| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ
3. Pesuññasikkhāpadavaṇṇanā
੩੬. ਤਤਿਯਸਿਕ੍ਖਾਪਦੇ – ਭਣ੍ਡਨਜਾਤਾਨਨ੍ਤਿ ਸਞ੍ਜਾਤਭਣ੍ਡਨਾਨਂ। ਭਣ੍ਡਨਨ੍ਤਿ ਕਲਹਸ੍ਸ ਪੁਬ੍ਬਭਾਗੋ, ‘‘ਇਮਿਨਾ ਚ ਇਮਿਨਾ ਚ ਇਦਂ ਕਤਂ; ਏવਂ વੁਤ੍ਤੇ ਏવਂ વਕ੍ਖਾਮਾ’’ਤਿਆਦਿਕਂ ਸਕਸਕਪਕ੍ਖੇ ਸਮ੍ਮਨ੍ਤਨਂ। ਕਲਹੋਤਿ ਆਪਤ੍ਤਿਗਾਮਿਕੋ ਕਾਯવਾਚਾવੀਤਿਕ੍ਕਮੋ। વਿવਾਦੋਤਿ વਿਗ੍ਗਾਹਿਕਕਥਾ। ਤਂ વਿવਾਦਂ ਆਪਨ੍ਨਾਨਂ વਿવਾਦਾਪਨ੍ਨਾਨਂ। ਪੇਸੁਞ੍ਞਨ੍ਤਿ ਪਿਸੁਣવਾਚਂ, ਪਿਯਭਾવਸ੍ਸ ਸੁਞ੍ਞਕਰਣવਾਚਨ੍ਤਿ વੁਤ੍ਤਂ ਹੋਤਿ।
36. Tatiyasikkhāpade – bhaṇḍanajātānanti sañjātabhaṇḍanānaṃ. Bhaṇḍananti kalahassa pubbabhāgo, ‘‘iminā ca iminā ca idaṃ kataṃ; evaṃ vutte evaṃ vakkhāmā’’tiādikaṃ sakasakapakkhe sammantanaṃ. Kalahoti āpattigāmiko kāyavācāvītikkamo. Vivādoti viggāhikakathā. Taṃ vivādaṃ āpannānaṃ vivādāpannānaṃ. Pesuññanti pisuṇavācaṃ, piyabhāvassa suññakaraṇavācanti vuttaṃ hoti.
੩੭. ਭਿਕ੍ਖੁਪੇਸੁਞ੍ਞੇਤਿ ਭਿਕ੍ਖੂਨਂ ਪੇਸੁਞ੍ਞੇ; ਭਿਕ੍ਖੁਤੋ ਸੁਤ੍વਾ ਭਿਕ੍ਖੁਨਾ ਭਿਕ੍ਖੁਸ੍ਸ ਉਪਸਂਹਟਪੇਸੁਞ੍ਞੇਤਿ ਅਤ੍ਥੋ।
37.Bhikkhupesuññeti bhikkhūnaṃ pesuññe; bhikkhuto sutvā bhikkhunā bhikkhussa upasaṃhaṭapesuññeti attho.
੩੮. ਦ੍વੀਹਾਕਾਰੇਹੀਤਿ ਦ੍વੀਹਿ ਕਾਰਣੇਹਿ। ਪਿਯਕਮ੍ਯਸ੍ਸ વਾਤਿ ‘‘ਏવਂ ਅਹਂ ਏਤਸ੍ਸ ਪਿਯੋ ਭવਿਸ੍ਸਾਮੀ’’ਤਿ ਅਤ੍ਤਨੋ ਪਿਯਭਾવਂ ਪਤ੍ਥਯਮਾਨਸ੍ਸ વਾ। ਭੇਦਾਧਿਪ੍ਪਾਯਸ੍ਸ વਾਤਿ ‘‘ਏવਮਯਂ ਏਤੇਨ ਸਦ੍ਧਿਂ ਭਿਜ੍ਜਿਸ੍ਸਤੀ’’ਤਿ ਪਰਸ੍ਸ ਪਰੇਨ ਭੇਦਂ ਇਚ੍ਛਨ੍ਤਸ੍ਸ વਾ। ਜਾਤਿਤੋਪੀਤਿਆਦਿ ਸਬ੍ਬਂ ਪੁਰਿਮਸਿਕ੍ਖਾਪਦੇ વੁਤ੍ਤਨਯਮੇવ। ਇਧਾਪਿ ਭਿਕ੍ਖੁਨਿਂ ਆਦਿਂ ਕਤ੍વਾ ਸਬ੍ਬੇ ਅਨੁਪਸਮ੍ਪਨ੍ਨਾ ਨਾਮ।
38.Dvīhākārehīti dvīhi kāraṇehi. Piyakamyassa vāti ‘‘evaṃ ahaṃ etassa piyo bhavissāmī’’ti attano piyabhāvaṃ patthayamānassa vā. Bhedādhippāyassa vāti ‘‘evamayaṃ etena saddhiṃ bhijjissatī’’ti parassa parena bhedaṃ icchantassa vā. Jātitopītiādi sabbaṃ purimasikkhāpade vuttanayameva. Idhāpi bhikkhuniṃ ādiṃ katvā sabbe anupasampannā nāma.
ਨ ਪਿਯਕਮ੍ਯਸ੍ਸ ਨ ਭੇਦਾਧਿਪ੍ਪਾਯਸ੍ਸਾਤਿ ਏਕਂ ਅਕ੍ਕੋਸਨ੍ਤਂ ਏਕਞ੍ਚ ਖਮਨ੍ਤਂ ਦਿਸ੍વਾ ‘‘ਅਹੋ ਨਿਲ੍ਲਜ੍ਜੋ, ਈਦਿਸਮ੍ਪਿ ਨਾਮ ਭવਨ੍ਤਂ ਪੁਨ વਤ੍ਤਬ੍ਬਂ ਮਞ੍ਞਿਸ੍ਸਤੀ’’ਤਿ ਏવਂ ਕੇવਲਂ ਪਾਪਗਰਹਿਤਾਯ ਭਣਨ੍ਤਸ੍ਸ ਅਨਾਪਤ੍ਤਿ। ਸੇਸਂ ਉਤ੍ਤਾਨਤ੍ਥਮੇવ। ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ , ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
Na piyakamyassa na bhedādhippāyassāti ekaṃ akkosantaṃ ekañca khamantaṃ disvā ‘‘aho nillajjo, īdisampi nāma bhavantaṃ puna vattabbaṃ maññissatī’’ti evaṃ kevalaṃ pāpagarahitāya bhaṇantassa anāpatti. Sesaṃ uttānatthameva. Tisamuṭṭhānaṃ – kāyacittato vācācittato kāyavācācittato ca samuṭṭhāti , kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
ਪੇਸੁਞ੍ਞਸਿਕ੍ਖਾਪਦਂ ਤਤਿਯਂ।
Pesuññasikkhāpadaṃ tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਪੇਸੁਞ੍ਞਸਿਕ੍ਖਾਪਦવਣ੍ਣਨਾ • 3. Pesuññasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਪੇਸੁਞ੍ਞਸਿਕ੍ਖਾਪਦਂ • 3. Pesuññasikkhāpadaṃ
