| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
15. бияад̣̇ассийб̣уд̣̇д̇хавам̣саван̣н̣анаа
15. Piyadassībuddhavaṃsavaṇṇanā
суж̇аад̇асса бана абарабхааг̇з ид̇о адтагаббасад̇аад̇хигасахассагаббамад̇т̇агз згасмим̣ габбз бияад̣̇ассий, ад̇т̇ад̣̇ассий, д̇хаммад̣̇ассийд̇и д̇аяо б̣уд̣̇д̇хаа ниб̣б̣ад̇д̇им̣су. д̇ад̇т̇а бияад̣̇ассий наама бхаг̇аваа баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа суд̇хан̃н̃авад̇ийнаг̇арз суд̣̇ад̇д̇асса наама ран̃н̃о аг̇г̇амахзсияаа жанд̣̇асад̣̇исавад̣̇анааяа жанд̣̇аад̣̇звияаа наама гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна варун̣уяяаанз маад̇угужчид̇о нигками. д̇асса бана наамаг̇г̇ахан̣ад̣̇ивасз логасса бияаанам̣ баадихаарияависзсаанам̣ д̣̇ассид̇ад̇д̇аа ‘‘бияад̣̇ассий’’д̇взва наамамагам̣су. со нававассасахассаани аг̇аарам̣ аж̇жхааваси. д̇асса гира суниммалавималаг̇ириб̣рахаанаамагаа д̇аяо баасаад̣̇аа ахзсум̣. вималаамахаад̣̇звиббамукаани д̇зд̇д̇им̣са ид̇т̇исахассаани бажжубадтид̇аани ахзсум̣.
Sujātassa pana aparabhāge ito aṭṭhakappasatādhikasahassakappamatthake ekasmiṃ kappe piyadassī, atthadassī, dhammadassīti tayo buddhā nibbattiṃsu. Tattha piyadassī nāma bhagavā pāramiyo pūretvā tusitapure nibbattitvā tato cavitvā sudhaññavatīnagare sudattassa nāma rañño aggamahesiyā candasadisavadanāya candādeviyā nāma kucchismiṃ paṭisandhiṃ gahetvā dasannaṃ māsānaṃ accayena varuṇuyyāne mātukucchito nikkhami. Tassa pana nāmaggahaṇadivase lokassa piyānaṃ pāṭihāriyavisesānaṃ dassitattā ‘‘piyadassī’’tveva nāmamakaṃsu. So navavassasahassāni agāraṃ ajjhāvasi. Tassa kira sunimmalavimalagiribrahānāmakā tayo pāsādā ahesuṃ. Vimalāmahādevippamukhāni tettiṃsa itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа вималаад̣̇звияаа ган̃жанавзл̣з наама буд̇д̇з уббаннз ааж̇ан̃н̃арат̇зна махаабхинигкаманам̣ нигкамид̇ваа баб̣б̣аж̇и. згаа жа нам̣ бурисагоди анубаб̣б̣аж̇и. со д̇зхи баривуд̇о махаабурисо ча маасз бад̇хаанажарияам̣ жарид̇ваа висаакабун̣н̣амааяа варун̣аб̣раахман̣аг̇аамз васабхаб̣раахман̣асса д̇хийд̇ааяа д̣̇иннам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ вийд̇инаамзд̇ваа суж̇аад̇ааж̇ийвагзна д̣̇иннаа адта д̇ин̣амудтияо г̇ахзд̇ваа гагуд̇хаб̣од̇хим̣ убасан̇гамид̇ваа д̇збан̃н̃аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇ваа ‘‘анзгаж̇аад̇исам̣саара’’нд̇и уд̣̇аанам̣ уд̣̇аанзд̇ваа д̇ад̇т̇зва сад̇д̇асад̇д̇аахам̣ вийд̇инаамзд̇ваа ад̇д̇анаа саха баб̣б̣аж̇ид̇аанам̣ арияад̇хаммабадивзд̇хасамад̇т̇ад̇ам̣ н̃ад̇ваа аагаасзна д̇ад̇т̇а г̇анд̇ваа усабхавад̇ийнаг̇арасамийбз усабхавад̇уяяаанз од̇арид̇ваа бхигкугодибаривуд̇о д̇хаммажаггам̣ бавад̇д̇зси. д̇ад̣̇аа годисад̇асахассаанам̣ д̇хаммаабхисамаяо ахоси. аяам̣ батамо абхисамаяо.
So cattāri nimittāni disvā vimalādeviyā kañcanaveḷe nāma putte uppanne ājaññarathena mahābhinikkhamanaṃ nikkhamitvā pabbaji. Ekā ca naṃ purisakoṭi anupabbaji. So tehi parivuto mahāpuriso cha māse padhānacariyaṃ caritvā visākhapuṇṇamāya varuṇabrāhmaṇagāme vasabhabrāhmaṇassa dhītāya dinnaṃ madhupāyāsaṃ paribhuñjitvā sālavane divāvihāraṃ vītināmetvā sujātājīvakena dinnā aṭṭha tiṇamuṭṭhiyo gahetvā kakudhabodhiṃ upasaṅkamitvā tepaññāsahatthavitthataṃ tiṇasantharaṃ santharitvā pallaṅkaṃ ābhujitvā sabbaññutaññāṇaṃ paṭivijjhitvā ‘‘anekajātisaṃsāra’’nti udānaṃ udānetvā tattheva sattasattāhaṃ vītināmetvā attanā saha pabbajitānaṃ ariyadhammapaṭivedhasamatthataṃ ñatvā ākāsena tattha gantvā usabhavatīnagarasamīpe usabhavatuyyāne otaritvā bhikkhukoṭiparivuto dhammacakkaṃ pavattesi. Tadā koṭisatasahassānaṃ dhammābhisamayo ahosi. Ayaṃ paṭhamo abhisamayo.
