| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
१४. पोसालमाणवपुच्छा
14. Posālamāṇavapucchā
१११८.
1118.
‘‘यो अतीतं आदिसति, (इच्चायस्मा पोसालो) अनेजो छिन्नसंसयो।
‘‘Yo atītaṃ ādisati, (iccāyasmā posālo) anejo chinnasaṃsayo;
पारगुं सब्बधम्मानं, अत्थि पञ्हेन आगमं॥
Pāraguṃ sabbadhammānaṃ, atthi pañhena āgamaṃ.
१११९.
1119.
‘‘विभूतरूपसञ्ञिस्स , सब्बकायप्पहायिनो।
‘‘Vibhūtarūpasaññissa , sabbakāyappahāyino;
अज्झत्तञ्च बहिद्धा च, नत्थि किञ्चीति पस्सतो।
Ajjhattañca bahiddhā ca, natthi kiñcīti passato;
ञाणं सक्कानुपुच्छामि, कथं नेय्यो तथाविधो’’॥
Ñāṇaṃ sakkānupucchāmi, kathaṃ neyyo tathāvidho’’.
११२०.
1120.
‘‘विञ्ञाणट्ठितियो सब्बा, (पोसालाति भगवा) अभिजानं तथागतो।
‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;
तिट्ठन्तमेनं जानाति, विमुत्तं तप्परायणं॥
Tiṭṭhantamenaṃ jānāti, vimuttaṃ tapparāyaṇaṃ.
११२१.
1121.
‘‘आकिञ्चञ्ञसम्भवं ञत्वा, नन्दी संयोजनं इति।
‘‘Ākiñcaññasambhavaṃ ñatvā, nandī saṃyojanaṃ iti;
एवमेतं अभिञ्ञाय, ततो तत्थ विपस्सति।
Evametaṃ abhiññāya, tato tattha vipassati;
पोसालमाणवपुच्छा चुद्दसमा निट्ठिता।
Posālamāṇavapucchā cuddasamā niṭṭhitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / १४. पोसालसुत्तवण्णना • 14. Posālasuttavaṇṇanā
