| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
37. மந்தா³ரவபுப்பி²யவக்³கோ³
37. Mandāravapupphiyavaggo
1. மந்தா³ரவபுப்பி²யத்தே²ரஅபதா³னங்
1. Mandāravapupphiyattheraapadānaṃ
1.
1.
‘‘தாவதிங்ஸா இதா⁴க³ந்த்வா, மங்க³லோ நாம மாணவோ;
‘‘Tāvatiṃsā idhāgantvā, maṅgalo nāma māṇavo;
மந்தா³ரவங் க³ஹெத்வான, விபஸ்ஸிஸ்ஸ மஹேஸினோ.
Mandāravaṃ gahetvāna, vipassissa mahesino.
2.
2.
‘‘ஸமாதி⁴னா நிஸின்னஸ்ஸ, மத்த²கே தா⁴ரயிங் அஹங்;
‘‘Samādhinā nisinnassa, matthake dhārayiṃ ahaṃ;
ஸத்தாஹங் தா⁴ரயித்வான, தே³வலோகங் புனாக³மிங்.
Sattāhaṃ dhārayitvāna, devalokaṃ punāgamiṃ.
3.
3.
‘‘ஏகனவுதிதோ கப்பே, யங் புப்ப²மபி⁴பூஜயிங்;
‘‘Ekanavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
4.
4.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா மந்தா³ரவபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā mandāravapupphiyo thero imā gāthāyo abhāsitthāti.
மந்தா³ரவபுப்பி²யத்தே²ரஸ்ஸாபதா³னங் பட²மங்.
Mandāravapupphiyattherassāpadānaṃ paṭhamaṃ.
