| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਫੁਸਤਿਸੁਤ੍ਤવਣ੍ਣਨਾ
2. Phusatisuttavaṇṇanā
੨੨. ਦੁਤਿਯੇ ਨਾਫੁਸਨ੍ਤਂ ਫੁਸਤੀਤਿ ਕਮ੍ਮਂ ਅਫੁਸਨ੍ਤਂ વਿਪਾਕੋ ਨ ਫੁਸਤਿ, ਕਮ੍ਮਮੇવ વਾ ਅਫੁਸਨ੍ਤਂ ਕਮ੍ਮਂ ਨ ਫੁਸਤਿ। ਕਮ੍ਮਞ੍ਹਿ ਨਾਕਰੋਤੋ ਕਰਿਯਤਿ। ਫੁਸਨ੍ਤਞ੍ਚ ਤਤੋ ਫੁਸੇਤਿ ਕਮ੍ਮਂ ਫੁਸਨ੍ਤਂ વਿਪਾਕੋ ਫੁਸਤਿ, ਕਮ੍ਮਮੇવ વਾ ਫੁਸਤਿ। ਕਮ੍ਮਞ੍ਹਿ ਕਰੋਤੋ ਕਰਿਯਤਿ। ਤਸ੍ਮਾ ਫੁਸਨ੍ਤਂ ਫੁਸਤਿ, ਅਪ੍ਪਦੁਟ੍ਠਪਦੋਸਿਨਨ੍ਤਿ ਯਸ੍ਮਾ ਨ ਅਫੁਸਨ੍ਤਂ ਫੁਸਤਿ, ਫੁਸਨ੍ਤਞ੍ਚ ਫੁਸਤਿ, ਅਯਂ ਕਮ੍ਮવਿਪਾਕਾਨਂ ਧਮ੍ਮਤਾ, ਤਸ੍ਮਾ ਯੋ ‘‘ਅਪ੍ਪਦੁਟ੍ਠਸ੍ਸ ਨਰਸ੍ਸ ਦੁਸ੍ਸਤਿ, ਸੁਦ੍ਧਸ੍ਸ ਪੋਸਸ੍ਸ ਅਨਙ੍ਗਣਸ੍ਸਾ’’ਤਿ ਏવਂ વੁਤ੍ਤੋ ਅਪ੍ਪਦੁਟ੍ਠਪਦੋਸੀ ਪੁਗ੍ਗਲੋ, ਤਂ ਪੁਗ੍ਗਲਂ ਕਮ੍ਮਂ ਫੁਸਨ੍ਤਮੇવ ਕਮ੍ਮਂ ਫੁਸਤਿ, વਿਪਾਕੋ વਾ ਫੁਸਤਿ। ਸੋ ਹਿ ਪਰਸ੍ਸ ਉਪਘਾਤਂ ਕਾਤੁਂ ਸਕ੍ਕੋਤਿ વਾ ਮਾ વਾ, ਅਤ੍ਤਾ ਪਨਾਨੇਨ ਚਤੂਸੁ ਅਪਾਯੇਸੁ ਠਪਿਤੋ ਨਾਮ ਹੋਤਿ। ਤੇਨਾਹ ਭਗવਾ – ‘‘ਤਮੇવ ਬਾਲਂ ਪਚ੍ਚੇਤਿ ਪਾਪਂ, ਸੁਖੁਮੋ ਰਜੋ ਪਟਿવਾਤਂવ ਖਿਤ੍ਤੋ’’ਤਿ। ਦੁਤਿਯਂ।
22. Dutiye nāphusantaṃ phusatīti kammaṃ aphusantaṃ vipāko na phusati, kammameva vā aphusantaṃ kammaṃ na phusati. Kammañhi nākaroto kariyati. Phusantañca tatophuseti kammaṃ phusantaṃ vipāko phusati, kammameva vā phusati. Kammañhi karoto kariyati. Tasmā phusantaṃ phusati, appaduṭṭhapadosinanti yasmā na aphusantaṃ phusati, phusantañca phusati, ayaṃ kammavipākānaṃ dhammatā, tasmā yo ‘‘appaduṭṭhassa narassa dussati, suddhassa posassa anaṅgaṇassā’’ti evaṃ vutto appaduṭṭhapadosī puggalo, taṃ puggalaṃ kammaṃ phusantameva kammaṃ phusati, vipāko vā phusati. So hi parassa upaghātaṃ kātuṃ sakkoti vā mā vā, attā panānena catūsu apāyesu ṭhapito nāma hoti. Tenāha bhagavā – ‘‘tameva bālaṃ pacceti pāpaṃ, sukhumo rajo paṭivātaṃva khitto’’ti. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਫੁਸਤਿਸੁਤ੍ਤਂ • 2. Phusatisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਫੁਸਤਿਸੁਤ੍ਤવਣ੍ਣਨਾ • 2. Phusatisuttavaṇṇanā
