| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
7. பவாரணானித்³தே³ஸோ
7. Pavāraṇāniddeso
பவாரணாதி –
Pavāraṇāti –
73.
73.
யேனீரியாபதே²னாயங், பு⁴ஞ்ஜமானோ பவாரிதோ;
Yenīriyāpathenāyaṃ, bhuñjamāno pavārito;
ததோ அஞ்ஞேன பு⁴ஞ்ஜெய்ய, பாசித்தினதிரித்தகங்.
Tato aññena bhuñjeyya, pācittinatirittakaṃ.
74.
74.
அஸனங் போ⁴ஜனஞ்சேவ, அபி⁴ஹாரோ ஸமீபதா;
Asanaṃ bhojanañceva, abhihāro samīpatā;
காயவாசாபடிக்கே²போ, பஞ்சஅங்கா³ பவாரணா.
Kāyavācāpaṭikkhepo, pañcaaṅgā pavāraṇā.
75.
75.
ஓத³னோ ஸத்து கும்மாஸோ, மச்சோ² மங்ஸஞ்ச போ⁴ஜனங்;
Odano sattu kummāso, maccho maṃsañca bhojanaṃ;
ஸாலி வீஹி யவோ கங்கு³, குத்³ரூஸவரகோ³து⁴மா;
Sāli vīhi yavo kaṅgu, kudrūsavaragodhumā;
ஸத்தன்னமேஸங் த⁴ஞ்ஞானங், ஓத³னோ போ⁴ஜ்ஜயாகு³ ச.
Sattannamesaṃ dhaññānaṃ, odano bhojjayāgu ca.
76.
76.
ஸாமாகாதி³திணங் குத்³ரூஸகே வரகசோரகோ;
Sāmākāditiṇaṃ kudrūsake varakacorako;
வரகே ஸாலியஞ்சேவ, நீவாரோ ஸங்க³ஹங் க³தோ.
Varake sāliyañceva, nīvāro saṅgahaṃ gato.
77.
77.
ப⁴ட்ட²த⁴ஞ்ஞமயோ ஸத்து, கும்மாஸோ யவஸம்ப⁴வோ;
Bhaṭṭhadhaññamayo sattu, kummāso yavasambhavo;
மங்ஸோ ச கப்பியோ வுத்தோ, மச்சோ² உத³கஸம்ப⁴வோ.
Maṃso ca kappiyo vutto, maccho udakasambhavo.
78.
78.
பு⁴ஞ்ஜந்தோ போ⁴ஜனங் கப்ப-மகப்பங் வா நிஸேத⁴யங்;
Bhuñjanto bhojanaṃ kappa-makappaṃ vā nisedhayaṃ;
பவாரெய்யாபி⁴ஹடங் கப்பங், தன்னாமேன இமந்தி வா.
Pavāreyyābhihaṭaṃ kappaṃ, tannāmena imanti vā.
79.
79.
லாஜா தங்ஸத்துப⁴த்தானி, கோ³ரஸோ ஸுத்³த⁴க²ஜ்ஜகோ;
Lājā taṃsattubhattāni, goraso suddhakhajjako;
தண்டு³லா ப⁴ட்ட²பிட்ட²ஞ்ச, புது²கா வேளுஆதி³னங்.
Taṇḍulā bhaṭṭhapiṭṭhañca, puthukā veḷuādinaṃ.
80.
80.
ப⁴த்தங் வுத்தாவஸேஸானங், ரஸயாகு³ ரஸோபி ச;
Bhattaṃ vuttāvasesānaṃ, rasayāgu rasopi ca;
ஸுத்³த⁴யாகு³ப²லாதீ³னி, ந ஜனெந்தி பவாரணங்.
Suddhayāguphalādīni, na janenti pavāraṇaṃ.
81.
81.
பவாரிதேன வுட்டா²ய, அபு⁴த்தேன ச போ⁴ஜனங்;
Pavāritena vuṭṭhāya, abhuttena ca bhojanaṃ;
அதிரித்தங் ந காதப்³ப³ங், யேன யங் வா புரே கதங்.
Atirittaṃ na kātabbaṃ, yena yaṃ vā pure kataṃ.
82.
82.
கப்பியங் க³ஹிதஞ்சேவு-ச்சாரிதங் ஹத்த²பாஸக³ங்;
Kappiyaṃ gahitañcevu-ccāritaṃ hatthapāsagaṃ;
அதிரித்தங் கரொந்தேவங், ‘‘அலமேத’’ந்தி பா⁴ஸது.
Atirittaṃ karontevaṃ, ‘‘alameta’’nti bhāsatu.
83.
83.
ந கரேனுபஸம்பன்ன-ஹத்த²க³ங் பேஸயித்வாபி;
Na karenupasampanna-hatthagaṃ pesayitvāpi;
காரேதுங் லப்³ப⁴தே ஸப்³போ³, பு⁴ஞ்ஜிதுங் தமகாரகோதி.
Kāretuṃ labbhate sabbo, bhuñjituṃ tamakārakoti.
