| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੯. ਪਿਣ੍ਡਪਾਤਪਾਰਿਸੁਦ੍ਧਿਸੁਤ੍ਤવਣ੍ਣਨਾ
9. Piṇḍapātapārisuddhisuttavaṇṇanā
੪੩੮. ਏવਂ ਮੇ ਸੁਤਨ੍ਤਿ ਪਿਣ੍ਡਪਾਤਪਾਰਿਸੁਦ੍ਧਿਸੁਤ੍ਤਂ। ਤਤ੍ਥ ਪਟਿਸਲ੍ਲਾਨਾਤਿ ਫਲਸਮਾਪਤ੍ਤਿਤੋ।
438.Evaṃme sutanti piṇḍapātapārisuddhisuttaṃ. Tattha paṭisallānāti phalasamāpattito.
વਿਪ੍ਪਸਨ੍ਨਾਨੀਤਿ ਓਕਾਸવਸੇਨੇਤਂ વੁਤ੍ਤਂ। ਫਲਸਮਾਪਤ੍ਤਿਤੋ ਹਿ વੁਟ੍ਠਿਤਸ੍ਸ ਪਞ੍ਚਹਿ ਪਸਾਦੇਹਿ ਪਤਿਟ੍ਠਿਤੋਕਾਸੋ વਿਪ੍ਪਸਨ੍ਨੋ ਹੋਤਿ, ਛવਿવਣ੍ਣੋ ਪਰਿਸੁਦ੍ਧੋ। ਤਸ੍ਮਾ ਏવਮਾਹ। ਸੁਞ੍ਞਤવਿਹਾਰੇਨਾਤਿ ਸੁਞ੍ਞਤਫਲਸਮਾਪਤ੍ਤਿવਿਹਾਰੇਨ। ਮਹਾਪੁਰਿਸવਿਹਾਰੋਤਿ ਬੁਦ੍ਧਪਚ੍ਚੇਕਬੁਦ੍ਧਤਥਾਗਤਮਹਾਸਾવਕਾਨਂ ਮਹਾਪੁਰਿਸਾਨਂ વਿਹਾਰੋ। ਯੇਨ ਚਾਹਂ ਮਗ੍ਗੇਨਾਤਿਆਦੀਸੁ વਿਹਾਰਤੋ ਪਟ੍ਠਾਯ ਯਾવ ਗਾਮਸ੍ਸ ਇਨ੍ਦਖੀਲਾ ਏਸ ਪવਿਟ੍ਠਮਗ੍ਗੋ ਨਾਮ, ਅਨ੍ਤੋਗਾਮਂ ਪવਿਸਿਤ੍વਾ ਗੇਹਪਟਿਪਾਟਿਯਾ ਚਰਿਤ੍વਾ ਯਾવ ਨਗਰਦ੍વਾਰੇਨ ਨਿਕ੍ਖਮਨਾ ਏਸ ਚਰਿਤਬ੍ਬਪਦੇਸੋ ਨਾਮ, ਬਹਿ ਇਨ੍ਦਖੀਲਤੋ ਪਟ੍ਠਾਯ ਯਾવ વਿਹਾਰਾ ਏਸ ਪਟਿਕ੍ਕਨ੍ਤਮਗ੍ਗੋ ਨਾਮ। ਪਟਿਘਂ વਾਪਿ ਚੇਤਸੋਤਿ ਚਿਤ੍ਤੇ ਪਟਿਹਞ੍ਞਨਕਿਲੇਸਜਾਤਂ ਕਿਞ੍ਚਿ ਅਤ੍ਥਿ ਨਤ੍ਥੀਤਿ। ਅਹੋਰਤ੍ਤਾਨੁਸਿਕ੍ਖਿਨਾਤਿ ਦਿવਸਞ੍ਚ ਰਤ੍ਤਿਞ੍ਚ ਅਨੁਸਿਕ੍ਖਨ੍ਤੇਨ।
Vippasannānīti okāsavasenetaṃ vuttaṃ. Phalasamāpattito hi vuṭṭhitassa pañcahi pasādehi patiṭṭhitokāso vippasanno hoti, chavivaṇṇo parisuddho. Tasmā evamāha. Suññatavihārenāti suññataphalasamāpattivihārena. Mahāpurisavihāroti buddhapaccekabuddhatathāgatamahāsāvakānaṃ mahāpurisānaṃ vihāro. Yena cāhaṃ maggenātiādīsu vihārato paṭṭhāya yāva gāmassa indakhīlā esa paviṭṭhamaggo nāma, antogāmaṃ pavisitvā gehapaṭipāṭiyā caritvā yāva nagaradvārena nikkhamanā esa caritabbapadeso nāma, bahi indakhīlato paṭṭhāya yāva vihārā esa paṭikkantamaggo nāma. Paṭighaṃ vāpi cetasoti citte paṭihaññanakilesajātaṃ kiñci atthi natthīti. Ahorattānusikkhināti divasañca rattiñca anusikkhantena.
