| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
8. காலிகனித்³தே³ஸோ
8. Kālikaniddeso
காலிகா சாதி –
Kālikācāti –
84.
84.
படிக்³க³ஹிதா சத்தாரோ, காலிகா யாவகாலிகங்;
Paṭiggahitā cattāro, kālikā yāvakālikaṃ;
யாமகாலிகங் ஸத்தாஹ-காலிகங் யாவஜீவிகங்.
Yāmakālikaṃ sattāha-kālikaṃ yāvajīvikaṃ.
85.
85.
பிட்ட²ங் மூலங் ப²லங் க²ஜ்ஜங், கோ³ரஸோ த⁴ஞ்ஞபோ⁴ஜனங்;
Piṭṭhaṃ mūlaṃ phalaṃ khajjaṃ, goraso dhaññabhojanaṃ;
யாகு³ஸூபப்பபு⁴தயோ, ஹொந்தேதே யாவகாலிகா.
Yāgusūpappabhutayo, hontete yāvakālikā.
86.
86.
மது⁴முத்³தி³கஸாலூக-சோசமோசம்ப³ஜம்பு³ஜங்;
Madhumuddikasālūka-cocamocambajambujaṃ;
பா²ருஸங் நக்³கி³ஸந்தத்தங், பானகங் யாமகாலிகங்.
Phārusaṃ naggisantattaṃ, pānakaṃ yāmakālikaṃ.
87.
87.
ஸானுலோமானி த⁴ஞ்ஞானி, ட²பெத்வா ப²லஜோ ரஸோ;
Sānulomāni dhaññāni, ṭhapetvā phalajo raso;
மதூ⁴கபுப்ப²மஞ்ஞத்ர, ஸப்³போ³ புப்ப²ரஸோபி ச.
Madhūkapupphamaññatra, sabbo puppharasopi ca.
88.
88.
ஸப்³ப³பத்தரஸோ சேவ, ட²பெத்வா பக்கடா³கஜங்;
Sabbapattaraso ceva, ṭhapetvā pakkaḍākajaṃ;
ஸீதோத³மத்³தி³தோதி³ச்ச-பாகோ வா யாமகாலிகோ.
Sītodamadditodicca-pāko vā yāmakāliko.
89.
89.
ஸப்பினோனீததேலானி , மது⁴பா²ணிதமேவ ச;
Sappinonītatelāni , madhuphāṇitameva ca;
ஸத்தாஹகாலிகா ஸப்பி, யேஸங் மங்ஸமவாரிதங்.
Sattāhakālikā sappi, yesaṃ maṃsamavāritaṃ.
90.
90.
தேலங் திலவஸேரண்ட³-மது⁴ஸாஸபஸம்ப⁴வங்;
Telaṃ tilavaseraṇḍa-madhusāsapasambhavaṃ;
கு²த்³தா³ப⁴மரமது⁴கரி-மக்கி²காஹி கதங் மது⁴;
Khuddābhamaramadhukari-makkhikāhi kataṃ madhu;
ரஸாதி³உச்சு²விகதி, பக்காபக்கா ச பா²ணிதங்.
Rasādiucchuvikati, pakkāpakkā ca phāṇitaṃ.
91.
91.
ஸவத்து²பக்கா ஸாமங் வா, வஸா காலே அமானுஸா;
Savatthupakkā sāmaṃ vā, vasā kāle amānusā;
அஞ்ஞேஸங் ந பசே வத்து²ங், யாவகாலிகவத்து²னங்.
Aññesaṃ na pace vatthuṃ, yāvakālikavatthunaṃ.
92.
92.
ஹலித்³தி³ங் ஸிங்கி³வேரஞ்ச, வசத்தங் லஸுணங் வசா;
Haliddiṃ siṅgiverañca, vacattaṃ lasuṇaṃ vacā;
உஸீரங் ப⁴த்³த³முத்தஞ்சாதிவிஸா கடுரோஹிணீ;
Usīraṃ bhaddamuttañcātivisā kaṭurohiṇī;
பஞ்சமூலாதி³கஞ்சாபி, மூலங் தங் யாவஜீவிகங்.
Pañcamūlādikañcāpi, mūlaṃ taṃ yāvajīvikaṃ.
93.
93.
பி³ளங்க³ங் மரிசங் கொ³ட்ட²-ப²லங் பிப்ப²லி ராஜிகா;
Biḷaṅgaṃ maricaṃ goṭṭha-phalaṃ pipphali rājikā;
திப²லேரண்ட³காதீ³னங், ப²லங் தங் யாவஜீவிகங்.
Tiphaleraṇḍakādīnaṃ, phalaṃ taṃ yāvajīvikaṃ.
94.
94.
கப்பாஸனிம்ப³குடஜபடோலஸுலஸாதி³னங்;
Kappāsanimbakuṭajapaṭolasulasādinaṃ;
ஸூபெய்யபண்ணங் வஜ்ஜெத்வா, பண்ணங் தங் யாவஜீவிகங்.
Sūpeyyapaṇṇaṃ vajjetvā, paṇṇaṃ taṃ yāvajīvikaṃ.
