| Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಕಥಿನಾದಿಜಾನಿತಬ್ಬವಿಭಾಗವಣ್ಣನಾ
Kathinādijānitabbavibhāgavaṇṇanā
೪೧೨. ತೇಸಞ್ಞೇವ ಧಮ್ಮಾನನ್ತಿ ಏತ್ಥ ಧಮ್ಮಾನಂ ಸರೂಪಂ ದಸ್ಸೇನ್ತೋ ಆಹ ‘‘ಯೇಸು ರೂಪಾದಿಧಮ್ಮೇಸೂ’’ತಿ। ತತ್ಥ ರೂಪಾದಿಧಮ್ಮೇಸೂತಿ ವಣ್ಣಗನ್ಧಾದೀಸು ಸುದ್ಧಟ್ಠಕರೂಪಕಲಾಪಧಮ್ಮೇಸು। ಸತೀತಿ ಸನ್ತೇಸು। ತೇಸನ್ತಿ ರೂಪಾದೀನಂ ಧಮ್ಮಾನಂ। ‘‘ಸಮೋಧಾನ’’ನ್ತಿ ಇಮಿನಾ ಸಙ್ಗಹೋತಿ ಪದಸ್ಸ ಅತ್ಥಂ ದಸ್ಸೇತಿ। ‘‘ಮಿಸ್ಸೀಭಾವೋ’’ತಿ ಇಮಿನಾ ಸಮವಾಯೋತಿ ಪದಸ್ಸ ಅತ್ಥಂ ದಸ್ಸೇತಿ। ಅವಯವಧಮ್ಮಾನಂ ಸಂ ಏಕಭಾವಸ್ಸ ಗಹಣಂ ಸಙ್ಗಹೋ। ಅವಯವಧಮ್ಮಾನಂ ಸಮಂ ಅಯನಂ ಪವತ್ತನಂ ಸಮವಾಯೋ। ಬಹೂಸು ಧಮ್ಮೇಸೂತಿ ಬಹೂಸು ಪರಮತ್ಥಪಞ್ಞತ್ತಿಧಮ್ಮೇಸು। ನಾಮಮತ್ತನ್ತಿ ನಾಮಪಞ್ಞತ್ತಿಮತ್ತಂ। ಪುಬ್ಬೇತಿ ಕಥಿನಕ್ಖನ್ಧಕೇ।
412.Tesaññeva dhammānanti ettha dhammānaṃ sarūpaṃ dassento āha ‘‘yesu rūpādidhammesū’’ti. Tattha rūpādidhammesūti vaṇṇagandhādīsu suddhaṭṭhakarūpakalāpadhammesu. Satīti santesu. Tesanti rūpādīnaṃ dhammānaṃ. ‘‘Samodhāna’’nti iminā saṅgahoti padassa atthaṃ dasseti. ‘‘Missībhāvo’’ti iminā samavāyoti padassa atthaṃ dasseti. Avayavadhammānaṃ saṃ ekabhāvassa gahaṇaṃ saṅgaho. Avayavadhammānaṃ samaṃ ayanaṃ pavattanaṃ samavāyo. Bahūsu dhammesūti bahūsu paramatthapaññattidhammesu. Nāmamattanti nāmapaññattimattaṃ. Pubbeti kathinakkhandhake.
‘‘ಕಾರಣೇಹೀ’’ತಿ ಇಮಿನಾ ಆಕಾರಸದ್ದೋ ಕಾರಣತ್ಥೋತಿ ದಸ್ಸೇತಿ। ಯನ್ತಿ ವಚನಂ।
‘‘Kāraṇehī’’ti iminā ākārasaddo kāraṇatthoti dasseti. Yanti vacanaṃ.
೪೧೬. ಉಪ್ಪಜ್ಜನ್ತೀತಿ ಕಥಿನುದ್ಧಾರಾ ಉಪ್ಪಜ್ಜನ್ತಿ। ಕಿನ್ತಿ ಕಿಂ ಅತ್ಥಜಾತಂ। ಸಬ್ಬೇಪಿ ಕಥಿನುದ್ಧಾರಾತಿ ಸಮ್ಬನ್ಧೋ। ಹೀತಿ ಸಚ್ಚಂ, ಯಸ್ಮಾ ವಾ। ಏತ್ಥಾತಿ ಕಥಿನುದ್ಧಾರೇಸು। ಪುರಿಮಾ ದ್ವೇತಿ ಅನ್ತರುಬ್ಭಾರಸಹುಬ್ಭಾರವಸೇನ ಪುರಿಮಾ ದ್ವೇ। ಏತೇಸಞ್ಚಾತಿ ಪುರಿಮಾನಂ ದ್ವಿನ್ನಞ್ಚ। ಇತರೇತಿ ಅವಸೇಸಾ ಕಥಿನುದ್ಧಾರಾ। ತೇಸುಪೀತಿ ಇತರೇಸು ಕಥಿನುದ್ಧಾರೇಸು। ಸಬ್ಬತ್ಥಾತಿ ಸಬ್ಬಸ್ಮಿಂ ಕಥಿನವಿನಿಚ್ಛಯೇ।
416.Uppajjantīti kathinuddhārā uppajjanti. Kinti kiṃ atthajātaṃ. Sabbepi kathinuddhārāti sambandho. Hīti saccaṃ, yasmā vā. Etthāti kathinuddhāresu. Purimā dveti antarubbhārasahubbhāravasena purimā dve. Etesañcāti purimānaṃ dvinnañca. Itareti avasesā kathinuddhārā. Tesupīti itaresu kathinuddhāresu. Sabbatthāti sabbasmiṃ kathinavinicchaye.
ಇತಿ ಸಮನ್ತಪಾಸಾದಿಕಾಯ ವಿನಯಸಂವಣ್ಣನಾಯ
Iti samantapāsādikāya vinayasaṃvaṇṇanāya
ಪಞ್ಞತ್ತಿವಗ್ಗವಣ್ಣನಾಯ
Paññattivaggavaṇṇanāya
ಯೋಜನಾ ಸಮತ್ತಾ।
Yojanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೪. ಕಥಿನಾದಿಜಾನಿತಬ್ಬವಿಭಾಗೋ • 4. Kathinādijānitabbavibhāgo
೬. ಪಲಿಬೋಧಪಞ್ಹಾಬ್ಯಾಕರಣಂ • 6. Palibodhapañhābyākaraṇaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಕಥಿನಭೇದವಣ್ಣನಾ • Kathinabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
ಪಲಿಬೋಧಪಞ್ಹಾಬ್ಯಾಕರಣಕಥಾವಣ್ಣನಾ • Palibodhapañhābyākaraṇakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಕಥಿನಾದಿಜಾನಿತಬ್ಬವಿಭಾಗವಣ್ಣನಾ • Kathinādijānitabbavibhāgavaṇṇanā
