| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೧೪. ಪೋಸಾಲಮಾಣವಪುಚ್ಛಾ
14. Posālamāṇavapucchā
೧೧೧೮.
1118.
‘‘ಯೋ ಅತೀತಂ ಆದಿಸತಿ, (ಇಚ್ಚಾಯಸ್ಮಾ ಪೋಸಾಲೋ) ಅನೇಜೋ ಛಿನ್ನಸಂಸಯೋ।
‘‘Yo atītaṃ ādisati, (iccāyasmā posālo) anejo chinnasaṃsayo;
ಪಾರಗುಂ ಸಬ್ಬಧಮ್ಮಾನಂ, ಅತ್ಥಿ ಪಞ್ಹೇನ ಆಗಮಂ॥
Pāraguṃ sabbadhammānaṃ, atthi pañhena āgamaṃ.
೧೧೧೯.
1119.
‘‘ವಿಭೂತರೂಪಸಞ್ಞಿಸ್ಸ , ಸಬ್ಬಕಾಯಪ್ಪಹಾಯಿನೋ।
‘‘Vibhūtarūpasaññissa , sabbakāyappahāyino;
ಅಜ್ಝತ್ತಞ್ಚ ಬಹಿದ್ಧಾ ಚ, ನತ್ಥಿ ಕಿಞ್ಚೀತಿ ಪಸ್ಸತೋ।
Ajjhattañca bahiddhā ca, natthi kiñcīti passato;
ಞಾಣಂ ಸಕ್ಕಾನುಪುಚ್ಛಾಮಿ, ಕಥಂ ನೇಯ್ಯೋ ತಥಾವಿಧೋ’’॥
Ñāṇaṃ sakkānupucchāmi, kathaṃ neyyo tathāvidho’’.
೧೧೨೦.
1120.
‘‘ವಿಞ್ಞಾಣಟ್ಠಿತಿಯೋ ಸಬ್ಬಾ, (ಪೋಸಾಲಾತಿ ಭಗವಾ) ಅಭಿಜಾನಂ ತಥಾಗತೋ।
‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;
ತಿಟ್ಠನ್ತಮೇನಂ ಜಾನಾತಿ, ವಿಮುತ್ತಂ ತಪ್ಪರಾಯಣಂ॥
Tiṭṭhantamenaṃ jānāti, vimuttaṃ tapparāyaṇaṃ.
೧೧೨೧.
1121.
‘‘ಆಕಿಞ್ಚಞ್ಞಸಮ್ಭವಂ ಞತ್ವಾ, ನನ್ದೀ ಸಂಯೋಜನಂ ಇತಿ।
‘‘Ākiñcaññasambhavaṃ ñatvā, nandī saṃyojanaṃ iti;
ಏವಮೇತಂ ಅಭಿಞ್ಞಾಯ, ತತೋ ತತ್ಥ ವಿಪಸ್ಸತಿ।
Evametaṃ abhiññāya, tato tattha vipassati;
ಪೋಸಾಲಮಾಣವಪುಚ್ಛಾ ಚುದ್ದಸಮಾ ನಿಟ್ಠಿತಾ।
Posālamāṇavapucchā cuddasamā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೧೪. ಪೋಸಾಲಸುತ್ತವಣ್ಣನಾ • 14. Posālasuttavaṇṇanā
