| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਫੁਸਤਿਸੁਤ੍ਤવਣ੍ਣਨਾ
2. Phusatisuttavaṇṇanā
੨੨. ਕਮ੍ਮਂ ਅਫੁਸਨ੍ਤਨ੍ਤਿ ਕਮ੍ਮਫਸ੍ਸਂ ਅਫੁਸਨ੍ਤਂ, ਕਮ੍ਮਂ ਅਕਰੋਨ੍ਤਨ੍ਤਿ ਅਤ੍ਥੋ। વਿਪਾਕੋ ਨ ਫੁਸਤੀਤਿ વਿਪਾਕਫਸ੍ਸੋ ਨ ਫੁਸਤਿ, વਿਪਾਕੋ ਨ ਉਪ੍ਪਜ੍ਜਤੇવ ਕਾਰਣਸ੍ਸ ਅਭਾવਤੋ। ਏવਂ ਬ੍ਯਤਿਰੇਕਮੁਖੇਨ ਕਮ੍ਮવਟ੍ਟੇਨ વਿਪਾਕવਟ੍ਟਂ ਸਮ੍ਬਨ੍ਧਂ ਕਤ੍વਾ ਅਤ੍ਥਂ વਤ੍વਾ ਇਦਾਨਿ ਕੇવਲਂ ਕਮ੍ਮવਟ੍ਟવਸੇਨ ਅਤ੍ਥਂ વਦਨ੍ਤੋ ‘‘ਕਮ੍ਮਮੇવਾ’’ਤਿਆਦਿਮਾਹ। ਤਤ੍ਥ ਨਾਕਰੋਤੋ ਕਰਿਯਤੀਤਿ ਕਮ੍ਮਂ ਅਕੁਬ੍ਬਤੋ ਨ ਕਯਿਰਤਿ, ਅਨਭਿਸਨ੍ਧਿਕਤਕਮ੍ਮਂ ਨਾਮ ਨਤ੍ਥੀਤਿ ਅਤ੍ਥੋ। ਇਦਾਨਿ ਤਮੇવਤ੍ਥਂ ਅਨ੍વਯਤੋ ਦਸ੍ਸੇਤੁਂ ‘‘ਫੁਸਨ੍ਤਞ੍ਚਾ’’ਤਿਆਦਿ વੁਤ੍ਤਂ। ਤਤ੍ਥ ਤਤੋਤਿ ਫੁਸਨਹੇਤੁ। ਸੇਸਂ વੁਤ੍ਤਨਯਮੇવ। વੁਤ੍ਤਮੇવਤ੍ਥਂ ਸਕਾਰਣਂ ਕਤ੍વਾ ਪਰਿવੇਠਿਤવਸੇਨ વਿਭੂਤਂ ਕਤ੍વਾ ਦਸ੍ਸੇਤੁਂ ‘‘ਤਸ੍ਮਾ ਫੁਸਨ੍ਤ’’ਨ੍ਤਿਆਦਿ વੁਤ੍ਤਂ। ਧਮ੍ਮਤਾਤਿ ਕਾਰਕਸ੍ਸੇવ ਕਮ੍ਮવਿਪਾਕਾਨੁਬਨ੍ਧੋ, ਨਾਕਾਰਕਸ੍ਸਾਤਿ ਅਯਂ ਕਮ੍ਮવਿਪਾਕਾਨਂ ਸਭਾવੋ।
22.Kammaṃ aphusantanti kammaphassaṃ aphusantaṃ, kammaṃ akarontanti attho. Vipāko na phusatīti vipākaphasso na phusati, vipāko na uppajjateva kāraṇassa abhāvato. Evaṃ byatirekamukhena kammavaṭṭena vipākavaṭṭaṃ sambandhaṃ katvā atthaṃ vatvā idāni kevalaṃ kammavaṭṭavasena atthaṃ vadanto ‘‘kammamevā’’tiādimāha. Tattha nākaroto kariyatīti kammaṃ akubbato na kayirati, anabhisandhikatakammaṃ nāma natthīti attho. Idāni tamevatthaṃ anvayato dassetuṃ ‘‘phusantañcā’’tiādi vuttaṃ. Tattha tatoti phusanahetu. Sesaṃ vuttanayameva. Vuttamevatthaṃ sakāraṇaṃ katvā pariveṭhitavasena vibhūtaṃ katvā dassetuṃ ‘‘tasmā phusanta’’ntiādi vuttaṃ. Dhammatāti kārakasseva kammavipākānubandho, nākārakassāti ayaṃ kammavipākānaṃ sabhāvo.
ਪਚ੍ਚੇਤਿ ਉਪਗਚ੍ਛਤਿ ਅਨੁਬਨ੍ਧਤਿ। ਪਾਪਨ੍ਤਿ ਪਾਪਕਂ ਕਮ੍ਮਂ ਫਲਞ੍ਚ। ਅਯਞ੍ਚ ਅਤ੍ਥੋ ਅਰਞ੍ਞੇ ਲੁਦ੍ਦਕਸ੍ਸ ਉਯ੍ਯੋਜਨਾਯ ਸੁਨਖੇਹਿ ਪਰਿવਾਰਿਯਮਾਨਸ੍ਸ ਭਿਕ੍ਖੁਨੋ ਭਯੇਨ ਰੁਕ੍ਖਂ ਆਰੁਲ਼੍ਹਸ੍ਸ ਚੀવਰੇ ਲੁਦ੍ਦਸ੍ਸ ਉਪਰਿ ਪਤਿਤੇ ਤਸ੍ਸ ਸੁਨਖੇਹਿ ਖਾਦਿਤ੍વਾ ਮਾਰਿਤવਤ੍ਥੁਨਾ ਦੀਪੇਤਬ੍ਬੋਤਿ।
Pacceti upagacchati anubandhati. Pāpanti pāpakaṃ kammaṃ phalañca. Ayañca attho araññe luddakassa uyyojanāya sunakhehi parivāriyamānassa bhikkhuno bhayena rukkhaṃ āruḷhassa cīvare luddassa upari patite tassa sunakhehi khāditvā māritavatthunā dīpetabboti.
ਫੁਸਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Phusatisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਫੁਸਤਿਸੁਤ੍ਤਂ • 2. Phusatisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਫੁਸਤਿਸੁਤ੍ਤવਣ੍ਣਨਾ • 2. Phusatisuttavaṇṇanā
