| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಪಟ್ಟಿಪುಪ್ಫಿಯತ್ಥೇರಅಪದಾನಂ
4. Paṭṭipupphiyattheraapadānaṃ
೨೨.
22.
‘‘ಯದಾ ನಿಬ್ಬಾಯಿ ಸಮ್ಬುದ್ಧೋ, ಮಹೇಸೀ ಪದುಮುತ್ತರೋ।
‘‘Yadā nibbāyi sambuddho, mahesī padumuttaro;
ಸಮಾಗಮ್ಮ ಜನಾ ಸಬ್ಬೇ, ಸರೀರಂ ನೀಹರನ್ತಿ ತೇ॥
Samāgamma janā sabbe, sarīraṃ nīharanti te.
೨೩.
23.
‘‘ನೀಹರನ್ತೇ ಸರೀರಮ್ಹಿ, ವಜ್ಜಮಾನಾಸು ಭೇರಿಸು।
‘‘Nīharante sarīramhi, vajjamānāsu bherisu;
ಪಸನ್ನಚಿತ್ತೋ ಸುಮನೋ, ಪಟ್ಟಿಪುಪ್ಫಂ ಅಪೂಜಯಿಂ॥
Pasannacitto sumano, paṭṭipupphaṃ apūjayiṃ.
೨೪.
24.
‘‘ಸತಸಹಸ್ಸಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Satasahassito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಸರೀರಪೂಜಿತೇ ಫಲಂ॥
Duggatiṃ nābhijānāmi, sarīrapūjite phalaṃ.
೨೫.
25.
‘‘ಕಿಲೇಸಾ ಝಾಪಿತಾ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Kilesā jhāpitā mayhaṃ, bhavā sabbe samūhatā;
ನಾಗೋವ ಬನ್ಧನಂ ಛೇತ್ವಾ, ವಿಹರಾಮಿ ಅನಾಸವೋ॥
Nāgova bandhanaṃ chetvā, viharāmi anāsavo.
೨೬.
26.
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
೨೭.
27.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಟ್ಟಿಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
ಪಟ್ಟಿಪುಪ್ಫಿಯತ್ಥೇರಸ್ಸಾಪದಾನಂ ಚತುತ್ಥಂ।
Paṭṭipupphiyattherassāpadānaṃ catutthaṃ.
Footnotes:
