| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. бин̣д̣абаад̇абаарисуд̣̇д̇хисуд̇д̇ам̣
9. Piṇḍapātapārisuddhisuttaṃ
438. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа –
438. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho āyasmā sāriputto sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca –
‘‘виббасаннаани ко д̇з, саарибуд̇д̇а, инд̣̇рияаани, барисуд̣̇д̇хо чавиван̣н̣о барияод̣̇аад̇о. гад̇амзна ко д̇вам̣, саарибуд̇д̇а, вихаарзна зд̇арахи б̣ахулам̣ вихарасий’’д̇и? ‘‘сун̃н̃ад̇аавихаарзна ко ахам̣, бханд̇з, зд̇арахи б̣ахулам̣ вихараамий’’д̇и. ‘‘саад̇ху, саад̇ху, саарибуд̇д̇а! махаабурисавихаарзна гира д̇вам̣, саарибуд̇д̇а, зд̇арахи б̣ахулам̣ вихараси. махаабурисавихааро зсо 1, саарибуд̇д̇а, яад̣̇ид̣̇ам̣ – сун̃н̃ад̇аа. д̇асмаад̇иха, саарибуд̇д̇а, бхигку сажз ааган̇кзяяа – ‘сун̃н̃ад̇аавихаарзна б̣ахулам̣ 2 вихарзяяа’нд̇и, д̇зна, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, ад̇т̇и ну ко мз д̇ад̇т̇а жагкувин̃н̃зяязсу руубзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, ад̇т̇и мз д̇ад̇т̇а жагкувин̃н̃зяязсу руубзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и, д̇зна, саарибуд̇д̇а, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, над̇т̇и мз д̇ад̇т̇а жагкувин̃н̃зяязсу руубзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Vippasannāni kho te, sāriputta, indriyāni, parisuddho chavivaṇṇo pariyodāto. Katamena kho tvaṃ, sāriputta, vihārena etarahi bahulaṃ viharasī’’ti? ‘‘Suññatāvihārena kho ahaṃ, bhante, etarahi bahulaṃ viharāmī’’ti. ‘‘Sādhu, sādhu, sāriputta! Mahāpurisavihārena kira tvaṃ, sāriputta, etarahi bahulaṃ viharasi. Mahāpurisavihāro eso 3, sāriputta, yadidaṃ – suññatā. Tasmātiha, sāriputta, bhikkhu sace ākaṅkheyya – ‘suññatāvihārena bahulaṃ 4 vihareyya’nti, tena, sāriputta, bhikkhunā iti paṭisañcikkhitabbaṃ – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, atthi nu kho me tattha cakkhuviññeyyesu rūpesu chando vā rāgo vā doso vā moho vā paṭighaṃ vāpi cetaso’ti? Sace, sāriputta, bhikkhu paccavekkhamāno evaṃ jānāti – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, atthi me tattha cakkhuviññeyyesu rūpesu chando vā rāgo vā doso vā moho vā paṭighaṃ vāpi cetaso’ti, tena, sāriputta, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, natthi me tattha cakkhuviññeyyesu rūpesu chando vā rāgo vā doso vā moho vā paṭighaṃ vāpi cetaso’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
439. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, ад̇т̇и ну ко мз д̇ад̇т̇а сод̇авин̃н̃зяязсу сад̣̇д̣̇зсу…бз… гхаанавин̃н̃зяязсу г̇анд̇хзсу… ж̇ивхаавин̃н̃зяязсу расзсу … гааяавин̃н̃зяязсу подтаб̣б̣зсу… мановин̃н̃зяязсу д̇хаммзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и? сажз , саарибуд̇д̇а, бхигку бажжавзгкамаано звам̣ ж̇аанаад̇и – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, ад̇т̇и мз д̇ад̇т̇а мановин̃н̃зяязсу д̇хаммзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и, д̇зна, саарибуд̇д̇а, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘язна жаахам̣ маг̇г̇зна г̇аамам̣ бин̣д̣ааяа баависим̣, яасмин̃жа бад̣̇зсз бин̣д̣ааяа ажарим̣, язна жа маг̇г̇зна г̇аамад̇о бин̣д̣ааяа бадиггамим̣, над̇т̇и мз д̇ад̇т̇а мановин̃н̃зяязсу д̇хаммзсу чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
439. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, atthi nu kho me tattha sotaviññeyyesu saddesu…pe… ghānaviññeyyesu gandhesu… jivhāviññeyyesu rasesu … kāyaviññeyyesu phoṭṭhabbesu… manoviññeyyesu dhammesu chando vā rāgo vā doso vā moho vā paṭighaṃ vāpi cetaso’ti? Sace , sāriputta, bhikkhu paccavekkhamāno evaṃ jānāti – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, atthi me tattha manoviññeyyesu dhammesu chando vā rāgo vā doso vā moho vā paṭighaṃ vāpi cetaso’ti, tena, sāriputta, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘yena cāhaṃ maggena gāmaṃ piṇḍāya pāvisiṃ, yasmiñca padese piṇḍāya acariṃ, yena ca maggena gāmato piṇḍāya paṭikkamiṃ, natthi me tattha manoviññeyyesu dhammesu chando vā rāgo vā doso vā moho vā paṭighaṃ vāpi cetaso’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
440. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бахийнаа ну ко мз бан̃жа гаамаг̇ун̣аа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘аббахийнаа ко мз бан̃жа гаамаг̇ун̣аа’д̇и, д̇зна, саарибуд̇д̇а, бхигкунаа бан̃жаннам̣ гаамаг̇ун̣аанам̣ бахаанааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бахийнаа ко мз бан̃жа гаамаг̇ун̣аа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
440. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘pahīnā nu kho me pañca kāmaguṇā’ti? Sace, sāriputta, bhikkhu paccavekkhamāno evaṃ jānāti – ‘appahīnā kho me pañca kāmaguṇā’ti, tena, sāriputta, bhikkhunā pañcannaṃ kāmaguṇānaṃ pahānāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘pahīnā kho me pañca kāmaguṇā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
441. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бахийнаа ну ко мз бан̃жа нийваран̣аа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘аббахийнаа ко мз бан̃жа нийваран̣аа’д̇и, д̇зна, саарибуд̇д̇а, бхигкунаа бан̃жаннам̣ нийваран̣аанам̣ бахаанааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бахийнаа ко мз бан̃жа нийваран̣аа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
441. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘pahīnā nu kho me pañca nīvaraṇā’ti? Sace, sāriputta, bhikkhu paccavekkhamāno evaṃ jānāti – ‘appahīnā kho me pañca nīvaraṇā’ti, tena, sāriputta, bhikkhunā pañcannaṃ nīvaraṇānaṃ pahānāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘pahīnā kho me pañca nīvaraṇā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
442. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘барин̃н̃аад̇аа ну ко мз бан̃жубаад̣̇аанагканд̇хаа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абарин̃н̃аад̇аа ко мз бан̃жубаад̣̇аанагканд̇хаа’д̇и, д̇зна, саарибуд̇д̇а, бхигкунаа бан̃жаннам̣ убаад̣̇аанагканд̇хаанам̣ барин̃н̃ааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘барин̃н̃аад̇аа ко мз бан̃жубаад̣̇аанагканд̇хаа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
442. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘pariññātā nu kho me pañcupādānakkhandhā’ti? Sace, sāriputta, bhikkhu paccavekkhamāno evaṃ jānāti – ‘apariññātā kho me pañcupādānakkhandhā’ti, tena, sāriputta, bhikkhunā pañcannaṃ upādānakkhandhānaṃ pariññāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘pariññātā kho me pañcupādānakkhandhā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
443. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аа ну ко мз жад̇д̇ааро сад̇ибадтаанаа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аа ко мз жад̇д̇ааро сад̇ибадтаанаа’д̇и, д̇зна, саарибуд̇д̇а, бхигкунаа жад̇уннам̣ сад̇ибадтаанаанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аа ко мз жад̇д̇ааро сад̇ибадтаанаа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
443. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitā nu kho me cattāro satipaṭṭhānā’ti? Sace, sāriputta, bhikkhu paccavekkhamāno evaṃ jānāti – ‘abhāvitā kho me cattāro satipaṭṭhānā’ti, tena, sāriputta, bhikkhunā catunnaṃ satipaṭṭhānānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitā kho me cattāro satipaṭṭhānā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
444. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аа ну ко мз жад̇д̇ааро саммаббад̇хаанаа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аа ко мз жад̇д̇ааро саммаббад̇хаанаа’д̇и, д̇зна, саарибуд̇д̇а, бхигкунаа жад̇уннам̣ саммаббад̇хаанаанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аа ко мз жад̇д̇ааро саммаббад̇хаанаа’д̇и , д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
444. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitā nu kho me cattāro sammappadhānā’ti? Sace, sāriputta, bhikkhu paccavekkhamāno evaṃ jānāti – ‘abhāvitā kho me cattāro sammappadhānā’ti, tena, sāriputta, bhikkhunā catunnaṃ sammappadhānānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitā kho me cattāro sammappadhānā’ti , tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
445. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аа ну ко мз жад̇д̇ааро ид̣̇д̇хибаад̣̇аа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аа ко мз жад̇д̇ааро ид̣̇д̇хибаад̣̇аа’д̇и, д̇зна, саарибуд̇д̇а, бхигкунаа жад̇уннам̣ ид̣̇д̇хибаад̣̇аанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аа ко мз жад̇д̇ааро ид̣̇д̇хибаад̣̇аа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
445. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitā nu kho me cattāro iddhipādā’ti? Sace, sāriputta, bhikkhu paccavekkhamāno evaṃ jānāti – ‘abhāvitā kho me cattāro iddhipādā’ti, tena, sāriputta, bhikkhunā catunnaṃ iddhipādānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitā kho me cattāro iddhipādā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
446. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аани ну ко мз бан̃жинд̣̇рияааний’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аани ко мз бан̃жинд̣̇рияааний’д̇и, д̇зна, саарибуд̇д̇а, бхигкунаа бан̃жаннам̣ инд̣̇рияаанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аани ко мз бан̃жинд̣̇рияааний’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
446. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitāni nu kho me pañcindriyānī’ti? Sace, sāriputta, bhikkhu paccavekkhamāno evaṃ jānāti – ‘abhāvitāni kho me pañcindriyānī’ti, tena, sāriputta, bhikkhunā pañcannaṃ indriyānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitāni kho me pañcindriyānī’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
447. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аани ну ко мз бан̃жа б̣алааний’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аани ко мз бан̃жа б̣алааний’д̇и, д̇зна, саарибуд̇д̇а, бхигкунаа бан̃жаннам̣ б̣алаанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аани ко мз бан̃жа б̣алааний’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
447. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitāni nu kho me pañca balānī’ti? Sace, sāriputta, bhikkhu paccavekkhamāno evaṃ jānāti – ‘abhāvitāni kho me pañca balānī’ti, tena, sāriputta, bhikkhunā pañcannaṃ balānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitāni kho me pañca balānī’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
448. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аа ну ко мз сад̇д̇а б̣ож̇жхан̇г̇аа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аа ко мз сад̇д̇а б̣ож̇жхан̇г̇аа’д̇и, д̇зна, саарибуд̇д̇а, бхигкунаа сад̇д̇аннам̣ б̣ож̇жхан̇г̇аанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аа ко мз сад̇д̇а б̣ож̇жхан̇г̇аа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
448. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitā nu kho me satta bojjhaṅgā’ti? Sace, sāriputta, bhikkhu paccavekkhamāno evaṃ jānāti – ‘abhāvitā kho me satta bojjhaṅgā’ti, tena, sāriputta, bhikkhunā sattannaṃ bojjhaṅgānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitā kho me satta bojjhaṅgā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
449. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇о ну ко мз арияо адтан̇г̇иго маг̇г̇о’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇о ко мз арияо адтан̇г̇иго маг̇г̇о’д̇и, д̇зна, саарибуд̇д̇а, бхигкунаа арияасса адтан̇г̇игасса маг̇г̇асса бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇о ко мз арияо адтан̇г̇иго маг̇г̇о’д̇и , д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
449. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvito nu kho me ariyo aṭṭhaṅgiko maggo’ti? Sace, sāriputta, bhikkhu paccavekkhamāno evaṃ jānāti – ‘abhāvito kho me ariyo aṭṭhaṅgiko maggo’ti, tena, sāriputta, bhikkhunā ariyassa aṭṭhaṅgikassa maggassa bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvito kho me ariyo aṭṭhaṅgiko maggo’ti , tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
450. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘бхаавид̇аа ну ко мз самат̇о жа вибассанаа жаа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘абхаавид̇аа ко мз самат̇о жа вибассанаа жаа’д̇и, д̇зна, саарибуд̇д̇а, бхигкунаа самат̇авибассанаанам̣ бхааванааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘бхаавид̇аа ко мз самат̇о жа вибассанаа жаа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
450. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘bhāvitā nu kho me samatho ca vipassanā cā’ti? Sace, sāriputta, bhikkhu paccavekkhamāno evaṃ jānāti – ‘abhāvitā kho me samatho ca vipassanā cā’ti, tena, sāriputta, bhikkhunā samathavipassanānaṃ bhāvanāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘bhāvitā kho me samatho ca vipassanā cā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
451. ‘‘буна жабарам̣, саарибуд̇д̇а, бхигкунаа ид̇и бадисан̃жигкид̇аб̣б̣ам̣ – ‘сажчигад̇аа ну ко мз виж̇ж̇аа жа вимуд̇д̇и жаа’д̇и? сажз, саарибуд̇д̇а, бхигку бажжавзгкамаано звам̣ ж̇аанаад̇и – ‘асажчигад̇аа ко мз виж̇ж̇аа жа вимуд̇д̇и жаа’д̇и, д̇зна, саарибуд̇д̇а, бхигкунаа виж̇ж̇ааяа вимуд̇д̇ияаа сажчигирияааяа вааяамид̇аб̣б̣ам̣. сажз бана, саарибуд̇д̇а, бхигку бажжавзгкамаано звам̣ ж̇аанаад̇и – ‘сажчигад̇аа ко мз виж̇ж̇аа жа вимуд̇д̇и жаа’д̇и, д̇зна, саарибуд̇д̇а, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
451. ‘‘Puna caparaṃ, sāriputta, bhikkhunā iti paṭisañcikkhitabbaṃ – ‘sacchikatā nu kho me vijjā ca vimutti cā’ti? Sace, sāriputta, bhikkhu paccavekkhamāno evaṃ jānāti – ‘asacchikatā kho me vijjā ca vimutti cā’ti, tena, sāriputta, bhikkhunā vijjāya vimuttiyā sacchikiriyāya vāyamitabbaṃ. Sace pana, sāriputta, bhikkhu paccavekkhamāno evaṃ jānāti – ‘sacchikatā kho me vijjā ca vimutti cā’ti, tena, sāriputta, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
452. ‘‘яз хи гзжи, саарибуд̇д̇а, ад̇ийд̇амад̣̇д̇хаанам̣ саман̣аа ваа б̣раахман̣аа ваа бин̣д̣абаад̇ам̣ барисод̇хзсум̣, саб̣б̣з д̇з звамзва бажжавзгкид̇ваа бажжавзгкид̇ваа бин̣д̣абаад̇ам̣ барисод̇хзсум̣. язби хи гзжи, саарибуд̇д̇а, анааг̇ад̇амад̣̇д̇хаанам̣ саман̣аа ваа б̣раахман̣аа ваа бин̣д̣абаад̇ам̣ барисод̇хзссанд̇и, саб̣б̣з д̇з звамзва бажжавзгкид̇ваа бажжавзгкид̇ваа бин̣д̣абаад̇ам̣ барисод̇хзссанд̇и. язби хи гзжи, саарибуд̇д̇а, зд̇арахи саман̣аа ваа б̣раахман̣аа ваа бин̣д̣абаад̇ам̣ барисод̇хзнд̇и, саб̣б̣з д̇з звамзва бажжавзгкид̇ваа бажжавзгкид̇ваа бин̣д̣абаад̇ам̣ барисод̇хзнд̇и. д̇асмаад̇иха, саарибуд̇д̇а 5, ‘бажжавзгкид̇ваа бажжавзгкид̇ваа бин̣д̣абаад̇ам̣ барисод̇хзссаамаа’д̇и – зван̃хи во, саарибуд̇д̇а, сигкид̇аб̣б̣а’’нд̇и.
452. ‘‘Ye hi keci, sāriputta, atītamaddhānaṃ samaṇā vā brāhmaṇā vā piṇḍapātaṃ parisodhesuṃ, sabbe te evameva paccavekkhitvā paccavekkhitvā piṇḍapātaṃ parisodhesuṃ. Yepi hi keci, sāriputta, anāgatamaddhānaṃ samaṇā vā brāhmaṇā vā piṇḍapātaṃ parisodhessanti, sabbe te evameva paccavekkhitvā paccavekkhitvā piṇḍapātaṃ parisodhessanti. Yepi hi keci, sāriputta, etarahi samaṇā vā brāhmaṇā vā piṇḍapātaṃ parisodhenti, sabbe te evameva paccavekkhitvā paccavekkhitvā piṇḍapātaṃ parisodhenti. Tasmātiha, sāriputta 6, ‘paccavekkhitvā paccavekkhitvā piṇḍapātaṃ parisodhessāmā’ti – evañhi vo, sāriputta, sikkhitabba’’nti.
ид̣̇амавожа бхаг̇аваа. ад̇д̇амано ааяасмаа саарибуд̇д̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā sāriputto bhagavato bhāsitaṃ abhinandīti.
бин̣д̣абаад̇абаарисуд̣̇д̇хисуд̇д̇ам̣ нидтид̇ам̣ навамам̣.
Piṇḍapātapārisuddhisuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. бин̣д̣абаад̇абаарисуд̣̇д̇хисуд̇д̇аван̣н̣анаа • 9. Piṇḍapātapārisuddhisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. бин̣д̣абаад̇абаарисуд̣̇д̇хисуд̇д̇аван̣н̣анаа • 9. Piṇḍapātapārisuddhisuttavaṇṇanā
