| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ပိယသုတ္တဝဏ္ဏနာ
4. Piyasuttavaṇṇanā
၁၁၅. ရဟသိ ဂတသ္သာတိ ဇနသမ္ဗာဓတော အပက္ကန္တသ္သ။ နိလီနသ္သ တေနေဝ ဇနဝိဝေကေန ဧကမန္တံ နိသဇ္ဇာယ ဧကီဘာဝေန ပဋိသလ္လီနသ္သ ဝိယ။ တေနာဟ ‘‘ဧကီဘူတသ္သာ’’တိ။ သဗ္ဗညုဘာသိတံ ကရောန္တော အာဟ တသ္သ ဝစနံ ‘‘ဧဝမေတ’’န္တိ သမ္ပဋိစ္ဆိတ္ဝာ တသ္သ ဝစနံ တထာပစ္စနုဘာသန္တော။ အန္တကေနာဓိပန္နတ္တာ ဧဝ ခေတ္တဝတ္ထုဟိရညသုဝဏ္ဏာဒိ မာနုသံ ဘဝံ ဇဟတော။ အနုဂန္တိ အနုဂတံ, တမေဝ အနုဂာမီတိ အတ္ထော။ နိစယန္တိ ဥပရူပရိ ဝဍ္ဎိယာ နိစိတဘူတံ။ သမ္ပရာယိကန္တိ သမ္ပရာယ ဟိတံ။
115.Rahasi gatassāti janasambādhato apakkantassa. Nilīnassa teneva janavivekena ekamantaṃ nisajjāya ekībhāvena paṭisallīnassa viya. Tenāha ‘‘ekībhūtassā’’ti. Sabbaññubhāsitaṃ karonto āha tassa vacanaṃ ‘‘evameta’’nti sampaṭicchitvā tassa vacanaṃ tathāpaccanubhāsanto. Antakenādhipannattā eva khettavatthuhiraññasuvaṇṇādi mānusaṃ bhavaṃ jahato. Anuganti anugataṃ, tameva anugāmīti attho. Nicayanti uparūpari vaḍḍhiyā nicitabhūtaṃ. Samparāyikanti samparāya hitaṃ.
ပိယသုတ္တဝဏ္ဏနာ နိဋ္ဌိတာ။
Piyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ပိယသုတ္တံ • 4. Piyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပိယသုတ္တဝဏ္ဏနာ • 4. Piyasuttavaṇṇanā