буна усабхавад̇ияаа наама наг̇арасса авид̣̇уурз суд̣̇ассанабаб̣б̣ад̇з суд̣̇ассано наама д̣̇зварааж̇аа бадивасад̇и. со мижчаад̣̇идтиго ахоси. сагалаж̇амб̣уд̣̇ийбз бана мануссаа д̇асса анусам̣важчарам̣ сад̇асахассаг̇гханигам̣ б̣алим̣ убасам̣харанд̇и. со суд̣̇ассано д̣̇зварааж̇аа нарарааж̇зна сад̣̇д̇хим̣ згаасанз нисийд̣̇ид̇ваа б̣алим̣ самбадижчад̇и. ат̇а бияад̣̇ассий бхаг̇аваа ‘‘д̇асса суд̣̇ассанасса д̣̇зварааж̇асса д̇ам̣ д̣̇идтиг̇ад̇ам̣ винод̣̇зссаамий’’д̇и д̇асмим̣ д̣̇зварааж̇з яагкасамааг̇амам̣ г̇ад̇з д̇асса бхаванам̣ бависид̇ваа сирисаяанам̣ аарухид̇ваа чаб̣б̣ан̣н̣арам̣сияо мун̃жанд̇о яуг̇анд̇харабаб̣б̣ад̇з сарад̣̇асамаяз суурияо вияа нисийд̣̇и. д̇асса бариваарабарижааригаа д̣̇звад̇ааяо маалааг̇анд̇хавилзбанаад̣̇ийхи д̣̇асаб̣алам̣ бууж̇зд̇ваа бариваарзд̇ваа адтам̣су.
Puna usabhavatiyā nāma nagarassa avidūre sudassanapabbate sudassano nāma devarājā paṭivasati. So micchādiṭṭhiko ahosi. Sakalajambudīpe pana manussā tassa anusaṃvaccharaṃ satasahassagghanikaṃ baliṃ upasaṃharanti. So sudassano devarājā nararājena saddhiṃ ekāsane nisīditvā baliṃ sampaṭicchati. Atha piyadassī bhagavā ‘‘tassa sudassanassa devarājassa taṃ diṭṭhigataṃ vinodessāmī’’ti tasmiṃ devarāje yakkhasamāgamaṃ gate tassa bhavanaṃ pavisitvā sirisayanaṃ āruhitvā chabbaṇṇaraṃsiyo muñcanto yugandharapabbate saradasamaye sūriyo viya nisīdi. Tassa parivāraparicārikā devatāyo mālāgandhavilepanādīhi dasabalaṃ pūjetvā parivāretvā aṭṭhaṃsu.
суд̣̇ассаноби д̣̇зварааж̇аа яагкасамааг̇амад̇о ааг̇ажчанд̇о ад̇д̇ано бхаванад̇о чаб̣б̣ан̣н̣арасмияо нижчаранд̇з д̣̇исваа жинд̇зси – ‘‘ан̃н̃зсу бана д̣̇ивасзсу мама бхаванасса зд̣̇исий анзгарам̣сиж̇ааласамуж̇ж̇алавибхууд̇и на д̣̇идтабуб̣б̣аа. го ну ко ид̇ха бавидто д̣̇зво ваа мануссо ваа’’д̇и ологзнд̇о уд̣̇аяаг̇ирисикарамад̇т̇агз сарад̣̇асамаяад̣̇ивасагарамива чаб̣б̣ан̣н̣арам̣сиж̇аалзна абхиж̇ж̇аланд̇ам̣ нисиннам̣ бхаг̇аванд̇ам̣ д̣̇исваа жинд̇зси – ‘‘аяам̣ мун̣д̣агасаман̣о мама бариваарзна бариж̇анзна баривуд̇о варасаяанз нисинно’’д̇и год̇хаабхибхууд̇амаанасо – ‘‘ханд̣̇аахам̣ имасса ад̇д̇ано б̣алам̣ д̣̇ассзссаамий’’д̇и жинд̇зд̇ваа сагалам̣ д̇ам̣ баб̣б̣ад̇ам̣ згаж̇ааламагааси. ‘‘иминаа аг̇г̇иж̇аалзна чааригаабхууд̇о мун̣д̣агасаман̣о’’д̇и ологзнд̇о анзгарам̣сиж̇аалависаравибпурид̇аварасарийрам̣ басаннавад̣̇анаван̣н̣асобхам̣ виббасаннажчавирааг̇ам̣ д̣̇асаб̣аламабхиж̇ж̇аланд̇ам̣ д̣̇исваа жинд̇зси – ‘‘аяам̣ саман̣о аг̇г̇ид̣̇аахам̣ сахад̇и, ханд̣̇аахам̣ имам̣ саман̣ам̣ уд̣̇агогхзна осаад̣̇зд̇ваа маарзссаамий’’д̇и ад̇иг̇амбхийрам̣ уд̣̇агогхам̣ вимаанаабхимукам̣ бавад̇д̇зси.
Sudassanopi devarājā yakkhasamāgamato āgacchanto attano bhavanato chabbaṇṇarasmiyo niccharante disvā cintesi – ‘‘aññesu pana divasesu mama bhavanassa edisī anekaraṃsijālasamujjalavibhūti na diṭṭhapubbā. Ko nu kho idha paviṭṭho devo vā manusso vā’’ti olokento udayagirisikharamatthake saradasamayadivasakaramiva chabbaṇṇaraṃsijālena abhijjalantaṃ nisinnaṃ bhagavantaṃ disvā cintesi – ‘‘ayaṃ muṇḍakasamaṇo mama parivārena parijanena parivuto varasayane nisinno’’ti kodhābhibhūtamānaso – ‘‘handāhaṃ imassa attano balaṃ dassessāmī’’ti cintetvā sakalaṃ taṃ pabbataṃ ekajālamakāsi. ‘‘Iminā aggijālena chārikābhūto muṇḍakasamaṇo’’ti olokento anekaraṃsijālavisaravipphuritavarasarīraṃ pasannavadanavaṇṇasobhaṃ vippasannacchavirāgaṃ dasabalamabhijjalantaṃ disvā cintesi – ‘‘ayaṃ samaṇo aggidāhaṃ sahati, handāhaṃ imaṃ samaṇaṃ udakoghena osādetvā māressāmī’’ti atigambhīraṃ udakoghaṃ vimānābhimukhaṃ pavattesi.
