| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ
3. Pesuññasikkhāpadavaṇṇanā
੩੬. ਤਤਿਯੇ ਭਣ੍ਡਨਂ ਜਾਤਂ ਏਤੇਸਨ੍ਤਿ ਭਣ੍ਡਨਜਾਤਾ। ਸਮ੍ਮਨ੍ਤਨਨ੍ਤਿ ਰਹੋ ਸਂਸਨ੍ਦਨਂ। ਹਤ੍ਥਪਰਾਮਾਸਾਦਿવਸੇਨ ਮਤ੍ਥਕਂ ਪਤ੍ਤੋ ਕਲਹੋ ਜਾਤੋ ਏਤੇਸਨ੍ਤਿ ਕਲਹਜਾਤਾ। ਅਨਾਪਤ੍ਤਿਗਾਮਿਕਂ વਿਰੁਦ੍ਧવਾਦਭੂਤਂ વਿવਾਦਂ ਆਪਨ੍ਨਾਤਿ વਿવਾਦਾਪਨ੍ਨਾ। વਿਗ੍ਗਹਸਂવਤ੍ਤਨਿਕਾ ਕਥਾ વਿਗ੍ਗਾਹਿਕਕਥਾ। ਪਿਸਤੀਤਿ ਪਿਸੁਣਾ, વਾਚਾ, ਸਮਗ੍ਗੇ ਸਤ੍ਤੇ ਅવਯવਭੂਤੇ વਗ੍ਗੇ ਭਿਨ੍ਨੇ ਕਰੋਤੀਤਿ ਅਤ੍ਥੋ। ਪਿਸੁਣਾ ਏવ ਪੇਸੁਞ੍ਞਂ। ਤਾਯ વਾਚਾਯ વਾ ਸਮਨ੍ਨਾਗਤੋ ਪਿਸੁਣੋ, ਤਸ੍ਸ ਕਮ੍ਮਂ ਪੇਸੁਞ੍ਞਂ। ਪਿਯਭਾવਸ੍ਸ ਸੁਞ੍ਞਕਰਣવਾਚਨ੍ਤਿ ਇਮਿਨਾ ਪਨ ‘‘ਪਿਯਸੁਞ੍ਞਕਰਣਤੋ ਪਿਸੁਣਾ’’ਤਿ ਨਿਰੁਤ੍ਤਿਨਯੇਨ ਅਤ੍ਥਂ વਦਤਿ।
36. Tatiye bhaṇḍanaṃ jātaṃ etesanti bhaṇḍanajātā. Sammantananti raho saṃsandanaṃ. Hatthaparāmāsādivasena matthakaṃ patto kalaho jāto etesanti kalahajātā. Anāpattigāmikaṃ viruddhavādabhūtaṃ vivādaṃ āpannāti vivādāpannā. Viggahasaṃvattanikā kathā viggāhikakathā. Pisatīti pisuṇā, vācā, samagge satte avayavabhūte vagge bhinne karotīti attho. Pisuṇā eva pesuññaṃ. Tāya vācāya vā samannāgato pisuṇo, tassa kammaṃ pesuññaṃ. Piyabhāvassa suññakaraṇavācanti iminā pana ‘‘piyasuññakaraṇato pisuṇā’’ti niruttinayena atthaṃ vadati.
ਇਧਾਪਿ ‘‘ਦਸਹਾਕਾਰੇਹਿ ਪੇਸੁਞ੍ਞਂ ਉਪਸਂਹਰਤੀ’’ਤਿ વਚਨਤੋ ਦਸવਿਧਅਕ੍ਕੋਸવਤ੍ਥੁવਸੇਨੇવ ਪੇਸੁਞ੍ਞਂ ਉਪਸਂਹਰਨ੍ਤਸ੍ਸ ਪਾਚਿਤ੍ਤਿਯਂ। ਪਾਲ਼ਿਮੁਤ੍ਤਕਾਨਂ ਚੋਰੋਤਿਆਦੀਨਂ વਸੇਨ ਪਨ ਦੁਕ੍ਕਟਮੇવਾਤਿ વੇਦਿਤਬ੍ਬਂ । ‘‘ਅਨਕ੍ਕੋਸવਤ੍ਥੁਭੂਤਂ ਪਨ ਪੇਸੁਞ੍ਞਕਰਂ ਤਸ੍ਸ ਕਿਰਿਯਂ વਚਨਂ વਾ ਪਿਯਕਮ੍ਯਤਾਯ ਉਪਸਂਹਰਨ੍ਤਸ੍ਸ ਕਿਞ੍ਚਾਪਿ ਇਮਿਨਾ ਸਿਕ੍ਖਾਪਦੇਨ ਆਪਤ੍ਤਿ ਨ ਦਿਸ੍ਸਤਿ, ਤਥਾਪਿ ਦੁਕ੍ਕਟੇਨੇਤ੍ਥ ਭવਿਤਬ੍ਬ’’ਨ੍ਤਿ વਦਨ੍ਤਿ। ਜਾਤਿਆਦੀਹਿ ਅਨਞ੍ਞਾਪਦੇਸੇਨ ਅਕ੍ਕੋਸਨ੍ਤਸ੍ਸ ਭਿਕ੍ਖੁਨੋ ਸੁਤ੍વਾ ਭਿਕ੍ਖੁਸ੍ਸ ਉਪਸਂਹਰਣਂ, ਪਿਯਕਮ੍ਯਤਾਭੇਦਾਧਿਪ੍ਪਾਯੇਸੁ ਅਞ੍ਞਤਰਤਾ, ਤਸ੍ਸ વਿਜਾਨਨਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
Idhāpi ‘‘dasahākārehi pesuññaṃ upasaṃharatī’’ti vacanato dasavidhaakkosavatthuvaseneva pesuññaṃ upasaṃharantassa pācittiyaṃ. Pāḷimuttakānaṃ corotiādīnaṃ vasena pana dukkaṭamevāti veditabbaṃ . ‘‘Anakkosavatthubhūtaṃ pana pesuññakaraṃ tassa kiriyaṃ vacanaṃ vā piyakamyatāya upasaṃharantassa kiñcāpi iminā sikkhāpadena āpatti na dissati, tathāpi dukkaṭenettha bhavitabba’’nti vadanti. Jātiādīhi anaññāpadesena akkosantassa bhikkhuno sutvā bhikkhussa upasaṃharaṇaṃ, piyakamyatābhedādhippāyesu aññataratā, tassa vijānanāti imānettha tīṇi aṅgāni.
ਪੇਸੁਞ੍ਞਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pesuññasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਪੇਸੁਞ੍ਞਸਿਕ੍ਖਾਪਦਂ • 3. Pesuññasikkhāpadaṃ
