3. Pāyasadāyakattheraapadānaṃ

26.

Suvaṇṇavaṇṇaṃ …pe… purakkhataṃ-evaṃ dutiyantavasena sī. syā. potthakesu dissati> ‘‘suvaṇṇavaṇṇo sambuddho, bāttiṃsavaralakkhaṇo;

Pavanā ³ abhinikkhanto, bhikkhusaṅghapurakkhato ⁴.

27.

‘‘Mahaccā ⁷ kaṃsapātiyā, vaḍḍhetvā pāyasaṃ ⁸ ahaṃ;

Āhutiṃ yiṭṭhukāmo so, upanesiṃ baliṃ ahaṃ.

28.

‘‘Bhagavā tamhi samaye, lokajeṭṭho narāsabho;

Caṅkamaṃ susamārūḷho, ambare anilāyane.

29.

‘‘Tañca acchariyaṃ disvā, abbhutaṃ lomahaṃsanaṃ;

Ṭhapayitvā kaṃsapātiṃ, vipassiṃ abhivādayiṃ.

30.

‘‘Tuvaṃ devosi ¹⁰ sabbaññū, sadeve sahamānuse;

Anukampaṃ upādāya, paṭigaṇha mahāmuni.

31.

‘‘Paṭiggahesi bhagavā, sabbaññū lokanāyako;

Mama saṅkappamaññāya, satthā loke mahāmuni ¹².

32.

‘‘Ekanavutito kappe, yaṃ dānamadadiṃ tadā;

Duggatiṃ nābhijānāmi, pāyasassa ¹⁴ idaṃ phalaṃ.

33.

‘‘Ekatālīsito kappe, buddho nāmāsi khattiyo;

Sattaratanasampanno, cakkavattī mahabbalo.

34.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā pāyasadāyako ¹⁶ thero imā gāthāyo abhāsitthāti.

Pāyasadāyakattherassāpadānaṃ tatiyaṃ.