| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
канд̇хагагат̇аа
Khandhakakathā
махааваг̇г̇о
Mahāvaggo
махааканд̇хагагат̇аа
Mahākhandhakakathā
баб̣б̣аж̇ж̇аагат̇аа
Pabbajjākathā
2444.
2444.
сийлагканд̇хаад̣̇ияуд̇д̇зна , субхагканд̇хзна д̣̇зсид̇з;
Sīlakkhandhādiyuttena , subhakkhandhena desite;
канд̇хагзби бавагкаами, самаасзна винижчаяам̣.
Khandhakepi pavakkhāmi, samāsena vinicchayaṃ.
2445.
2445.
маад̇араа ананун̃н̃аад̇ам̣, бид̇араа вааби бхигкуно;
Mātarā ananuññātaṃ, pitarā vāpi bhikkhuno;
бхан̣д̣угаммамабужчид̇ваа, баб̣б̣ааж̇знд̇асса д̣̇уггадам̣.
Bhaṇḍukammamapucchitvā, pabbājentassa dukkaṭaṃ.
2446.
2446.
уд̣̇д̣̇зсабарибужчааяа, саяам̣ жз б̣яаавадо сияаа;
Uddesaparipucchāya, sayaṃ ce byāvaṭo siyā;
д̣̇ахаро аан̣аабзд̇аб̣б̣о, баб̣б̣ааж̇зд̇ваанаяаад̇и жа.
Daharo āṇāpetabbo, pabbājetvānayāti ca.
2447.
2447.
убаж̇жхааяамат̇уд̣̇д̣̇исса, авуд̇д̇о д̣̇ахаро бана;
Upajjhāyamathuddissa, avutto daharo pana;
баб̣б̣ааж̇зд̇и сажз д̇ам̣ со, саяамзвааби ваддад̇и.
Pabbājeti sace taṃ so, sayamevāpi vaṭṭati.
2448.
2448.
сааман̣зроби вад̇д̇аб̣б̣о, д̣̇ахаро над̇т̇и д̇ад̇т̇а жз;
Sāmaṇeropi vattabbo, daharo natthi tattha ce;
‘‘кан̣д̣асиймамимам̣ нзд̇ваа, баб̣б̣ааж̇зд̇ваанаяаа’’д̇и жа.
‘‘Khaṇḍasīmamimaṃ netvā, pabbājetvānayā’’ti ca.
2449.
2449.
саран̣аани банзд̇асса, д̣̇аад̇аб̣б̣аанзва ад̇д̇анаа;
Saraṇāni panetassa, dātabbāneva attanā;
звамби бхигкунааязва, ход̇и баб̣б̣ааж̇ид̇о наро.
Evampi bhikkhunāyeva, hoti pabbājito naro.
2450.
2450.
бурисам̣ бхигкуд̇о ан̃н̃о, баб̣б̣ааж̇зд̇и на ваддад̇и;
Purisaṃ bhikkhuto añño, pabbājeti na vaṭṭati;
ид̇т̇им̣ бхигкунид̇о ан̃н̃о, баб̣б̣ааж̇зд̇и на ваддад̇и.
Itthiṃ bhikkhunito añño, pabbājeti na vaṭṭati.
2451.
2451.
сааман̣зроби ваа д̣̇аад̇ум̣, сааман̣зрийби ваа д̇ат̇аа;
Sāmaṇeropi vā dātuṃ, sāmaṇerīpi vā tathā;
аан̣ад̇д̇ияаа убхиннамби, гаасааяаани лабханд̇и д̇з.
Āṇattiyā ubhinnampi, kāsāyāni labhanti te.
2452.
2452.
саяамзва жа яам̣ гин̃жи, баб̣б̣ааж̇знд̇зна бхигкунаа;
Sayameva ca yaṃ kiñci, pabbājentena bhikkhunā;
гзсаабанаяанам̣ гад̇ваа, батамам̣ уд̣̇агз буна.
