| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៨. បតិរូបកថាវណ្ណនា
8. Patirūpakathāvaṇṇanā
៩១៥-៩១៦. ឥទានិ រាគបតិរូបកថា នាម ហោតិ។ តត្ថ មេត្តាករុណាមុទិតាយោ សន្ធាយ ‘‘ន រាគោ រាគបតិរូបកោ’’តិ ច ឥស្សាមច្ឆរិយកុក្កុច្ចានិ សន្ធាយ ‘‘ន ទោសោ ទោសបតិរូបកោ’’តិ ច ហសិតុប្បាទំ សន្ធាយ ‘‘ន មោហោ មោហបតិរូបកោ’’តិ ច ទុម្មង្កូនំ បុគ្គលានំ និគ្គហំ បេសលានំ ភិក្ខូនំ អនុគ្គហំ បាបគរហិតំ កល្យាណបសំសំ អាយស្មតោ បិលិន្ទវច្ឆស្ស វសលវាទំ ភគវតោ ខេឡាសកវាទំ មោឃបុរិសវាទញ្ច សន្ធាយ ‘‘ន កិលេសោ កិលេសបតិរូបកោ’’តិ ច យេសំ លទ្ធិ, សេយ្យថាបិ អន្ធកានំ; តេ សន្ធាយ សព្ពកថាសុ បុច្ឆា សកវាទិស្ស, បដិញ្ញា ឥតរស្ស។ អថ នំ យស្មា ផស្សាទិបតិរូបកា នផស្សាទយោ នាម នត្ថិ, តស្មា រាគាទិបតិរូបកា នរាគាទយោបិ នត្ថីតិ ចោទេតុំ អត្ថិ ន ផស្សោតិអាទិមាហ ។ ឥតរោ តេសំ អភាវា បដិក្ខិបតិ។ សេសំ សព្ពត្ថ ឧត្តានត្ថមេវាតិ។
915-916. Idāni rāgapatirūpakathā nāma hoti. Tattha mettākaruṇāmuditāyo sandhāya ‘‘na rāgo rāgapatirūpako’’ti ca issāmacchariyakukkuccāni sandhāya ‘‘na doso dosapatirūpako’’ti ca hasituppādaṃ sandhāya ‘‘na moho mohapatirūpako’’ti ca dummaṅkūnaṃ puggalānaṃ niggahaṃ pesalānaṃ bhikkhūnaṃ anuggahaṃ pāpagarahitaṃ kalyāṇapasaṃsaṃ āyasmato pilindavacchassa vasalavādaṃ bhagavato kheḷāsakavādaṃ moghapurisavādañca sandhāya ‘‘na kileso kilesapatirūpako’’ti ca yesaṃ laddhi, seyyathāpi andhakānaṃ; te sandhāya sabbakathāsu pucchā sakavādissa, paṭiññā itarassa. Atha naṃ yasmā phassādipatirūpakā naphassādayo nāma natthi, tasmā rāgādipatirūpakā narāgādayopi natthīti codetuṃ atthi na phassotiādimāha . Itaro tesaṃ abhāvā paṭikkhipati. Sesaṃ sabbattha uttānatthamevāti.
បតិរូបកថាវណ្ណនា។
Patirūpakathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (២២៥) ៨. បតិរូបកថា • (225) 8. Patirūpakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៨. បតិរូបកថាវណ្ណនា • 8. Patirūpakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៨. បតិរូបកថាវណ្ណនា • 8. Patirūpakathāvaṇṇanā
