| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. పేసలసుత్తవణ్ణనా
3. Pesalasuttavaṇṇanā
౨౧౧. తతియే అతిమఞ్ఞతీతి ‘‘కిం ఇమే మహల్లకా? న ఏతేసం పాళి, న అట్ఠకథా, న పదబ్యఞ్జనమధురతా, అమ్హాకం పన పాళిపి అట్ఠకథాపి నయసతేన నయసహస్సేన ఉపట్ఠాతీ’’తి అతిక్కమిత్వా మఞ్ఞతి. గోతమాతి గోతమబుద్ధసావకత్తా అత్తానం ఆలపతి. మానపథన్తి మానారమ్మణఞ్చేవ మానసహభునో చ ధమ్మే. విప్పటిసారీహువాతి విప్పటిసారీ అహువా, అహోసీతి అత్థో. మగ్గజినోతి మగ్గేన జితకిలేసో. కిత్తిఞ్చ సుఖఞ్చాతి వణ్ణభణనఞ్చ కాయికచేతసికసుఖఞ్చ. అఖిలోధ పధానవాతి అఖిలో ఇధ పధానవా వీరియసమ్పన్నో. విసుద్ధోతి విసుద్ధో భవేయ్య. అసేసన్తి నిస్సేసం నవవిధం. విజ్జాయన్తకరోతి విజ్జాయ కిలేసానం అన్తకరో. సమితావీతి రాగాదీనం సమితతాయ సమితావీ. తతియం.
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. పేసలసుత్తం • 3. Pesalasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. పేసలసుత్తవణ్ణనా • 3. Pesalasuttavaṇṇanā