Kesāpanayanaṃ katvā, paṭhamaṃ udake puna.
2453.
2453.
нхаабзд̇аб̣б̣о сияаа судту, гхам̣сид̇ваа г̇омаяаад̣̇инаа;
Nhāpetabbo siyā suṭṭhu, ghaṃsitvā gomayādinā;
сарийрз бийл̣агаа вааби, гажчу ваа д̇асса хонд̇и жз.
Sarīre pīḷakā vāpi, kacchu vā tassa honti ce.
2454.
2454.
маад̇аа яат̇аа нияам̣буд̇д̇ам̣, на ж̇иг̇ужчад̇и саб̣б̣асо;
Mātā yathā niyaṃputtaṃ, na jigucchati sabbaso;
нхаабзд̇аб̣б̣ова яад̇инаа, д̇ат̇зва аж̇иг̇ужчад̇аа.
Nhāpetabbova yatinā, tatheva ajigucchatā.
2455.
2455.
гасмаа? банзд̇д̇агзнааби, убагаарзна саасанз;
Kasmā? Panettakenāpi, upakārena sāsane;
со сад̣̇аа б̣алаваснзхо, ход̇убаж̇жхааяагаад̣̇ису.
So sadā balavasneho, hotupajjhāyakādisu.
2456.
2456.
винод̣̇зд̇ваа бануббаннам̣, угган̣там̣ гулабуд̇д̇агаа;
Vinodetvā panuppannaṃ, ukkaṇṭhaṃ kulaputtakā;
сигкааяо барибуурзд̇ваа, ниб̣б̣аанам̣ баабун̣анд̇и хи.
Sikkhāyo paripūretvā, nibbānaṃ pāpuṇanti hi.
2457.
2457.
г̇анд̇хажун̣н̣зна ваа бажчаа, жун̣н̣знаби халид̣̇д̣̇ияаа;
Gandhacuṇṇena vā pacchā, cuṇṇenapi haliddiyā;
сарийрам̣ д̇асса сийсан̃жа, уб̣б̣аддзд̇ваа бунаббунам̣.
Sarīraṃ tassa sīsañca, ubbaṭṭetvā punappunaṃ.
2458.
2458.
г̇ихиг̇анд̇хам̣ винод̣̇зд̇ваа, гаасааяаани банзгад̇о;
Gihigandhaṃ vinodetvā, kāsāyāni panekato;
д̣̇вад̇д̇игкад̇д̇ум̣ сагим̣ вааби, д̣̇аад̇аб̣б̣аанисса бхигкунаа.
Dvattikkhattuṃ sakiṃ vāpi, dātabbānissa bhikkhunā.
2459.
2459.
ат̇а хад̇т̇зби ваа д̇асса, ад̣̇ад̇ваа саяамзва д̇ам̣;
Atha hatthepi vā tassa, adatvā sayameva taṃ;
ажчаад̣̇зд̇и убаж̇жхааяо, ваддад̇аажарияоби ваа.
Acchādeti upajjhāyo, vaṭṭatācariyopi vā.
2460.
2460.
ниваасзд̇и анаан̣ад̇д̇о, со баарубад̇и ваа саяам̣;
Nivāseti anāṇatto, so pārupati vā sayaṃ;
абанзд̇ваа д̇ад̇о саб̣б̣ам̣, буна д̣̇аад̇аб̣б̣амзва д̇ам̣.
Apanetvā tato sabbaṃ, puna dātabbameva taṃ.
2461.
2461.
бхигкунаа д̇у сахад̇т̇зна, д̇ат̇аа аан̣ад̇д̇ияааби ваа;
Bhikkhunā tu sahatthena, tathā āṇattiyāpi vā;
д̣̇иннам̣ ваддад̇и гаасаавам̣, наад̣̇иннам̣ бана ваддад̇и.
Dinnaṃ vaṭṭati kāsāvaṃ, nādinnaṃ pana vaṭṭati.
2462.
2462.