д̇ад̇о уд̣̇агогхзна бун̣н̣з д̇асмим̣ вимаанз нисиннасса д̇асса бхаг̇авад̇о жийварз ам̣сумад̇д̇ам̣ ваа сарийрз ломамад̇д̇ам̣ ваа на д̇змид̇т̇а. д̇ад̇о суд̣̇ассано д̣̇зварааж̇аа – ‘‘иминаа саман̣о нирассаасо мад̇о бхависсад̇ий’’д̇и манд̇ваа уд̣̇агам̣ сан̇кибид̇ваа ологзнд̇о бхаг̇аванд̇ам̣ асид̇аж̇алад̇харавивараг̇ад̇ам̣ сарад̣̇асамаяараж̇анигарамива вивид̇харам̣сиж̇аалависарзна вирожамаанам̣ сагабарисабаривуд̇ам̣ нисиннам̣ д̣̇исваа ад̇д̇ано магкам̣ асахамаано – ‘‘ханд̣̇а маарзссаами на’’нд̇и год̇хзна нававид̇хааавуд̇хавассам̣ вассзси. ат̇асса бхаг̇авад̇о аанубхаавзна саб̣б̣аавуд̇хаани наанаавид̇хабарамаружирад̣̇ассанаа сурабхигусумамаалаа худ̇ваа д̣̇асаб̣аласса баад̣̇амуулз нибад̇им̣су.
Tato udakoghena puṇṇe tasmiṃ vimāne nisinnassa tassa bhagavato cīvare aṃsumattaṃ vā sarīre lomamattaṃ vā na temittha. Tato sudassano devarājā – ‘‘iminā samaṇo nirassāso mato bhavissatī’’ti mantvā udakaṃ saṅkhipitvā olokento bhagavantaṃ asitajaladharavivaragataṃ saradasamayarajanikaramiva vividharaṃsijālavisarena virocamānaṃ sakaparisaparivutaṃ nisinnaṃ disvā attano makkhaṃ asahamāno – ‘‘handa māressāmi na’’nti kodhena navavidhaāvudhavassaṃ vassesi. Athassa bhagavato ānubhāvena sabbāvudhāni nānāvidhaparamaruciradassanā surabhikusumamālā hutvā dasabalassa pādamūle nipatiṃsu.
д̇ад̇о д̇ам̣ ажчарияам̣ д̣̇исваа суд̣̇ассано д̣̇зварааж̇аа барамагубид̇амаанасо бхаг̇аванд̇ам̣ убхохи хад̇т̇зхи баад̣̇зсу г̇ахзд̇ваа ад̇д̇ано бхаванад̇о нийхарид̇угаамо угкибид̇ваа махаасамуд̣̇д̣̇ам̣ ад̇иггамид̇ваа жаггаваал̣абаб̣б̣ад̇ам̣ г̇анд̇ваа – ‘‘гим̣ ну ко саман̣о ж̇ийвад̇и ваа мад̇о ваа’’д̇и ологзнд̇о д̇асмим̣язва аасанз нисиннам̣ д̣̇исваа – ‘‘ахо махаанубхааво аяам̣ саман̣о, наахам̣ имам̣ саман̣ам̣ ид̇о ниггад̣дхид̇ум̣ саггоми. яад̣̇и хи мам̣ гожи ж̇ааниссад̇и, анаббаго мз аяасо бхависсад̇и. яаавимам̣ гожи на бассад̇и, д̇аава нам̣ виссаж̇ж̇зд̇ваа г̇амиссаамий’’д̇и жинд̇зси.
Tato taṃ acchariyaṃ disvā sudassano devarājā paramakupitamānaso bhagavantaṃ ubhohi hatthehi pādesu gahetvā attano bhavanato nīharitukāmo ukkhipitvā mahāsamuddaṃ atikkamitvā cakkavāḷapabbataṃ gantvā – ‘‘kiṃ nu kho samaṇo jīvati vā mato vā’’ti olokento tasmiṃyeva āsane nisinnaṃ disvā – ‘‘aho mahānubhāvo ayaṃ samaṇo, nāhaṃ imaṃ samaṇaṃ ito nikkaḍḍhituṃ sakkomi. Yadi hi maṃ koci jānissati, anappako me ayaso bhavissati. Yāvimaṃ koci na passati, tāva naṃ vissajjetvā gamissāmī’’ti cintesi.
ат̇а д̣̇асаб̣ало д̇асса жид̇д̇аажаарам̣ н̃ад̇ваа д̇ат̇аа ад̇хидтааси, яат̇аа нам̣ саб̣б̣з д̣̇звамануссаа бассанд̇и. д̇асмин̃жа д̣̇ивасз сагалаж̇амб̣уд̣̇ийбз згасад̇арааж̇аано д̇ассзва убахаарад̣̇аанад̇т̇ааяа саннибад̇им̣су. д̇з бхаг̇авад̇о баад̣̇з г̇ахзд̇ваа нисиннам̣ суд̣̇ассанам̣ д̣̇зварааж̇аанам̣ нарарааж̇аано д̣̇исваа – ‘‘амхаагам̣ д̣̇зварааж̇аа мунирааж̇асса бияад̣̇ассисса сад̇т̇уно баад̣̇абарижарияам̣ гарод̇и, ахо б̣уд̣̇д̇хаа наама ажчарияаа, ахо б̣уд̣̇д̇хаг̇ун̣аа висидтаа’’д̇и бхаг̇авад̇и, басаннажид̇д̇аа саб̣б̣з бхаг̇аванд̇ам̣ намассамаанаа сирасмим̣ ан̃ж̇алим̣ гад̇ваа адтам̣су. д̇ад̇т̇а бияад̣̇ассий бхаг̇аваа д̇ам̣ суд̣̇ассанам̣ д̣̇зварааж̇аанам̣ бамукам̣ гад̇ваа д̇хаммам̣ д̣̇зсзси. д̇ад̣̇аа д̣̇звамануссаанам̣ навуд̇игодисахассаани арахад̇д̇ам̣ баабун̣им̣су. со д̣̇уд̇ияо абхисамаяо ахоси.
Atha dasabalo tassa cittācāraṃ ñatvā tathā adhiṭṭhāsi, yathā naṃ sabbe devamanussā passanti. Tasmiñca divase sakalajambudīpe ekasatarājāno tasseva upahāradānatthāya sannipatiṃsu. Te bhagavato pāde gahetvā nisinnaṃ sudassanaṃ devarājānaṃ nararājāno disvā – ‘‘amhākaṃ devarājā munirājassa piyadassissa satthuno pādaparicariyaṃ karoti, aho buddhā nāma acchariyā, aho buddhaguṇā visiṭṭhā’’ti bhagavati, pasannacittā sabbe bhagavantaṃ namassamānā sirasmiṃ añjaliṃ katvā aṭṭhaṃsu. Tattha piyadassī bhagavā taṃ sudassanaṃ devarājānaṃ pamukhaṃ katvā dhammaṃ desesi. Tadā devamanussānaṃ navutikoṭisahassāni arahattaṃ pāpuṇiṃsu. So dutiyo abhisamayo ahosi.
