| Library / Tipiṭaka / তিপিটক • Tipiṭaka / চূল়নিদ্দেসপাল়ি • Cūḷaniddesapāḷi |
১৬. পিঙ্গিযমাণৰপুচ্ছা
16. Piṅgiyamāṇavapucchā
১৪৫.
145.
‘‘জিণ্ণোহমস্মি অবলো ৰীতৰণ্ণো, [ইচ্চাযস্মা পিঙ্গিযো]
‘‘Jiṇṇohamasmi abalo vītavaṇṇo, [iccāyasmā piṅgiyo]
নেত্তা ন সুদ্ধা সৰনং ন ফাসু।
Nettā na suddhā savanaṃ na phāsu;
মাহং নস্সং মোমুহো অন্তরাৰ, আচিক্খ ধম্মং যমহং ৰিজঞ্ঞং।
Māhaṃ nassaṃ momuho antarāva, ācikkha dhammaṃ yamahaṃ vijaññaṃ;
জাতিজরায ইধ ৰিপ্পহানং’’॥
Jātijarāya idha vippahānaṃ’’.
১৪৬.
146.
‘‘দিস্ৰান রূপেসু ৰিহঞ্ঞমানে, [পিঙ্গিযাতি ভগৰা]
‘‘Disvāna rūpesu vihaññamāne, [piṅgiyāti bhagavā]
রুপ্পন্তি রূপেসু জনা পমত্তা।
Ruppanti rūpesu janā pamattā;
তস্মা তুৰং পিঙ্গিয অপ্পমত্তো, জহস্সু রূপং অপুনব্ভৰায’’॥
Tasmā tuvaṃ piṅgiya appamatto, jahassu rūpaṃ apunabbhavāya’’.
১৪৭.
147.
‘‘দিসা চতস্সো ৰিদিসা চতস্সো, উদ্ধং অধো দস দিসা ইমাযো।
‘‘Disā catasso vidisā catasso, uddhaṃ adho dasa disā imāyo;
আচিক্খ ধম্মং যমহং ৰিজঞ্ঞং, জাতিজরায ইধ ৰিপ্পহানং’’॥
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
১৪৮.
148.
‘‘তণ্হাধিপন্নে মনুজে পেক্খমানো, [পিঙ্গিযাতি ভগৰা]
‘‘Taṇhādhipanne manuje pekkhamāno, [piṅgiyāti bhagavā]
সন্তাপজাতে জরসা পরেতে।
Santāpajāte jarasā parete;
তস্মা তুৰং পিঙ্গিয অপ্পমত্তো, জহস্সু তণ্হং অপুনব্ভৰাযা’’তি॥
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
পিঙ্গিযমাণৰপুচ্ছা সোল়সমা।
Piṅgiyamāṇavapucchā soḷasamā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চূল়নিদ্দেস-অট্ঠকথা • Cūḷaniddesa-aṭṭhakathā / ১৬. পিঙ্গিযমাণৰসুত্তনিদ্দেসৰণ্ণনা • 16. Piṅgiyamāṇavasuttaniddesavaṇṇanā