д̇ассзва санд̇агам̣ вааби, гаа гат̇аа ад̇д̇асанд̇агз;
Tasseva santakaṃ vāpi, kā kathā attasantake;
ванд̣̇аабзд̇ваа д̇ад̇т̇а бхигкуу, гаараабзд̇ваана уггудим̣.
Vandāpetvā tattha bhikkhū, kārāpetvāna ukkuṭiṃ.
2463.
2463.
ан̃ж̇алим̣ баг̇г̇ахаабзд̇ваа, д̣̇аад̇аб̣б̣ам̣ саран̣ад̇д̇аяам̣;
Añjaliṃ paggahāpetvā, dātabbaṃ saraṇattayaṃ;
бадибаадивасзнзва, на жа уббадибаадияаа.
Paṭipāṭivaseneva, na ca uppaṭipāṭiyā.
2464.
2464.
сажз згабад̣̇ам̣ вааби, д̣̇зд̇и згагкарамби ваа;
Sace ekapadaṃ vāpi, deti ekakkharampi vā;
бадибаадим̣ вираж̇жхид̇ваа, г̇ахид̇ам̣ жз на ваддад̇и.
Paṭipāṭiṃ virajjhitvā, gahitaṃ ce na vaṭṭati.
2465.
2465.
д̇игкад̇д̇ум̣ яад̣̇и ваа д̣̇зд̇и, б̣уд̣̇д̇хам̣ саран̣амзва ваа;
Tikkhattuṃ yadi vā deti, buddhaṃ saraṇameva vā;
д̇ат̇аа сзсзсу жзвамби, на д̣̇иннаанзва хонд̇и хи.
Tathā sesesu cevampi, na dinnāneva honti hi.
2466.
2466.
гад̇ваанунаасиганд̇аани , згааб̣ад̣̇д̇хаани ваа бана;
Katvānunāsikantāni , ekābaddhāni vā pana;
вижчинд̣̇ид̇ваат̇а ма-нд̇аани, д̣̇аад̇аб̣б̣аани виж̇аанад̇аа.
Vicchinditvātha ma-ntāni, dātabbāni vijānatā.
2467.
2467.
убасамбад̣̇агаммам̣ д̇у, згад̇осуд̣̇д̇хияаа сияаа;
Upasampadakammaṃ tu, ekatosuddhiyā siyā;
на ход̇и бана баб̣б̣аж̇ж̇аа, убхад̇осуд̣̇д̇хияаа винаа.
Na hoti pana pabbajjā, ubhatosuddhiyā vinā.
2468.
2468.
д̇асмаа аажариязнааби, д̇ат̇аанд̇зваасигзнаби;
Tasmā ācariyenāpi, tathāntevāsikenapi;
б̣у-д̣̇д̇ха-гаараад̣̇аяо ван̣н̣аа, таанагаран̣асамбад̣̇ам̣.
Bu-ddha-kārādayo vaṇṇā, ṭhānakaraṇasampadaṃ.
2469.
2469.
ахаабзнд̇зна вад̇д̇аб̣б̣аа, баб̣б̣аж̇ж̇ааг̇ун̣амижчад̇аа;
Ahāpentena vattabbā, pabbajjāguṇamicchatā;
згаван̣н̣авинаасзна, баб̣б̣аж̇ж̇аа хи на руухад̇и.
Ekavaṇṇavināsena, pabbajjā hi na rūhati.
2470.
2470.
яад̣̇и сид̣̇д̇хааби баб̣б̣аж̇ж̇аа, саран̣ааг̇аманад̇ова хи;
Yadi siddhāpi pabbajjā, saraṇāgamanatova hi;
д̣̇аад̇аб̣б̣аа д̣̇аса сийлаани, бууран̣ад̇т̇ааяа бхигкунаа.
Dātabbā dasa sīlāni, pūraṇatthāya bhikkhunā.
баб̣б̣аж̇ж̇аагат̇аа.
Pabbajjākathā.
2471.
2471.