яад̣̇аа бана наваяож̇анаббамаан̣з гумуд̣̇анаг̇арз б̣уд̣̇д̇хабажжад̇т̇иго д̣̇звад̣̇ад̇д̇о вияа сон̣ад̇т̇зро наама махаабад̣̇умагумаарзна сад̣̇д̇хим̣ манд̇зд̇ваа д̇асса бид̇арам̣ гхаад̇зд̇ваа буна бияад̣̇ассийб̣уд̣̇д̇хасса вад̇хааяа наанаббагаарам̣ баяог̇ам̣ гад̇вааби гхаад̇зд̇ум̣ асаггонд̇о со д̣̇он̣амуканааг̇арааж̇аарохам̣ баггосаабзд̇ваа д̇ам̣ балобхзд̇ваа д̇амад̇т̇ам̣ аарожзси – ‘‘яад̣̇аа банааяам̣ саман̣о бияад̣̇ассий имам̣ наг̇арам̣ бин̣д̣ааяа бависад̇и, д̇ад̣̇аа д̣̇он̣амукам̣ наама г̇аж̇аварам̣ виссаж̇ж̇зд̇ваа бияад̣̇ассийсаман̣ам̣ маарзхий’’д̇и.
Yadā pana navayojanappamāṇe kumudanagare buddhapaccatthiko devadatto viya soṇatthero nāma mahāpadumakumārena saddhiṃ mantetvā tassa pitaraṃ ghātetvā puna piyadassībuddhassa vadhāya nānappakāraṃ payogaṃ katvāpi ghātetuṃ asakkonto so doṇamukhanāgarājārohaṃ pakkosāpetvā taṃ palobhetvā tamatthaṃ ārocesi – ‘‘yadā panāyaṃ samaṇo piyadassī imaṃ nagaraṃ piṇḍāya pavisati, tadā doṇamukhaṃ nāma gajavaraṃ vissajjetvā piyadassīsamaṇaṃ mārehī’’ti.
ат̇а со аарохо хид̇аахид̇авижааран̣арахид̇о рааж̇аваллабхо – ‘‘аяам̣ саман̣о таананд̇арааби мам̣ жаавзяяаа’’д̇и манд̇ваа ‘‘саад̇хуу’’д̇и самбадижчид̇ваа д̣̇уд̇ияад̣̇ивасз д̣̇асаб̣аласса наг̇араббавзсанасамаяам̣ саллагкзд̇ваа суж̇аад̇амад̇т̇агабин̣д̣агумбханалаадам̣ д̇ханусад̣̇исад̣̇ийгхасун̣д̣ад̇адам̣ сувибуламуд̣̇уган̣н̣ам̣ мад̇хубин̇г̇аланаяанам̣ сунд̣̇арагканд̇хаасанам̣ ануваддагханаж̇агханам̣ нижид̇аг̇уул̣хаж̇аан̣уанд̇арам̣ ийсаасад̣̇исаружирад̣̇анд̇ам̣ суваалад̇хим̣ абажид̇амзжагам̣ саб̣б̣алагкан̣асамбаннам̣ асид̇аж̇алад̇харасад̣̇исажааруд̣̇ассанам̣ сийхавигганд̇алалид̇аг̇ааминам̣ ж̇ан̇г̇амамива д̇хараад̇харам̣ сад̇д̇аббад̇идтам̣ сад̇д̇ад̇хаа бабхиннам̣ саб̣б̣асо виссаванд̇ам̣ виг̇г̇ахаванд̇амива анд̇агам̣ убасан̇гамид̇ваа бин̣д̣агаб̣ал̣ан̃ж̇анад̇хуубалзбаад̣̇ивисзсзхи бхияяоби мад̇д̇аббамад̇д̇ам̣ гад̇ваа аривааран̣авааран̣ам̣ зрааван̣авааран̣амива ариж̇анавааран̣ам̣ мунивааран̣ам̣ мааран̣ад̇т̇ааяа бзсзси. ат̇а со д̣̇вирад̣̇аваро муд̇д̇амад̇д̇ова г̇аж̇амахим̣сад̇уран̇г̇анаранаарияо ханд̇ваа хад̇аруд̇хирабариран̃ж̇ид̇асад̣̇анд̇агарасарийро анд̇аж̇аалабарияонад̣̇д̇ханаяано сагадагаваадагуудааг̇аарад̣̇ваарад̇оран̣аад̣̇ийни бхан̃ж̇ид̇ваа гаага-гулала-г̇иж̇жхаад̣̇ийхи анубарияааяамаано хад̇амахим̣санарад̇уран̇г̇ад̣̇ирад̣̇аад̣̇ийнам̣ ан̇г̇аани аалумбид̇ваа мануссабхагко яагко вияа бхагкаяанд̇о д̣̇уурад̇ова д̣̇асаб̣алам̣ сиссаг̇ан̣абаривуд̇ам̣ ааг̇ажчанд̇ам̣ д̣̇исваа анилаг̇арул̣асад̣̇исавзг̇о взг̇зна бхаг̇аванд̇амабхиг̇ан̃чи.
Atha so āroho hitāhitavicāraṇarahito rājavallabho – ‘‘ayaṃ samaṇo ṭhānantarāpi maṃ cāveyyā’’ti mantvā ‘‘sādhū’’ti sampaṭicchitvā dutiyadivase dasabalassa nagarappavesanasamayaṃ sallakkhetvā sujātamatthakapiṇḍakumbhanalāṭaṃ dhanusadisadīghasuṇḍataṭaṃ suvipulamudukaṇṇaṃ madhupiṅgalanayanaṃ sundarakkhandhāsanaṃ anuvaṭṭaghanajaghanaṃ nicitagūḷhajāṇuantaraṃ īsāsadisaruciradantaṃ suvāladhiṃ apacitamecakaṃ sabbalakkhaṇasampannaṃ asitajaladharasadisacārudassanaṃ sīhavikkantalalitagāminaṃ jaṅgamamiva dharādharaṃ sattappatiṭṭhaṃ sattadhā pabhinnaṃ sabbaso vissavantaṃ viggahavantamiva antakaṃ upasaṅkamitvā piṇḍakabaḷañjanadhūpalepādivisesehi bhiyyopi mattappamattaṃ katvā arivāraṇavāraṇaṃ erāvaṇavāraṇamiva arijanavāraṇaṃ munivāraṇaṃ māraṇatthāya pesesi. Atha so dviradavaro muttamattova gajamahiṃsaturaṅganaranāriyo hantvā hatarudhiraparirañjitasadantakarasarīro antajālapariyonaddhanayano sakaṭakavāṭakūṭāgāradvāratoraṇādīni bhañjitvā kāka-kulala-gijjhādīhi anupariyāyamāno hatamahiṃsanaraturaṅgadiradādīnaṃ aṅgāni ālumpitvā manussabhakkho yakkho viya bhakkhayanto dūratova dasabalaṃ sissagaṇaparivutaṃ āgacchantaṃ disvā anilagaruḷasadisavego vegena bhagavantamabhigañchi.
