| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បិណ្ឌបាតិកត្ថេរអបទានំ
10. Piṇḍapātikattheraapadānaṃ
៣៧.
37.
‘‘តិស្សោ នាមាសិ សម្ពុទ្ធោ, វិហាសិ វិបិនេ តទា;
‘‘Tisso nāmāsi sambuddho, vihāsi vipine tadā;
តុសិតា ហិ ឥធាគន្ត្វា, បិណ្ឌបាតំ អទាសហំ។
Tusitā hi idhāgantvā, piṇḍapātaṃ adāsahaṃ.
៣៨.
38.
‘‘សម្ពុទ្ធមភិវាទេត្វា, តិស្សំ នាម មហាយសំ;
‘‘Sambuddhamabhivādetvā, tissaṃ nāma mahāyasaṃ;
សកំ ចិត្តំ បសាទេត្វា, តុសិតំ អគមាសហំ។
Sakaṃ cittaṃ pasādetvā, tusitaṃ agamāsahaṃ.
៣៩.
39.
‘‘ទ្វេនវុតេ ឥតោ កប្បេ, យំ ទានមទទិំ តទា;
‘‘Dvenavute ito kappe, yaṃ dānamadadiṃ tadā;
ទុគ្គតិំ នាភិជានាមិ, បិណ្ឌបាតស្សិទំ ផលំ។
Duggatiṃ nābhijānāmi, piṇḍapātassidaṃ phalaṃ.
៤០.
40.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បិណ្ឌបាតិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā piṇḍapātiko thero imā gāthāyo abhāsitthāti.
បិណ្ឌបាតិកត្ថេរស្សាបទានំ ទសមំ។
Piṇḍapātikattherassāpadānaṃ dasamaṃ.
សទ្ទសញ្ញកវគ្គោ ឆត្តិំសតិមោ។
Saddasaññakavaggo chattiṃsatimo.
តស្សុទ្ទានំ –
Tassuddānaṃ –
សទ្ទសញ្ញី យវសិកោ, កិំសុកោរណ្ឌបុប្ផិយោ;
Saddasaññī yavasiko, kiṃsukoraṇḍapupphiyo;
អាលម្ពនោ អម្ពយាគុ, សុបុដី មញ្ចទាយកោ;
Ālambano ambayāgu, supuṭī mañcadāyako;
សរណំ បិណ្ឌបាតោ ច, គាថា តាលីសមេវ ច។
Saraṇaṃ piṇḍapāto ca, gāthā tālīsameva ca.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. បទុមកេសរិយត្ថេរអបទានាទិវណ្ណនា • 1-10. Padumakesariyattheraapadānādivaṇṇanā