убаж̇жхааяамат̇аажарияам̣, ниссааяа васад̇аа бана;
Upajjhāyamathācariyaṃ, nissāya vasatā pana;
гад̇д̇аб̣б̣аанзва вад̇д̇аани, бияасийлзна бхигкунаа.
Kattabbāneva vattāni, piyasīlena bhikkhunā.
2472.
2472.
аасанам̣ бан̃н̃абзд̇аб̣б̣ам̣, д̣̇анд̇агадтам̣ мукод̣̇агам̣;
Āsanaṃ paññapetabbaṃ, dantakaṭṭhaṃ mukhodakaṃ;
д̣̇аад̇аб̣б̣ам̣ д̇асса гаалзна, сажз яааг̇у бхависсад̇и.
Dātabbaṃ tassa kālena, sace yāgu bhavissati.
2473.
2473.
яааг̇у д̇ассубанзд̇аб̣б̣аа, сан̇гхад̇о гулад̇оби ваа;
Yāgu tassupanetabbā, saṅghato kulatopi vā;
бад̇д̇з вад̇д̇ан̃жа гаад̇аб̣б̣ам̣, вад̇д̇ам̣ г̇аамаббавзсанз.
Patte vattañca kātabbaṃ, vattaṃ gāmappavesane.
2474.
2474.
жийварз яаани вад̇д̇аани, вуд̇д̇аани хи махзсинаа;
Cīvare yāni vattāni, vuttāni hi mahesinā;
сзнаасанз д̇ат̇аа баад̣̇а-бийтагат̇алигаад̣̇ису.
Senāsane tathā pāda-pīṭhakathalikādisu.
2475.
2475.
звамаад̣̇ийни вад̇д̇аани, саб̣б̣аани бана рог̇ад̇о;
Evamādīni vattāni, sabbāni pana rogato;
вудтаанааг̇амананд̇аани, сад̇д̇ад̇им̣сасад̇ам̣ сияум̣.
Vuṭṭhānāgamanantāni, sattatiṃsasataṃ siyuṃ.
2476.
2476.
вад̇д̇абхзд̣̇зна саб̣б̣ад̇т̇а, д̣̇уггадам̣ д̇у багаасид̇ам̣;
Vattabhedena sabbattha, dukkaṭaṃ tu pakāsitaṃ;
анаад̣̇аравасзнзва, агаронд̇асса бхигкуно.
Anādaravaseneva, akarontassa bhikkhuno.
убаж̇жхааяаажарияавад̇д̇агат̇аа.
Upajjhāyācariyavattakathā.
2477.
2477.
убаж̇жхааяасса вад̇д̇аани, д̇ат̇аа сад̣̇д̇хивихааригз;
Upajjhāyassa vattāni, tathā saddhivihārike;
сад̇ам̣ д̇зраса хонд̇зва, д̇ат̇аанд̇зваасигзби жа.
Sataṃ terasa honteva, tathāntevāsikepi ca.
сад̣̇д̇хивихаариганд̇зваасигавад̇д̇агат̇аа.
Saddhivihārikantevāsikavattakathā.
2478.
2478.
багганд̇з вааби виб̣бханд̇з, багкасан̇ганд̇агз мад̇з;
Pakkante vāpi vibbhante, pakkhasaṅkantake mate;
аан̣ад̇д̇ияаа убаж̇жхааяаа, бассамбхад̇и жа ниссаяо.
Āṇattiyā upajjhāyā, passambhati ca nissayo.
2479.
2479.
ход̇и аажарияамхааби, чад̇хаа ниссаяабхзд̣̇анам̣;
Hoti ācariyamhāpi, chadhā nissayabhedanaṃ;
багганд̇з вааби виб̣бханд̇з, багкасан̇ганд̇агз мад̇з.
Pakkante vāpi vibbhante, pakkhasaṅkantake mate.
2480.
2480.