ат̇а бураваасино бана ж̇анаа бхаяасанд̇аабабарибуурид̇амаанасаа баасаад̣̇абаагааражаяад̇аруубаг̇ад̇аа д̇ат̇ааг̇ад̇аабхимукамабхид̇хааванд̇ам̣ д̣̇исваа хаахаагаарасад̣̇д̣̇амагам̣су. гзжи бана убаасагаа д̇ам̣ наанаббагаарзхи наязхи ниваараяид̇умаарабхим̣су. ат̇а со б̣уд̣̇д̇ханааг̇о хад̇т̇инааг̇амааяанд̇амологзд̇ваа гарун̣аавибпаарасийд̇алахад̣̇аяо мзд̇д̇ааяа д̇ам̣ пари. д̇ад̇о со хад̇т̇инааг̇о мзд̇д̇аапаран̣зна муд̣̇угад̇ахад̣̇аяасанд̇аано ад̇д̇ано д̣̇осаабараад̇хам̣ н̃ад̇ваа лаж̇ж̇ааяа бхаг̇авад̇о бурад̇о таад̇ум̣ асаггонд̇о бат̇авияам̣ бависанд̇о вияа сирасаа бхаг̇авад̇о баад̣̇зсу нибад̇и. звам̣ нибанно бана со д̇имиранигарасад̣̇исасарийро сан̃чааббабхаануран̃ж̇ид̇авараганагаг̇ирисикарасамийбамубаг̇ад̇о асид̇асалилад̇харанигаро вияа вирожид̇т̇а.
Atha puravāsino pana janā bhayasantāpaparipūritamānasā pāsādapākāracayatarūpagatā tathāgatābhimukhamabhidhāvantaṃ disvā hāhākārasaddamakaṃsu. Keci pana upāsakā taṃ nānappakārehi nayehi nivārayitumārabhiṃsu. Atha so buddhanāgo hatthināgamāyantamoloketvā karuṇāvipphārasītalahadayo mettāya taṃ phari. Tato so hatthināgo mettāpharaṇena mudukatahadayasantāno attano dosāparādhaṃ ñatvā lajjāya bhagavato purato ṭhātuṃ asakkonto pathaviyaṃ pavisanto viya sirasā bhagavato pādesu nipati. Evaṃ nipanno pana so timiranikarasadisasarīro sañchāppabhānurañjitavarakanakagirisikharasamīpamupagato asitasaliladharanikaro viya virocittha.
ат̇звам̣ мунирааж̇абаад̣̇амуулз гарирааж̇аанам̣ сирасаа нибад̇анд̇ам̣ д̣̇исваа нааг̇араж̇анаа барамабийд̇ибуурид̇ахад̣̇аяаа саад̇хугаарасийханаад̣̇ам̣ уггудтисад̣̇д̣̇ам̣ бавад̇д̇аяим̣су. сурабхигусумамаалаажанд̣̇анаг̇анд̇хажун̣н̣аалан̇гаараад̣̇ийхи д̇ам̣ анзгаббагаарам̣ бууж̇зсум̣. саманд̇ад̇о жзлугкзбаа бавад̇д̇им̣су. г̇аг̇анад̇алз сурад̣̇унд̣̇убхияо абхинад̣̇им̣су. ат̇а бхаг̇аваа д̇амасид̇аг̇ирисикарамива баад̣̇амуулз нибаннам̣ д̣̇ирад̣̇аварам̣ ологзд̇ваа ан̇гусад̇хаж̇аж̇ааласан̇кажаггаалан̇гад̇зна гарад̇алзна г̇аж̇аварамад̇т̇агам̣ бараамасид̇ваа д̇асса жид̇д̇аажаараанугуулааяа д̇хаммад̣̇зсанааяа д̇ам̣ анусааси –
Athevaṃ munirājapādamūle karirājānaṃ sirasā nipatantaṃ disvā nāgarajanā paramapītipūritahadayā sādhukārasīhanādaṃ ukkuṭṭhisaddaṃ pavattayiṃsu. Surabhikusumamālācandanagandhacuṇṇālaṅkārādīhi taṃ anekappakāraṃ pūjesuṃ. Samantato celukkhepā pavattiṃsu. Gaganatale suradundubhiyo abhinadiṃsu. Atha bhagavā tamasitagirisikharamiva pādamūle nipannaṃ diradavaraṃ oloketvā aṅkusadhajajālasaṅkhacakkālaṅkatena karatalena gajavaramatthakaṃ parāmasitvā tassa cittācārānukūlāya dhammadesanāya taṃ anusāsi –
‘‘г̇аж̇авара вад̣̇ад̇о сун̣охи ваажам̣, мама хид̇амад̇т̇аяуд̇ан̃жа д̇ам̣ бхаж̇аахи;
‘‘Gajavara vadato suṇohi vācaṃ, mama hitamatthayutañca taṃ bhajāhi;
д̇ава вад̇ханирад̇ам̣ бад̣̇удтабхаавам̣, абанаяа санд̇амубзхи жааруд̣̇анд̇и.
Tava vadhanirataṃ paduṭṭhabhāvaṃ, apanaya santamupehi cārudanti.
‘‘лобхзна д̣̇осзна жа мохад̇о ваа, яо баан̣ино хим̣сад̇и вааран̣инд̣̇а;
‘‘Lobhena dosena ca mohato vā, yo pāṇino hiṃsati vāraṇinda;
со баан̣агхаад̇ий сужирамби гаалам̣, д̣̇угкам̣ сугхорам̣ нарагзнубход̇и.
So pāṇaghātī sucirampi kālaṃ, dukkhaṃ sughoraṃ narakenubhoti.
