| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๓. ปตฺตวโคฺค
3. Pattavaggo
๑๖๔. อติเรกปตฺตํ ทสาหํ อติกฺกาเมโนฺต เอกํ อาปตฺติํ อาปชฺชติฯ นิสฺสคฺคิยํ ปาจิตฺติยํฯ
164. Atirekapattaṃ dasāhaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
อูนปญฺจพนฺธเนน ปเตฺตน อญฺญํ นวํ ปตฺตํ เจตาเปโนฺต เทฺว อาปตฺติโย อาปชฺชติฯ เจตาเปติ, ปโยเค ทุกฺกฎํ; เจตาปิเต นิสฺสคฺคิยํ ปาจิตฺติยํฯ
Ūnapañcabandhanena pattena aññaṃ navaṃ pattaṃ cetāpento dve āpattiyo āpajjati. Cetāpeti, payoge dukkaṭaṃ; cetāpite nissaggiyaṃ pācittiyaṃ.
เภสชฺชานิ ปฎิคฺคเหตฺวา สตฺตาหํ อติกฺกาเมโนฺต เอกํ อาปตฺติํ อาปชฺชติฯ นิสฺสคฺคิยํ ปาจิตฺติยํฯ
Bhesajjāni paṭiggahetvā sattāhaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
อติเรกมาเส เสเส คิมฺหาเน วสฺสิกสาฎิกจีวรํ ปริเยสโนฺต เทฺว อาปตฺติโย อาปชฺชติฯ ปริเยสติ, ปโยเค ทุกฺกฎํ; ปริยิเฎฺฐ นิสฺสคฺคิยํ ปาจิตฺติยํฯ
Atirekamāse sese gimhāne vassikasāṭikacīvaraṃ pariyesanto dve āpattiyo āpajjati. Pariyesati, payoge dukkaṭaṃ; pariyiṭṭhe nissaggiyaṃ pācittiyaṃ.
ภิกฺขุสฺส สามํ จีวรํ ทตฺวา กุปิโต อนตฺตมโน อจฺฉินฺทโนฺต เทฺว อาปตฺติโย อาปชฺชติฯ อจฺฉินฺทติ, ปโยเค ทุกฺกฎํ; อจฺฉิเนฺน นิสฺสคฺคิยํ ปาจิตฺติยํฯ
Bhikkhussa sāmaṃ cīvaraṃ datvā kupito anattamano acchindanto dve āpattiyo āpajjati. Acchindati, payoge dukkaṭaṃ; acchinne nissaggiyaṃ pācittiyaṃ.
สามํ สุตฺตํ วิญฺญาเปตฺวา ตนฺตวาเยหิ จีวรํ วายาเปโนฺต เทฺว อาปตฺติโย อาปชฺชติฯ วายาเปติ, ปโยเค ทุกฺกฎํ; วายาปิเต นิสฺสคฺคิยํ ปาจิตฺติยํฯ
Sāmaṃ suttaṃ viññāpetvā tantavāyehi cīvaraṃ vāyāpento dve āpattiyo āpajjati. Vāyāpeti, payoge dukkaṭaṃ; vāyāpite nissaggiyaṃ pācittiyaṃ.
ปุเพฺพ อปฺปวาริโต อญฺญาตกสฺส คหปติกสฺส ตนฺตวาเย อุปสงฺกมิตฺวา จีวเร วิกปฺปํ อาปชฺชโนฺต เทฺว อาปตฺติโย อาปชฺชติฯ วิกปฺปํ อาปชฺชติ, ปโยเค ทุกฺกฎํ; วิกปฺปํ อาปเนฺน นิสฺสคฺคิยํ ปาจิตฺติยํฯ
Pubbe appavārito aññātakassa gahapatikassa tantavāye upasaṅkamitvā cīvare vikappaṃ āpajjanto dve āpattiyo āpajjati. Vikappaṃ āpajjati, payoge dukkaṭaṃ; vikappaṃ āpanne nissaggiyaṃ pācittiyaṃ.
อเจฺจกจีวรํ ปฎิคฺคเหตฺวา จีวรกาลสมยํ อติกฺกาเมโนฺต เอกํ อาปตฺติํ อาปชฺชติฯ นิสฺสคฺคิยํ ปาจิตฺติยํฯ
Accekacīvaraṃ paṭiggahetvā cīvarakālasamayaṃ atikkāmento ekaṃ āpattiṃ āpajjati. Nissaggiyaṃ pācittiyaṃ.
ติณฺณํ จีวรานํ อญฺญตรํ จีวรํ อนฺตรฆเร นิกฺขิปิตฺวา อติเรกฉารตฺตํ วิปฺปวสโนฺต เอกํ อาปตฺติํ อาปชฺชติฯ นิสฺสคฺคิยํ ปาจิตฺติยํฯ
Tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasanto ekaṃ āpattiṃ āpajjati. Nissaggiyaṃ pācittiyaṃ.
ชานํ สงฺฆิกํ ลาภํ ปริณตํ อตฺตโน ปริณาเมโนฺต เทฺว อาปตฺติโย อาปชฺชติฯ ปริณาเมติ, ปโยเค ทุกฺกฎํ; ปริณามิเต นิสฺสคฺคิยํ ปาจิตฺติยํฯ
Jānaṃ saṅghikaṃ lābhaṃ pariṇataṃ attano pariṇāmento dve āpattiyo āpajjati. Pariṇāmeti, payoge dukkaṭaṃ; pariṇāmite nissaggiyaṃ pācittiyaṃ.
ปตฺตวโคฺค ตติโยฯ
Pattavaggo tatiyo.
ติํส นิสฺสคฺคิยา ปาจิตฺติยา นิฎฺฐิตาฯ
Tiṃsa nissaggiyā pācittiyā niṭṭhitā.
