| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. ផលកទាយកត្ថេរអបទានំ
8. Phalakadāyakattheraapadānaṃ
៣៧.
37.
‘‘យានការោ បុរេ អាសិំ, ទារុកម្មេ សុសិក្ខិតោ;
‘‘Yānakāro pure āsiṃ, dārukamme susikkhito;
ចន្ទនំ ផលកំ កត្វា, អទាសិំ លោកពន្ធុនោ។
Candanaṃ phalakaṃ katvā, adāsiṃ lokabandhuno.
៣៨.
38.
‘‘បភាសតិ ឥទំ ព្យម្ហំ, សុវណ្ណស្ស សុនិម្មិតំ;
‘‘Pabhāsati idaṃ byamhaṃ, suvaṇṇassa sunimmitaṃ;
ហត្ថិយានំ អស្សយានំ, ទិព្ពយានំ ឧបដ្ឋិតំ។
Hatthiyānaṃ assayānaṃ, dibbayānaṃ upaṭṭhitaṃ.
៣៩.
39.
‘‘បាសាទា សិវិកា ចេវ, និព្ពត្តន្តិ យទិច្ឆកំ;
‘‘Pāsādā sivikā ceva, nibbattanti yadicchakaṃ;
៤០.
40.
‘‘ឯកនវុតិតោ កប្បេ, ផលកំ យមហំ ទទិំ;
‘‘Ekanavutito kappe, phalakaṃ yamahaṃ dadiṃ;
ទុគ្គតិំ នាភិជានាមិ, ផលកស្ស ឥទំ ផលំ។
Duggatiṃ nābhijānāmi, phalakassa idaṃ phalaṃ.
៤១.
41.
‘‘សត្តបញ្ញាសកប្បម្ហិ, ចតុរោ និម្មិតាវ្ហយា;
‘‘Sattapaññāsakappamhi, caturo nimmitāvhayā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
៤២.
42.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ផលកទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā phalakadāyako thero imā gāthāyo abhāsitthāti.
ផលកទាយកត្ថេរស្សាបទានំ អដ្ឋមំ។
Phalakadāyakattherassāpadānaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៨. ផលកទាយកត្ថេរអបទានវណ្ណនា • 8. Phalakadāyakattheraapadānavaṇṇanā