‘‘маагааси маад̇ан̇г̇а бунзваруубам̣, гаммам̣ бамаад̣̇зна мад̣̇зна вааби;
‘‘Mākāsi mātaṅga punevarūpaṃ, kammaṃ pamādena madena vāpi;
авийжияам̣ д̣̇угкамасаяха габбам̣, баббод̇и баан̣ам̣ ад̇ибаад̇аяанд̇о.
Avīciyaṃ dukkhamasayha kappaṃ, pappoti pāṇaṃ atipātayanto.
‘‘д̣̇угкам̣ сугхорам̣ нарагзнубход̇ваа, мануссалогам̣ яад̣̇и яаад̇и бхияяо;
‘‘Dukkhaṃ sughoraṃ narakenubhotvā, manussalokaṃ yadi yāti bhiyyo;
аббааяуго ход̇и вируубаруубо, вихим̣саго д̣̇угкависзсабхааг̇ий.
Appāyuko hoti virūparūpo, vihiṃsako dukkhavisesabhāgī.
‘‘яат̇аа жа баан̣аа барамам̣ бияаа д̇з, махааж̇анз гун̃ж̇ара манд̣̇анааг̇а;
‘‘Yathā ca pāṇā paramaṃ piyā te, mahājane kuñjara mandanāga;
д̇ат̇аа барассааби бияаад̇и н̃ад̇ваа, баан̣аад̇ибаад̇о бариваж̇ж̇анийяо.
Tathā parassāpi piyāti ñatvā, pāṇātipāto parivajjanīyo.
‘‘д̣̇осз жа хим̣саанирад̇з вид̣̇ид̇ваа, баан̣аад̇ибаад̇аа вирад̇з г̇ун̣з жа;
‘‘Dose ca hiṃsānirate viditvā, pāṇātipātā virate guṇe ca;
баан̣аад̇ибаад̇ам̣ бариваж̇ж̇аяа д̇вам̣, саг̇г̇з сукам̣ ижчаси жз барад̇т̇а.
Pāṇātipātaṃ parivajjaya tvaṃ, sagge sukhaṃ icchasi ce parattha.
‘‘баан̣аад̇ибаад̇аа вирад̇о суд̣̇анд̇о, бияо манаабо бхавад̇ийд̇ха логз;
‘‘Pāṇātipātā virato sudanto, piyo manāpo bhavatīdha loke;
гааяасса бхзд̣̇аа жа барам̣ банасса, саг̇г̇аад̇хиваасам̣ гат̇аяанд̇и б̣уд̣̇д̇хаа.
Kāyassa bhedā ca paraṃ panassa, saggādhivāsaṃ kathayanti buddhā.
‘‘д̣̇угкааг̇амам̣ нижчад̇и гожи логз, саб̣б̣оби ж̇аад̇о сукамзсад̇зва;
‘‘Dukkhāgamaṃ nicchati koci loke, sabbopi jāto sukhamesateva;
д̇асмаа махаанааг̇а вихааяа хим̣сам̣, бхаавзхи мзд̇д̇ам̣ гарун̣ан̃жа гаалз’’д̇и.
Tasmā mahānāga vihāya hiṃsaṃ, bhāvehi mettaṃ karuṇañca kāle’’ti.
ат̇звам̣ д̣̇асаб̣алзнаанусаасияамаано д̣̇анд̇иваро сан̃н̃ам̣ бадилабхид̇ваа барамавинийд̇о винаяаажаарасамбанно сиссо вияа ахоси. звам̣ со бияад̣̇ассий бхаг̇аваа амхаагам̣ сад̇т̇аа вияа д̇ханабаалам̣ д̣̇он̣амукам̣ гариварам̣ д̣̇амид̇ваа д̇ад̇т̇а махааж̇анасамааг̇амз д̇хаммам̣ д̣̇зсзси. д̇ад̣̇аа асийд̇игодисахассаанам̣ д̇хаммаабхисамаяо ахоси. аяам̣ д̇ад̇ияо абхисамаяо ахоси. д̇зна вуд̇д̇ам̣ –
Athevaṃ dasabalenānusāsiyamāno dantivaro saññaṃ paṭilabhitvā paramavinīto vinayācārasampanno sisso viya ahosi. Evaṃ so piyadassī bhagavā amhākaṃ satthā viya dhanapālaṃ doṇamukhaṃ karivaraṃ damitvā tattha mahājanasamāgame dhammaṃ desesi. Tadā asītikoṭisahassānaṃ dhammābhisamayo ahosi. Ayaṃ tatiyo abhisamayo ahosi. Tena vuttaṃ –
1.
1.
‘‘суж̇аад̇асса абарзна, саяамбхуу логанааяаго;
‘‘Sujātassa aparena, sayambhū lokanāyako;
д̣̇ураасад̣̇о асамасамо, бияад̣̇ассий махааяасо.
Durāsado asamasamo, piyadassī mahāyaso.
2.
2.
‘‘соби б̣уд̣̇д̇хо амид̇аяасо, аад̣̇ижжова вирожад̇и;
‘‘Sopi buddho amitayaso, ādiccova virocati;
саб̣б̣ам̣ д̇амам̣ ниханд̇ваана, д̇хаммажаггам̣ бавад̇д̇аяи.
Sabbaṃ tamaṃ nihantvāna, dhammacakkaṃ pavattayi.
3.
3.
‘‘д̇ассааби ад̇улад̇зж̇асса, ахзсум̣ абхисамаяаа д̇аяо;
‘‘Tassāpi atulatejassa, ahesuṃ abhisamayā tayo;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
4.
4.
‘‘суд̣̇ассано д̣̇зварааж̇аа, мижчаад̣̇идтимарожаяи;
‘‘Sudassano devarājā, micchādiṭṭhimarocayi;
д̇асса д̣̇идтим̣ винод̣̇знд̇о, сад̇т̇аа д̇хаммамад̣̇зсаяи.
Tassa diṭṭhiṃ vinodento, satthā dhammamadesayi.
5.
5.
‘‘ж̇анасаннибаад̇о ад̇уло, махаасаннибад̇ий д̇ад̣̇аа;
‘‘Janasannipāto atulo, mahāsannipatī tadā;
навуд̇игодисахассаанам̣, д̣̇уд̇ияаабхисамаяо аху.
Navutikoṭisahassānaṃ, dutiyābhisamayo ahu.
6.
6.
‘‘яад̣̇аа д̣̇он̣амукам̣ хад̇т̇им̣, винзси нарасаарат̇и;
‘‘Yadā doṇamukhaṃ hatthiṃ, vinesi narasārathi;
асийд̇игодисахассаанам̣, д̇ад̇ияаабхисамаяо ахуу’’д̇и.
