| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
១៤. បោសាលមាណវបុច្ឆា
14. Posālamāṇavapucchā
១១១៨.
1118.
‘‘យោ អតីតំ អាទិសតិ, (ឥច្ចាយស្មា បោសាលោ) អនេជោ ឆិន្នសំសយោ;
‘‘Yo atītaṃ ādisati, (iccāyasmā posālo) anejo chinnasaṃsayo;
បារគុំ សព្ពធម្មានំ, អត្ថិ បញ្ហេន អាគមំ។
Pāraguṃ sabbadhammānaṃ, atthi pañhena āgamaṃ.
១១១៩.
1119.
‘‘វិភូតរូបសញ្ញិស្ស , សព្ពកាយប្បហាយិនោ;
‘‘Vibhūtarūpasaññissa , sabbakāyappahāyino;
អជ្ឈត្តញ្ច ពហិទ្ធា ច, នត្ថិ កិញ្ចីតិ បស្សតោ;
Ajjhattañca bahiddhā ca, natthi kiñcīti passato;
ញាណំ សក្កានុបុច្ឆាមិ, កថំ នេយ្យោ តថាវិធោ’’។
Ñāṇaṃ sakkānupucchāmi, kathaṃ neyyo tathāvidho’’.
១១២០.
1120.
‘‘វិញ្ញាណដ្ឋិតិយោ សព្ពា, (បោសាលាតិ ភគវា) អភិជានំ តថាគតោ;
‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;
តិដ្ឋន្តមេនំ ជានាតិ, វិមុត្តំ តប្បរាយណំ។
Tiṭṭhantamenaṃ jānāti, vimuttaṃ tapparāyaṇaṃ.
១១២១.
1121.
‘‘អាកិញ្ចញ្ញសម្ភវំ ញត្វា, នន្ទី សំយោជនំ ឥតិ;
‘‘Ākiñcaññasambhavaṃ ñatvā, nandī saṃyojanaṃ iti;
ឯវមេតំ អភិញ្ញាយ, តតោ តត្ថ វិបស្សតិ;
Evametaṃ abhiññāya, tato tattha vipassati;
បោសាលមាណវបុច្ឆា ចុទ្ទសមា និដ្ឋិតា។
Posālamāṇavapucchā cuddasamā niṭṭhitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ១៤. បោសាលសុត្តវណ្ណនា • 14. Posālasuttavaṇṇanā
