| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
баадид̣̇зсанийяагат̇аа
Pāṭidesanīyakathā
2432.
2432.
аг̇илаанаа сажз саббим̣, лад̣̇д̇хам̣ вин̃н̃ад̇д̇ияаа саяам̣;
Agilānā sace sappiṃ, laddhaṃ viññattiyā sayaṃ;
‘‘бхун̃ж̇иссаамий’’д̇и г̇ахан̣з, д̣̇уггадам̣ барид̣̇ийбид̇ам̣.
‘‘Bhuñjissāmī’’ti gahaṇe, dukkaṭaṃ paridīpitaṃ.
2433.
2433.
аж̇жхохааравасзнзва, баадид̣̇зсанияам̣ сияаа;
Ajjhohāravaseneva, pāṭidesaniyaṃ siyā;
д̇ибаадид̣̇зсанийяам̣ д̇у, г̇илаанааяа д̣̇вид̣̇уггадам̣.
Tipāṭidesanīyaṃ tu, gilānāya dvidukkaṭaṃ.
2434.
2434.
г̇илаанаа вин̃н̃аабзд̇ваана, бажчаа сзванд̇ияааби жа;
Gilānā viññāpetvāna, pacchā sevantiyāpi ca;
г̇илаанааяаавасзсам̣ ваа, вин̃н̃ад̇д̇ам̣ н̃аад̇агаад̣̇ид̇о.
Gilānāyāvasesaṃ vā, viññattaṃ ñātakādito.
2435.
2435.
ан̃н̃ассад̇т̇ааяа ваа ад̇д̇а-д̇ханзнуммад̇д̇игааяа ваа;
Aññassatthāya vā atta-dhanenummattikāya vā;
анаабад̇д̇и самудтаанам̣, ад̣̇д̇хаанасад̣̇исам̣ мад̇ам̣.
Anāpatti samuṭṭhānaṃ, addhānasadisaṃ mataṃ.
батамам̣.
Paṭhamaṃ.
2436.
2436.
аяамзва жа сзсзсу, д̣̇уд̇ияаад̣̇ийсу нижчаяо;
Ayameva ca sesesu, dutiyādīsu nicchayo;
самудтаанаад̣̇инаа сад̣̇д̇хим̣, над̇т̇и гаажи висзсад̇аа.
Samuṭṭhānādinā saddhiṃ, natthi kāci visesatā.
2437.
2437.
анааг̇ад̇зсу саб̣б̣зсу, саббиаад̣̇ийсу баал̣ияам̣;
Anāgatesu sabbesu, sappiādīsu pāḷiyaṃ;
бхун̃ж̇анд̇ияаа д̇у вин̃н̃ад̇ваа, адтасуби жа д̣̇уггадам̣.
Bhuñjantiyā tu viññatvā, aṭṭhasupi ca dukkaṭaṃ.
ид̇и винаяавинижчаяз
Iti vinayavinicchaye
баадид̣̇зсанийяагат̇аа нидтид̇аа.
Pāṭidesanīyakathā niṭṭhitā.
2438.
2438.
сзкияаа бана яз д̇хаммаа, уд̣̇д̣̇идтаа бан̃жасад̇д̇ад̇и;
Sekhiyā pana ye dhammā, uddiṭṭhā pañcasattati;
д̇зсам̣ махаавибхан̇г̇з д̇у, вуд̇д̇о ад̇т̇авинижчаяо.
Tesaṃ mahāvibhaṅge tu, vutto atthavinicchayo.
ид̇и винаяавинижчаяз
Iti vinayavinicchaye
сигкаагаран̣ийяагат̇аа нидтид̇аа.
Sikkhākaraṇīyakathā niṭṭhitā.
2439.
2439.
убхад̇обаад̇имогкаанам̣ ;
Ubhatopātimokkhānaṃ ;
савибхан̇г̇аанамзва яо;
Savibhaṅgānameva yo;
ад̇т̇о адтагат̇аасааро;
Attho aṭṭhakathāsāro;
со жа вуд̇д̇о висзсад̇о.
So ca vutto visesato.
2440.
2440.
д̇ан̃жа саб̣б̣ам̣ самаад̣̇ааяа, винаяасса винижчаяо;
Tañca sabbaṃ samādāya, vinayassa vinicchayo;
бхигкуунам̣ бхигкунийнан̃жа, хид̇ад̇т̇ааяа гад̇о маяаа.
Bhikkhūnaṃ bhikkhunīnañca, hitatthāya kato mayā.
2441.
2441.
имам̣ бадибхаанаж̇анд̇у но ж̇анд̇уно;
Imaṃ paṭibhānajantu no jantuno;
сун̣анд̇и винаяз хи д̇з яз хид̇з;
Suṇanti vinaye hi te ye hite;
ж̇анасса сумад̇ааяанз д̇ааяанз;
Janassa sumatāyane tāyane;
бхаванд̇и багад̇ан̃н̃уно д̇ан̃н̃уно.
Bhavanti pakataññuno taññuno.
2442.
2442.
б̣ахусааранаяз винаяз барамз;
Bahusāranaye vinaye parame;
абхибад̇т̇аяад̇аа хи висаарад̣̇ад̇ам̣;
Abhipatthayatā hi visāradataṃ;
барамаа бана б̣уд̣̇д̇химад̇аа махад̇ий;
Paramā pana buddhimatā mahatī;
гаран̣ийяад̇амаа яад̇инаад̣̇арад̇аа.
Karaṇīyatamā yatinādaratā.
2443.
2443.
аваг̇ажчад̇и яо бана бхигку имам̣;
Avagacchati yo pana bhikkhu imaṃ;
винаяасса винижчаяамад̇т̇аяуд̇ам̣;
Vinayassa vinicchayamatthayutaṃ;
амарам̣ аж̇арам̣ араж̇ам̣ аруж̇ам̣;
Amaraṃ ajaraṃ arajaṃ arujaṃ;
ад̇хиг̇ажчад̇и санд̇ибад̣̇ам̣ бана со.
Adhigacchati santipadaṃ pana so.
ид̇и винаяавинижчаяз
Iti vinayavinicchaye
бхигкунийвибхан̇г̇агат̇аа нидтид̇аа.
Bhikkhunīvibhaṅgakathā niṭṭhitā.