аан̣ад̇д̇ияам̣ убхиннамби, д̇хуранигкзбанзби жа;
Āṇattiyaṃ ubhinnampi, dhuranikkhepanepi ca;
згзгасса убхиннам̣ ваа, наалаяз сад̇и бхиж̇ж̇ад̇и.
Ekekassa ubhinnaṃ vā, nālaye sati bhijjati.
2481.
2481.
убаж̇жхааяасамод̇хаана-г̇ад̇ассааби жа бхиж̇ж̇ад̇и;
Upajjhāyasamodhāna-gatassāpi ca bhijjati;
д̣̇ассанам̣ саванан̃жаад̇и, самод̇хаанам̣ д̣̇вид̇хаа мад̇ам̣.
Dassanaṃ savanañcāti, samodhānaṃ dvidhā mataṃ.
2482.
2482.
ад̣̇д̇хигасса г̇илаанасса, г̇илаанубадтагасса жа;
Addhikassa gilānassa, gilānupaṭṭhakassa ca;
яаажид̇асса на д̣̇осова, васид̇ум̣ ниссаяам̣ винаа.
Yācitassa na dosova, vasituṃ nissayaṃ vinā.
2483.
2483.
ж̇аанад̇аа ад̇д̇ано жзва, ванз паасувихаарад̇ам̣;
Jānatā attano ceva, vane phāsuvihārataṃ;
сабхааг̇з д̣̇ааяагзсанд̇з, васид̇умби жа ваддад̇и.
Sabhāge dāyakesante, vasitumpi ca vaṭṭati.
ниссаяабадиббассамбханагат̇аа.
Nissayapaṭippassambhanakathā.
2484.
2484.
гудтим̣ г̇ан̣д̣им̣ гилаасин̃жа, сосин̃жа абамааригам̣;
Kuṭṭhiṃ gaṇḍiṃ kilāsiñca, sosiñca apamārikaṃ;
д̇ат̇аа рааж̇абхадам̣ жорам̣, ликид̇ам̣ гаарабхзд̣̇агам̣.
Tathā rājabhaṭaṃ coraṃ, likhitaṃ kārabhedakaṃ.
2485.
2485.
гасаахад̇ам̣ наран̃жзва, бурисам̣ лагкан̣аахад̇ам̣;
Kasāhataṃ narañceva, purisaṃ lakkhaṇāhataṃ;
ин̣ааяиган̃жа д̣̇аасан̃жа, баб̣б̣ааж̇знд̇асса д̣̇уггадам̣.
Iṇāyikañca dāsañca, pabbājentassa dukkaṭaṃ.
2486.
2486.
хад̇т̇ажчиннамал̣ажчиннам̣, баад̣̇ажчиннан̃жа буг̇г̇алам̣;
Hatthacchinnamaḷacchinnaṃ, pādacchinnañca puggalaṃ;
ган̣н̣анаасан̇г̇улижчиннам̣, ган̣д̣аражчиннамзва жа.
Kaṇṇanāsaṅgulicchinnaṃ, kaṇḍaracchinnameva ca.
2487.
2487.
гаан̣ам̣ гун̣ин̃жа куж̇ж̇ан̃жа, вааманам̣ пан̣ахад̇т̇агам̣;
Kāṇaṃ kuṇiñca khujjañca, vāmanaṃ phaṇahatthakaṃ;
кан̃ж̇ам̣ багкахад̇ан̃жзва, сийбад̣̇им̣ баабарог̇инам̣.
Khañjaṃ pakkhahatañceva, sīpadiṃ pāparoginaṃ.
2488.
2488.
ж̇арааяа д̣̇уб̣б̣алам̣ анд̇хам̣, б̣ад̇хиран̃жзва мамманам̣;
Jarāya dubbalaṃ andhaṃ, badhirañceva mammanaṃ;
бийтасаббим̣ д̇ат̇аа мууг̇ам̣, баб̣б̣ааж̇знд̇асса д̣̇уггадам̣.
Pīṭhasappiṃ tathā mūgaṃ, pabbājentassa dukkaṭaṃ.
