| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪಿಣ್ಡಪಾತಿಕತ್ಥೇರಅಪದಾನಂ
10. Piṇḍapātikattheraapadānaṃ
೩೭.
37.
‘‘ತಿಸ್ಸೋ ನಾಮಾಸಿ ಸಮ್ಬುದ್ಧೋ, ವಿಹಾಸಿ ವಿಪಿನೇ ತದಾ।
‘‘Tisso nāmāsi sambuddho, vihāsi vipine tadā;
ತುಸಿತಾ ಹಿ ಇಧಾಗನ್ತ್ವಾ, ಪಿಣ್ಡಪಾತಂ ಅದಾಸಹಂ॥
Tusitā hi idhāgantvā, piṇḍapātaṃ adāsahaṃ.
೩೮.
38.
‘‘ಸಮ್ಬುದ್ಧಮಭಿವಾದೇತ್ವಾ, ತಿಸ್ಸಂ ನಾಮ ಮಹಾಯಸಂ।
‘‘Sambuddhamabhivādetvā, tissaṃ nāma mahāyasaṃ;
ಸಕಂ ಚಿತ್ತಂ ಪಸಾದೇತ್ವಾ, ತುಸಿತಂ ಅಗಮಾಸಹಂ॥
Sakaṃ cittaṃ pasādetvā, tusitaṃ agamāsahaṃ.
೩೯.
39.
‘‘ದ್ವೇನವುತೇ ಇತೋ ಕಪ್ಪೇ, ಯಂ ದಾನಮದದಿಂ ತದಾ।
‘‘Dvenavute ito kappe, yaṃ dānamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಪಿಣ್ಡಪಾತಸ್ಸಿದಂ ಫಲಂ॥
Duggatiṃ nābhijānāmi, piṇḍapātassidaṃ phalaṃ.
೪೦.
40.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಿಣ್ಡಪಾತಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā piṇḍapātiko thero imā gāthāyo abhāsitthāti.
ಪಿಣ್ಡಪಾತಿಕತ್ಥೇರಸ್ಸಾಪದಾನಂ ದಸಮಂ।
Piṇḍapātikattherassāpadānaṃ dasamaṃ.
ಸದ್ದಸಞ್ಞಕವಗ್ಗೋ ಛತ್ತಿಂಸತಿಮೋ।
Saddasaññakavaggo chattiṃsatimo.
ತಸ್ಸುದ್ದಾನಂ –
Tassuddānaṃ –
ಸದ್ದಸಞ್ಞೀ ಯವಸಿಕೋ, ಕಿಂಸುಕೋರಣ್ಡಪುಪ್ಫಿಯೋ।
Saddasaññī yavasiko, kiṃsukoraṇḍapupphiyo;
ಆಲಮ್ಬನೋ ಅಮ್ಬಯಾಗು, ಸುಪುಟೀ ಮಞ್ಚದಾಯಕೋ।
Ālambano ambayāgu, supuṭī mañcadāyako;
ಸರಣಂ ಪಿಣ್ಡಪಾತೋ ಚ, ಗಾಥಾ ತಾಲೀಸಮೇವ ಚ॥
Saraṇaṃ piṇḍapāto ca, gāthā tālīsameva ca.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಪದುಮಕೇಸರಿಯತ್ಥೇರಅಪದಾನಾದಿವಣ್ಣನಾ • 1-10. Padumakesariyattheraapadānādivaṇṇanā
