| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
১০. পিণ্ডপাতিকত্থেরঅপদানং
10. Piṇḍapātikattheraapadānaṃ
৩৭.
37.
‘‘তিস্সো নামাসি সম্বুদ্ধো, ৰিহাসি ৰিপিনে তদা।
‘‘Tisso nāmāsi sambuddho, vihāsi vipine tadā;
তুসিতা হি ইধাগন্ত্ৰা, পিণ্ডপাতং অদাসহং॥
Tusitā hi idhāgantvā, piṇḍapātaṃ adāsahaṃ.
৩৮.
38.
‘‘সম্বুদ্ধমভিৰাদেত্ৰা, তিস্সং নাম মহাযসং।
‘‘Sambuddhamabhivādetvā, tissaṃ nāma mahāyasaṃ;
সকং চিত্তং পসাদেত্ৰা, তুসিতং অগমাসহং॥
Sakaṃ cittaṃ pasādetvā, tusitaṃ agamāsahaṃ.
৩৯.
39.
‘‘দ্ৰেনৰুতে ইতো কপ্পে, যং দানমদদিং তদা।
‘‘Dvenavute ito kappe, yaṃ dānamadadiṃ tadā;
দুগ্গতিং নাভিজানামি, পিণ্ডপাতস্সিদং ফলং॥
Duggatiṃ nābhijānāmi, piṇḍapātassidaṃ phalaṃ.
৪০.
40.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পিণ্ডপাতিকো থেরো ইমা গাথাযো অভাসিত্থাতি।
Itthaṃ sudaṃ āyasmā piṇḍapātiko thero imā gāthāyo abhāsitthāti.
পিণ্ডপাতিকত্থেরস্সাপদানং দসমং।
Piṇḍapātikattherassāpadānaṃ dasamaṃ.
সদ্দসঞ্ঞকৰগ্গো ছত্তিংসতিমো।
Saddasaññakavaggo chattiṃsatimo.
তস্সুদ্দানং –
Tassuddānaṃ –
সদ্দসঞ্ঞী যৰসিকো, কিংসুকোরণ্ডপুপ্ফিযো।
Saddasaññī yavasiko, kiṃsukoraṇḍapupphiyo;
আলম্বনো অম্বযাগু, সুপুটী মঞ্চদাযকো।
Ālambano ambayāgu, supuṭī mañcadāyako;
সরণং পিণ্ডপাতো চ, গাথা তালীসমেৰ চ॥
Saraṇaṃ piṇḍapāto ca, gāthā tālīsameva ca.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১-১০. পদুমকেসরিযত্থেরঅপদানাদিৰণ্ণনা • 1-10. Padumakesariyattheraapadānādivaṇṇanā