੪੪੦. ਪਹੀਨਾ ਨੁ ਖੋ ਮੇ ਪਞ੍ਚ ਕਾਮਗੁਣਾਤਿਆਦੀਸੁ ਏਕਭਿਕ੍ਖੁਸ੍ਸ ਪਚ੍ਚવੇਕ੍ਖਣਾ ਨਾਨਾ, ਨਾਨਾਭਿਕ੍ਖੂਨਂ ਪਚ੍ਚવੇਕ੍ਖਣਾ ਨਾਨਾਤਿ। ਕਥਂ? ਏਕੋ ਹਿ ਭਿਕ੍ਖੁ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਪਤ੍ਤਚੀવਰਂ ਪਟਿਸਾਮੇਤ੍વਾ વਿવਿਤ੍ਤੋਕਾਸੇ ਨਿਸਿਨ੍ਨੋ ਪਚ੍ਚવੇਕ੍ਖਤਿ ‘‘ਪਹੀਨਾ ਨੁ ਖੋ ਮੇ ਪਞ੍ਚਕਾਮਗੁਣਾ’’ਤਿ। ਸੋ ‘‘ਅਪ੍ਪਹੀਨਾ’’ਤਿ ਞਤ੍વਾ વੀਰਿਯਂ ਪਗ੍ਗਯ੍ਹ ਅਨਾਗਾਮਿਮਗ੍ਗੇਨ ਪਞ੍ਚਕਾਮਗੁਣਿਕਰਾਗਂ ਸਮੁਗ੍ਘਾਟੇਤ੍વਾ ਮਗ੍ਗਾਨਨ੍ਤਰਂ ਫਲਂ ਫਲਾਨਨ੍ਤਰਂ ਮਗ੍ਗਂ ਤਤੋ વੁਟ੍ਠਾਯ ਪਚ੍ਚવੇਕ੍ਖਨ੍ਤੋ ‘‘ਪਹੀਨਾ’’ਤਿ ਪਜਾਨਾਤਿ। ਨੀવਰਣਾਦੀਸੁਪਿ ਏਸੇવ ਨਯੋ। ਏਤੇਸਂ ਪਨ ਅਰਹਤ੍ਤਮਗ੍ਗੇਨ ਪਹਾਨਾਦੀਨਿ ਹੋਨ੍ਤਿ, ਏવਂ ਏਕਭਿਕ੍ਖੁਸ੍ਸ ਨਾਨਾਪਚ੍ਚવੇਕ੍ਖਣਾ ਹੋਤਿ। ਏਤਾਸੁ ਪਨ ਪਚ੍ਚવੇਕ੍ਖਣਾਸੁ ਅਞ੍ਞੋ ਭਿਕ੍ਖੁ ਏਕਂ ਪਚ੍ਚવੇਕ੍ਖਣਂ ਪਚ੍ਚવੇਕ੍ਖਤਿ, ਅਞ੍ਞੋ ਏਕਨ੍ਤਿ ਏવਂ ਨਾਨਾਭਿਕ੍ਖੂਨਂ ਨਾਨਾਪਚ੍ਚવੇਕ੍ਖਣਾ ਹੋਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
440.Pahīnā nu kho me pañca kāmaguṇātiādīsu ekabhikkhussa paccavekkhaṇā nānā, nānābhikkhūnaṃ paccavekkhaṇā nānāti. Kathaṃ? Eko hi bhikkhu pacchābhattaṃ piṇḍapātapaṭikkanto pattacīvaraṃ paṭisāmetvā vivittokāse nisinno paccavekkhati ‘‘pahīnā nu kho me pañcakāmaguṇā’’ti. So ‘‘appahīnā’’ti ñatvā vīriyaṃ paggayha anāgāmimaggena pañcakāmaguṇikarāgaṃ samugghāṭetvā maggānantaraṃ phalaṃ phalānantaraṃ maggaṃ tato vuṭṭhāya paccavekkhanto ‘‘pahīnā’’ti pajānāti. Nīvaraṇādīsupi eseva nayo. Etesaṃ pana arahattamaggena pahānādīni honti, evaṃ ekabhikkhussa nānāpaccavekkhaṇā hoti. Etāsu pana paccavekkhaṇāsu añño bhikkhu ekaṃ paccavekkhaṇaṃ paccavekkhati, añño ekanti evaṃ nānābhikkhūnaṃ nānāpaccavekkhaṇā hoti. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਪਿਣ੍ਡਪਾਤਪਾਰਿਸੁਦ੍ਧਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Piṇḍapātapārisuddhisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੯. ਪਿਣ੍ਡਪਾਤਪਾਰਿਸੁਦ੍ਧਿਸੁਤ੍ਤਂ • 9. Piṇḍapātapārisuddhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੯. ਪਿਣ੍ਡਪਾਤਪਾਰਿਸੁਦ੍ਧਿਸੁਤ੍ਤવਣ੍ਣਨਾ • 9. Piṇḍapātapārisuddhisuttavaṇṇanā
