| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. အတ္တရက္ခိတသုတ္တဝဏ္ဏနာ
5. Attarakkhitasuttavaṇṇanā
၁၁၆. ပီဒဟနန္တိ သံယမနံ။ ကမ္မပထဘေဒံ အပ္ပတ္တသ္သာတိ သုပိနကာလော ဝိယ ပဝတ္တိမတ္တတာယ ကမ္မပထဝိသေသံ အဂတသ္သ။ ကမ္မသ္သာတိ အကုသလကမ္မသ္သ။ သံဝရန္တိ သံဝရဘာဝံ ဒသ္သေတိ, ဣတရသ္သ ပန သံဝရဘာဝော ပုရိမေဟိ တီဟိ ပဒေဟိ ဒသ္သိတောဝာတိ။ ဩတ္တပ္ပမ္ပိ ဂဟိတမေဝ တဒဝိနာဘာဝတော။ န ဟိ ပာပဇိဂုစ္ဆနံ ပာပဥတ္ရာသရဟိတံ, ဥတ္ရာသော ဝာ ပာပဇိဂုစ္ဆနရဟိတော အတ္ထီတိ။
116.Pīdahananti saṃyamanaṃ. Kammapathabhedaṃ appattassāti supinakālo viya pavattimattatāya kammapathavisesaṃ agatassa. Kammassāti akusalakammassa. Saṃvaranti saṃvarabhāvaṃ dasseti, itarassa pana saṃvarabhāvo purimehi tīhi padehi dassitovāti. Ottappampi gahitameva tadavinābhāvato. Na hi pāpajigucchanaṃ pāpautrāsarahitaṃ, utrāso vā pāpajigucchanarahito atthīti.
အတ္တရက္ခိတသုတ္တဝဏ္ဏနာ နိဋ္ဌိတာ။
Attarakkhitasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. အတ္တရက္ခိတသုတ္တံ • 5. Attarakkhitasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. အတ္တရက္ခိတသုတ္တဝဏ္ဏနာ • 5. Attarakkhitasuttavaṇṇanā