Asītikoṭisahassānaṃ, tatiyābhisamayo ahū’’ti.
суман̇г̇аланаг̇арз баалид̇о наама рааж̇абуд̇д̇о жа бурохид̇абуд̇д̇о саб̣б̣ад̣̇ассигумааро жаад̇и д̣̇вз сахааяагаа ахзсум̣. д̇з бияад̣̇ассимхи саммаасамб̣уд̣̇д̇хз жааригам̣ жаранд̇з ‘‘ад̇д̇ано наг̇арам̣ самбад̇д̇о’’д̇и суд̇ваа годисад̇асахассабариваараа бажжуг̇г̇аманам̣ гад̇ваа д̇асса д̇хаммам̣ суд̇ваа сад̇д̇аахам̣ махаад̣̇аанам̣ д̣̇ад̇ваа сад̇д̇амз д̣̇ивасз бхаг̇авад̇о бхад̇д̇аанумод̣̇анаавасаанз годисад̇асахассзхи сад̣̇д̇хим̣ баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ бана маж̇жхз бхаг̇аваа баад̇имогкам̣ уд̣̇д̣̇иси, со батамо саннибаад̇о ахоси. ат̇аабарзна самаязна суд̣̇ассанад̣̇зварааж̇асса самааг̇амз навуд̇игодияо арахад̇д̇ам̣ баабун̣им̣су. д̇зхи баривуд̇о сад̇т̇аа баад̇имогкам̣ уд̣̇д̣̇иси, аяам̣ д̣̇уд̇ияо саннибаад̇о ахоси. буна д̣̇он̣амукавинаяанз асийд̇игодияо баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ маж̇жхз бхаг̇аваа баад̇имогкам̣ уд̣̇д̣̇иси, аяам̣ д̇ад̇ияо саннибаад̇о ахоси. д̇зна вуд̇д̇ам̣ –
Sumaṅgalanagare pālito nāma rājaputto ca purohitaputto sabbadassikumāro cāti dve sahāyakā ahesuṃ. Te piyadassimhi sammāsambuddhe cārikaṃ carante ‘‘attano nagaraṃ sampatto’’ti sutvā koṭisatasahassaparivārā paccuggamanaṃ katvā tassa dhammaṃ sutvā sattāhaṃ mahādānaṃ datvā sattame divase bhagavato bhattānumodanāvasāne koṭisatasahassehi saddhiṃ pabbajitvā arahattaṃ pāpuṇiṃsu. Tesaṃ pana majjhe bhagavā pātimokkhaṃ uddisi, so paṭhamo sannipāto ahosi. Athāparena samayena sudassanadevarājassa samāgame navutikoṭiyo arahattaṃ pāpuṇiṃsu. Tehi parivuto satthā pātimokkhaṃ uddisi, ayaṃ dutiyo sannipāto ahosi. Puna doṇamukhavinayane asītikoṭiyo pabbajitvā arahattaṃ pāpuṇiṃsu. Tesaṃ majjhe bhagavā pātimokkhaṃ uddisi, ayaṃ tatiyo sannipāto ahosi. Tena vuttaṃ –
7.
7.
‘‘саннибаад̇аа д̇аяо аасум̣, д̇ассааби бияад̣̇ассино;
‘‘Sannipātā tayo āsuṃ, tassāpi piyadassino;
годисад̇асахассаанам̣, батамо ааси самааг̇амо.
Koṭisatasahassānaṃ, paṭhamo āsi samāgamo.
8.
8.
‘‘д̇ад̇о барам̣ навуд̇игодий, самим̣су згад̇о муний;
‘‘Tato paraṃ navutikoṭī, samiṃsu ekato munī;
д̇ад̇ияз саннибаад̇амхи, асийд̇игодияо ахуу’’д̇и.
Tatiye sannipātamhi, asītikoṭiyo ahū’’ti.
д̇ад̣̇аа амхаагам̣ б̣од̇хисад̇д̇о гассабо наама б̣раахман̣амаан̣аво ид̇ихаасабан̃жамаанам̣ д̇ин̣н̣ам̣ взд̣̇аанам̣ баараг̇уу худ̇ваа сад̇т̇у д̇хаммад̣̇зсанам̣ суд̇ваа годисад̇асахассабарижжааг̇зна барамаараамам̣ сан̇гхаараамам̣ гаарзд̇ваа саран̣зсу жа бан̃жасийлзсу жа бад̇идтааси. ат̇а нам̣ сад̇т̇аа – ‘‘ид̇о адтаарасагаббасад̇ажжаязна г̇од̇амо наама б̣уд̣̇д̇хо логз бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto kassapo nāma brāhmaṇamāṇavo itihāsapañcamānaṃ tiṇṇaṃ vedānaṃ pāragū hutvā satthu dhammadesanaṃ sutvā koṭisatasahassapariccāgena paramārāmaṃ saṅghārāmaṃ kāretvā saraṇesu ca pañcasīlesu ca patiṭṭhāsi. Atha naṃ satthā – ‘‘ito aṭṭhārasakappasataccayena gotamo nāma buddho loke bhavissatī’’ti byākāsi. Tena vuttaṃ –
9.
9.
‘‘ахам̣ д̇зна самаязна, гассабо наама б̣раахман̣о;
‘‘Ahaṃ tena samayena, kassapo nāma brāhmaṇo;
аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу.
Ajjhāyako mantadharo, tiṇṇaṃ vedāna pāragū.
10.
10.
‘‘д̇асса д̇хаммам̣ сун̣ид̇ваана, басаад̣̇ам̣ ж̇анаяим̣ ахам̣;
‘‘Tassa dhammaṃ suṇitvāna, pasādaṃ janayiṃ ahaṃ;
годисад̇асахассзхи, сан̇гхаараамам̣ амаабаяим̣.
Koṭisatasahassehi, saṅghārāmaṃ amāpayiṃ.
11.
11.
‘‘д̇асса д̣̇ад̇ваана аараамам̣, хадто сам̣виг̇г̇амаанасо;
‘‘Tassa datvāna ārāmaṃ, haṭṭho saṃviggamānaso;
саран̣з бан̃жасийлз жа, д̣̇ал̣ахам̣ гад̇ваа самаад̣̇ияим̣.
Saraṇe pañcasīle ca, daḷahaṃ katvā samādiyiṃ.
