| Library / Tipiṭaka / តិបិដក • Tipiṭaka / បេតវត្ថុបាឡិ • Petavatthupāḷi |
៤. បិដ្ឋធីតលិកបេតវត្ថុ
4. Piṭṭhadhītalikapetavatthu
១០.
10.
‘‘យំ កិញ្ចារម្មណំ កត្វា, ទជ្ជា ទានំ អមច្ឆរី;
‘‘Yaṃ kiñcārammaṇaṃ katvā, dajjā dānaṃ amaccharī;
បុព្ពបេតេ ច អារព្ភ, អថ វា វត្ថុទេវតា។
Pubbapete ca ārabbha, atha vā vatthudevatā.
១១.
11.
កុវេរំ ធតរដ្ឋញ្ច, វិរូបក្ខំ វិរូឡ្ហកំ;
Kuveraṃ dhataraṭṭhañca, virūpakkhaṃ virūḷhakaṃ;
តេ ចេវ បូជិតា ហោន្តិ, ទាយកា ច អនិប្ផលា។
Te ceva pūjitā honti, dāyakā ca anipphalā.
១២.
12.
‘‘ន ហិ រុណ្ណំ វា សោកោ វា, យា ចញ្ញា បរិទេវនា;
‘‘Na hi ruṇṇaṃ vā soko vā, yā caññā paridevanā;
ន តំ បេតស្ស អត្ថាយ, ឯវំ តិដ្ឋន្តិ ញាតយោ។
Na taṃ petassa atthāya, evaṃ tiṭṭhanti ñātayo.
១៣.
13.
‘‘អយញ្ច ខោ ទក្ខិណា ទិន្នា, សង្ឃម្ហិ សុប្បតិដ្ឋិតា;
‘‘Ayañca kho dakkhiṇā dinnā, saṅghamhi suppatiṭṭhitā;
ទីឃរត្តំ ហិតាយស្ស, ឋានសោ ឧបកប្បតី’’តិ។
Dīgharattaṃ hitāyassa, ṭhānaso upakappatī’’ti.
បិដ្ឋធីតលិកបេតវត្ថុ ចតុត្ថំ។
Piṭṭhadhītalikapetavatthu catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បេតវត្ថុ-អដ្ឋកថា • Petavatthu-aṭṭhakathā / ៤. បិដ្ឋធីតលិកបេតវត្ថុវណ្ណនា • 4. Piṭṭhadhītalikapetavatthuvaṇṇanā