95.
95.
ட²பெத்வா உச்சு²னிய்யாஸங்,
Ṭhapetvā ucchuniyyāsaṃ,
ஸரஸங் உச்சு²ஜங் தசங்;
Sarasaṃ ucchujaṃ tacaṃ;
நிய்யாஸோ ச தசோ ஸப்³போ³,
Niyyāso ca taco sabbo,
லோணங் லோஹங் ஸிலா ததா².
Loṇaṃ lohaṃ silā tathā.
96.
96.
ஸுத்³த⁴ஸித்த²ஞ்ச ஸேவாலோ, யஞ்ச கிஞ்சி ஸுஜா²பிதங்;
Suddhasitthañca sevālo, yañca kiñci sujhāpitaṃ;
விகடாதி³ப்பபே⁴த³ஞ்ச, ஞாதப்³ப³ங் யாவஜீவிகங்.
Vikaṭādippabhedañca, ñātabbaṃ yāvajīvikaṃ.
97.
97.
மூலங் ஸாரங் தசோ பெ²க்³கு³, பண்ணங் புப்ப²ங் ப²லங் லதா;
Mūlaṃ sāraṃ taco pheggu, paṇṇaṃ pupphaṃ phalaṃ latā;
ஆஹாரத்த² மஸாதெ⁴ந்தங், ஸப்³ப³ங் தங் யாவஜீவிகங்.
Āhārattha masādhentaṃ, sabbaṃ taṃ yāvajīvikaṃ.
98.
98.
ஸப்³ப³காலிகஸம்போ⁴கோ³, காலே ஸப்³ப³ஸ்ஸ கப்பதி;
Sabbakālikasambhogo, kāle sabbassa kappati;
ஸதி பச்சயே விகாலே, கப்பதே காலிகத்தயங்.
Sati paccaye vikāle, kappate kālikattayaṃ.
99.
99.
காலயாமமதிக்கந்தா , பாசித்திங் ஜனயந்துபோ⁴;
Kālayāmamatikkantā , pācittiṃ janayantubho;
ஜனயந்தி உபோ⁴பேதே, அந்தோவுத்த²ஞ்ச ஸன்னிதி⁴ங்.
Janayanti ubhopete, antovutthañca sannidhiṃ.
100.
100.
ஸத்தாஹகாலிகே ஸத்த, அஹானி அதினாமிதே;
Sattāhakālike satta, ahāni atināmite;
பாசித்தி பாளினாருள்ஹே, ஸப்பிஆதி³ம்ஹி து³க்கடங்.
Pācitti pāḷināruḷhe, sappiādimhi dukkaṭaṃ.
101.
101.
நிஸ்ஸட்ட²லத்³த⁴ங் மக்கெ²ய்ய, நங்க³ங் நஜ்ஜோ²ஹரெய்ய ச;
Nissaṭṭhaladdhaṃ makkheyya, naṅgaṃ najjhohareyya ca;
விகப்பெந்தஸ்ஸ ஸத்தாஹே, ஸாமணேரஸ்ஸதி⁴ட்ட²தோ;
Vikappentassa sattāhe, sāmaṇerassadhiṭṭhato;
மக்க²னாதி³ஞ்ச நாபத்தி, அஞ்ஞஸ்ஸ த³த³தோபி ச.
Makkhanādiñca nāpatti, aññassa dadatopi ca.
102.
102.
யாவகாலிகஆதீ³னி, ஸங்ஸட்டா²னி ஸஹத்தனா;
Yāvakālikaādīni, saṃsaṭṭhāni sahattanā;
கா³ஹாபயந்தி ஸப்³பா⁴வங், தஸ்மா ஏவமுதீ³ரிதங்.
Gāhāpayanti sabbhāvaṃ, tasmā evamudīritaṃ.
103.
103.
புரே படிக்³க³ஹிதஞ்ச, ஸத்தாஹங் யாவஜீவிகங்;
Pure paṭiggahitañca, sattāhaṃ yāvajīvikaṃ;
ஸேஸகாலிகஸம்மிஸ்ஸங், பாசித்தி பரிபு⁴ஞ்ஜதோ.
Sesakālikasammissaṃ, pācitti paribhuñjato.
104.
104.
யாவகாலிகஸம்மிஸ்ஸங், இதரங் காலிகத்தயங்;
Yāvakālikasammissaṃ, itaraṃ kālikattayaṃ;
படிக்³க³ஹிதங் தத³ஹு, தத³ஹேவ ச பு⁴ஞ்ஜயே.
Paṭiggahitaṃ tadahu, tadaheva ca bhuñjaye.
105.
105.
யாமகாலிகஸம்மிஸ்ஸங், ஸேஸமேவங் விஜானியங்;
Yāmakālikasammissaṃ, sesamevaṃ vijāniyaṃ;
ஸத்தாஹகாலிகமிஸ்ஸஞ்ச, ஸத்தாஹங் கப்பதேதரந்தி.
Sattāhakālikamissañca, sattāhaṃ kappatetaranti.
