| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೧೫. ಮೋಘರಾಜಮಾಣವಪುಚ್ಛಾ
15. Mogharājamāṇavapucchā
೧೧೨೨.
1122.
‘‘ದ್ವಾಹಂ ಸಕ್ಕಂ ಅಪುಚ್ಛಿಸ್ಸಂ, (ಇಚ್ಚಾಯಸ್ಮಾ ಮೋಘರಾಜಾ)
‘‘Dvāhaṃ sakkaṃ apucchissaṃ, (iccāyasmā mogharājā)
ನ ಮೇ ಬ್ಯಾಕಾಸಿ ಚಕ್ಖುಮಾ।
Na me byākāsi cakkhumā;
ಯಾವತತಿಯಞ್ಚ ದೇವೀಸಿ, ಬ್ಯಾಕರೋತೀತಿ ಮೇ ಸುತಂ॥
Yāvatatiyañca devīsi, byākarotīti me sutaṃ.
೧೧೨೩.
1123.
‘‘ಅಯಂ ಲೋಕೋ ಪರೋ ಲೋಕೋ, ಬ್ರಹ್ಮಲೋಕೋ ಸದೇವಕೋ।
‘‘Ayaṃ loko paro loko, brahmaloko sadevako;
ದಿಟ್ಠಿಂ ತೇ ನಾಭಿಜಾನಾತಿ, ಗೋತಮಸ್ಸ ಯಸಸ್ಸಿನೋ॥
Diṭṭhiṃ te nābhijānāti, gotamassa yasassino.
೧೧೨೪.
1124.
‘‘ಏವಂ ಅಭಿಕ್ಕನ್ತದಸ್ಸಾವಿಂ, ಅತ್ಥಿ ಪಞ್ಹೇನ ಆಗಮಂ।
‘‘Evaṃ abhikkantadassāviṃ, atthi pañhena āgamaṃ;
ಕಥಂ ಲೋಕಂ ಅವೇಕ್ಖನ್ತಂ, ಮಚ್ಚುರಾಜಾ ನ ಪಸ್ಸತಿ’’॥
Kathaṃ lokaṃ avekkhantaṃ, maccurājā na passati’’.
೧೧೨೫.
1125.
‘‘ಸುಞ್ಞತೋ ಲೋಕಂ ಅವೇಕ್ಖಸ್ಸು, ಮೋಘರಾಜ ಸದಾ ಸತೋ।
‘‘Suññato lokaṃ avekkhassu, mogharāja sadā sato;
ಅತ್ತಾನುದಿಟ್ಠಿಂ ಊಹಚ್ಚ, ಏವಂ ಮಚ್ಚುತರೋ ಸಿಯಾ।
Attānudiṭṭhiṃ ūhacca, evaṃ maccutaro siyā;
ಏವಂ ಲೋಕಂ ಅವೇಕ್ಖನ್ತಂ, ಮಚ್ಚುರಾಜಾ ನ ಪಸ್ಸತೀ’’ತಿ॥
Evaṃ lokaṃ avekkhantaṃ, maccurājā na passatī’’ti.
ಮೋಘರಾಜಮಾಣವಪುಚ್ಛಾ ಪನ್ನರಸಮಾ ನಿಟ್ಠಿತಾ।
Mogharājamāṇavapucchā pannarasamā niṭṭhitā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೧೫. ಮೋಘರಾಜಸುತ್ತವಣ್ಣನಾ • 15. Mogharājasuttavaṇṇanā
