| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. பிண்ட³பாதிகத்தே²ரஅபதா³னங்
10. Piṇḍapātikattheraapadānaṃ
37.
37.
‘‘திஸ்ஸோ நாமாஸி ஸம்பு³த்³தோ⁴, விஹாஸி விபினே ததா³;
‘‘Tisso nāmāsi sambuddho, vihāsi vipine tadā;
துஸிதா ஹி இதா⁴க³ந்த்வா, பிண்ட³பாதங் அதா³ஸஹங்.
Tusitā hi idhāgantvā, piṇḍapātaṃ adāsahaṃ.
38.
38.
‘‘ஸம்பு³த்³த⁴மபி⁴வாதெ³த்வா, திஸ்ஸங் நாம மஹாயஸங்;
‘‘Sambuddhamabhivādetvā, tissaṃ nāma mahāyasaṃ;
ஸகங் சித்தங் பஸாதெ³த்வா, துஸிதங் அக³மாஸஹங்.
Sakaṃ cittaṃ pasādetvā, tusitaṃ agamāsahaṃ.
39.
39.
‘‘த்³வேனவுதே இதோ கப்பே, யங் தா³னமத³தி³ங் ததா³;
‘‘Dvenavute ito kappe, yaṃ dānamadadiṃ tadā;
து³க்³க³திங் நாபி⁴ஜானாமி, பிண்ட³பாதஸ்ஸித³ங் ப²லங்.
Duggatiṃ nābhijānāmi, piṇḍapātassidaṃ phalaṃ.
40.
40.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பிண்ட³பாதிகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā piṇḍapātiko thero imā gāthāyo abhāsitthāti.
பிண்ட³பாதிகத்தே²ரஸ்ஸாபதா³னங் த³ஸமங்.
Piṇḍapātikattherassāpadānaṃ dasamaṃ.
ஸத்³த³ஸஞ்ஞகவக்³கோ³ ச²த்திங்ஸதிமோ.
Saddasaññakavaggo chattiṃsatimo.
தஸ்ஸுத்³தா³னங் –
Tassuddānaṃ –
ஸத்³த³ஸஞ்ஞீ யவஸிகோ, கிங்ஸுகோரண்ட³புப்பி²யோ;
Saddasaññī yavasiko, kiṃsukoraṇḍapupphiyo;
ஆலம்ப³னோ அம்ப³யாகு³, ஸுபுடீ மஞ்சதா³யகோ;
Ālambano ambayāgu, supuṭī mañcadāyako;
ஸரணங் பிண்ட³பாதோ ச, கா³தா² தாலீஸமேவ ச.
Saraṇaṃ piṇḍapāto ca, gāthā tālīsameva ca.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. பது³மகேஸரியத்தே²ரஅபதா³னாதி³வண்ணனா • 1-10. Padumakesariyattheraapadānādivaṇṇanā
