಾಯ ಸಙ್ಘಾಟಿಯಾ’’ತಿಆದಿನಾ ವಚೀಭೇದಾಕಾರಂ ದಸ್ಸೇತಿ। ಕಥಿನತ್ಥಾರಕೇನ ಯಸ್ಮಾ ಪಚ್ಚುದ್ಧಾರೋ ಚ ಅಧಿಟ್ಠಾನಞ್ಚ ಕರೀಯತಿ, ತಸ್ಮಾ ಕಿರಿಯಾತಿ ವುಚ್ಚತಿ। ತೇನ ವುತ್ತಂ ‘‘ಪಚ್ಚುದ್ಧಾರೋ ಚೇವ ಅಧಿಟ್ಠಾನಞ್ಚಾ’’ತಿ।
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
೪೧೧. ವತ್ಥುವಿಪನ್ನಾದೀನಂ ಸರೂಪಂ ದಸ್ಸೇನ್ತೋ ಆಹ ‘‘ಅಕಪ್ಪಿಯದುಸ್ಸಂ ಹೋತೀ’’ತಿಆದಿ। ವಿನಾಸಂ, ವಿಕಾರಂ ವಾ ಪಜ್ಜತೀತಿ ವಿಪನ್ನಂ, ವತ್ಥುಮೇವ ವಿಪನ್ನಂ ವತ್ಥುವಿಪನ್ನಂ।
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೩. ಪುಬ್ಬಕರಣನಿದಾನಾದಿವಿಭಾಗೋ • 3. Pubbakaraṇanidānādivibhāgo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