12.
12.
‘‘соби мам̣ б̣уд̣̇д̇хо б̣яаагааси, сан̇гхамаж̇жхз нисийд̣̇ияа;
‘‘Sopi maṃ buddho byākāsi, saṅghamajjhe nisīdiya;
адтаарасз габбасад̇з, аяам̣ б̣уд̣̇д̇хо бхависсад̇и.
Aṭṭhārase kappasate, ayaṃ buddho bhavissati.
13.
13.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
14.
14.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.
Uttariṃ vatamadhiṭṭhāsiṃ, dasapāramipūriyā’’ti.
д̇ад̇т̇а саран̣з бан̃жасийлз жаад̇и д̇ийн̣и саран̣аани бан̃жа сийлаани жаад̇и ад̇т̇о. адтаарасз габбасад̇зд̇и ид̇о адтасад̇аад̇хигасса габбасахассасса ажжаязнаад̇и ад̇т̇о.
Tattha saraṇe pañcasīle cāti tīṇi saraṇāni pañca sīlāni cāti attho. Aṭṭhārase kappasateti ito aṭṭhasatādhikassa kappasahassassa accayenāti attho.
д̇асса бана бхаг̇авад̇о суд̇хан̃н̃ам̣ наама наг̇арам̣ ахоси. бид̇аа суд̣̇ад̇д̇о наама рааж̇аа, маад̇аа сужанд̣̇аа наама д̣̇звий, баалид̇о жа саб̣б̣ад̣̇ассий жа д̣̇вз аг̇г̇асаавагаа, собхид̇о наамубадтааго, суж̇аад̇аа жа д̇хаммад̣̇иннаа жа д̣̇вз аг̇г̇асаавигаа, гагуд̇харугко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси, навуд̇ивассасахассаани ааяу, вималаа наамасса аг̇г̇амахзсий ахоси, ган̃жанаавзл̣о наама буд̇д̇о, со ааж̇ан̃н̃арат̇зна нигкамийд̇и. д̇зна вуд̇д̇ам̣ –
Tassa pana bhagavato sudhaññaṃ nāma nagaraṃ ahosi. Pitā sudatto nāma rājā, mātā sucandā nāma devī, pālito ca sabbadassī ca dve aggasāvakā, sobhito nāmupaṭṭhāko, sujātā ca dhammadinnā ca dve aggasāvikā, kakudharukkho bodhi, sarīraṃ asītihatthubbedhaṃ ahosi, navutivassasahassāni āyu, vimalā nāmassa aggamahesī ahosi, kañcanāveḷo nāma putto, so ājaññarathena nikkhamīti. Tena vuttaṃ –
15.
15.
‘‘суд̇хан̃н̃ам̣ наама наг̇арам̣, суд̣̇ад̇д̇о наама кад̇д̇ияо;
‘‘Sudhaññaṃ nāma nagaraṃ, sudatto nāma khattiyo;
жанд̣̇аа наамааси ж̇анигаа, бияад̣̇ассисса сад̇т̇уно.
Candā nāmāsi janikā, piyadassissa satthuno.
20.
20.
‘‘баалид̇о саб̣б̣ад̣̇ассий жа, ахзсум̣ аг̇г̇асаавагаа;
‘‘Pālito sabbadassī ca, ahesuṃ aggasāvakā;
собхид̇о наамубадтааго, бияад̣̇ассисса сад̇т̇уно.
Sobhito nāmupaṭṭhāko, piyadassissa satthuno.
21.
21.
‘‘суж̇аад̇аа д̇хаммад̣̇иннаа жа, ахзсум̣ аг̇г̇асаавигаа;
‘‘Sujātā dhammadinnā ca, ahesuṃ aggasāvikā;
б̣од̇хи д̇асса бхаг̇авад̇о, гагуд̇ход̇и бавужжад̇и.
Bodhi tassa bhagavato, kakudhoti pavuccati.
23.
23.
‘‘соби б̣уд̣̇д̇хо амид̇аяасо, д̣̇вад̇д̇им̣саваралагкан̣о;
‘‘Sopi buddho amitayaso, dvattiṃsavaralakkhaṇo;
асийд̇ихад̇т̇амуб̣б̣зд̇хо, сааларааж̇аава д̣̇иссад̇и.
Asītihatthamubbedho, sālarājāva dissati.
24.
24.
‘‘аг̇г̇ижанд̣̇асуурияаанам̣, над̇т̇и д̇аад̣̇исигаа бабхаа;
‘‘Aggicandasūriyānaṃ, natthi tādisikā pabhā;
яат̇аа аху бабхаа д̇асса, асамасса махзсино.
Yathā ahu pabhā tassa, asamassa mahesino.
25.
25.
‘‘д̇ассааби д̣̇звад̣̇звасса, ааяу д̇аавад̇агам̣ аху;
‘‘Tassāpi devadevassa, āyu tāvatakaṃ ahu;
навуд̇ивассасахассаани, логз адтааси жагкумаа.
Navutivassasahassāni, loke aṭṭhāsi cakkhumā.
26.
26.
‘‘соби б̣уд̣̇д̇хо асамасамо, яуг̇ааниби д̇аани ад̇улияаани;
‘‘Sopi buddho asamasamo, yugānipi tāni atuliyāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а сааларааж̇аа ваад̇и саб̣б̣апаалипулло барамараман̣ийяад̣̇ассано самаваддагканд̇хо сааларааж̇аа вияа д̣̇иссад̇и. яуг̇ааниби д̇аанийд̇и аг̇г̇асаавагаяуг̇аад̣̇ийни яуг̇ал̣аани. сзсаг̇аат̇аасу саб̣б̣ад̇т̇а уд̇д̇аанамзваад̇и.
Tattha sālarājā vāti sabbaphāliphullo paramaramaṇīyadassano samavaṭṭakkhandho sālarājā viya dissati. Yugānipi tānīti aggasāvakayugādīni yugaḷāni. Sesagāthāsu sabbattha uttānamevāti.
бияад̣̇ассийб̣уд̣̇д̇хавам̣саван̣н̣анаа нидтид̇аа.
Piyadassībuddhavaṃsavaṇṇanā niṭṭhitā.
нидтид̇о д̇зрасамо б̣уд̣̇д̇хавам̣со.
Niṭṭhito terasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 15. бияад̣̇ассийб̣уд̣̇д̇хавам̣со • 15. Piyadassībuddhavaṃso