2489.
2489.
ад̇ид̣̇ийгход̇ирассо ваа, ад̇игаалоби ваа д̇ат̇аа;
Atidīghotirasso vā, atikālopi vā tathā;
ажжод̣̇аад̇оби ваа мадта-д̇амб̣алоханид̣̇ассано.
Accodātopi vā maṭṭha-tambalohanidassano.
2490.
2490.
ад̇ит̇ууло ад̇игиссо, махаасийсоби ваа д̇ат̇аа;
Atithūlo atikisso, mahāsīsopi vā tathā;
ад̇икуд̣̇д̣̇агасийсзна, сахид̇зна яуд̇д̇оби ваа.
Atikhuddakasīsena, sahitena yuttopi vā.
2491.
2491.
гудагудагасийсо ваа, д̇ат̇аа сикарасийсаго;
Kuṭakuṭakasīso vā, tathā sikharasīsako;
взл̣унаал̣исамаанзна, сийсзна жа яуд̇о наро.
Veḷunāḷisamānena, sīsena ca yuto naro.
2492.
2492.
габбасийсоби баб̣бхаара-сийсо ваа ван̣асийсаго;
Kappasīsopi pabbhāra-sīso vā vaṇasīsako;
д̇ат̇аа ган̣н̣игагзсо ваа, т̇уулагзсоби ваа д̇ат̇аа.
Tathā kaṇṇikakeso vā, thūlakesopi vā tathā.
2493.
2493.
бууд̇инилломасийсо ваа, ж̇аад̇ибан̣д̣арагзсаго;
Pūtinillomasīso vā, jātipaṇḍarakesako;
ж̇аад̇ияаа д̇амб̣агзсо ваа, д̇ат̇звааваддасийсаго.
Jātiyā tambakeso vā, tathevāvaṭṭasīsako.
2494.
2494.
сийсаломзгаб̣ад̣̇д̇хзхи, бхамугзхи яуд̇оби ваа;
Sīsalomekabaddhehi, bhamukehi yutopi vā;
самб̣ад̣̇д̇хабхамуго вааби, нилломабхамугоби ваа.
Sambaddhabhamuko vāpi, nillomabhamukopi vā.
2495.
2495.
маханд̇акуд̣̇д̣̇анзд̇д̇о ваа, д̇ат̇аа висамаложано;
Mahantakhuddanetto vā, tathā visamalocano;
гзгаро вааби г̇амбхийра-нзд̇д̇о висамажаггало.
Kekaro vāpi gambhīra-netto visamacakkalo.
2496.
2496.
ж̇ад̇умуусигаган̣н̣о ваа, хад̇т̇иган̣н̣оби ваа бана;
Jatumūsikakaṇṇo vā, hatthikaṇṇopi vā pana;
чид̣̇д̣̇амад̇д̇агаган̣н̣о ваа, д̇ат̇зваавид̣̇д̇хаган̣н̣аго.
Chiddamattakakaṇṇo vā, tathevāviddhakaṇṇako.
2497.
2497.
д̇ат̇аа дан̇гид̇аган̣н̣о ваа, бууд̇иган̣н̣оби ваа бана;
Tathā ṭaṅkitakaṇṇo vā, pūtikaṇṇopi vā pana;
яонагаад̣̇иббабхзд̣̇оби, нааяам̣ барисад̣̇уусаго.
Yonakādippabhedopi, nāyaṃ parisadūsako.
2498.
2498.
ад̇ибин̇г̇аланзд̇д̇о ваа, д̇ат̇аа ниббакумагки ваа;
Atipiṅgalanetto vā, tathā nippakhumakkhi vā;
ассубаг̇гхаранзд̇д̇о ваа, баггабубпид̇аложано.
Assupaggharanetto vā, pakkapupphitalocano.
2499.
2499.
д̇ат̇зва жа махаанаасо, ад̇икуд̣̇д̣̇аганаасиго;
Tatheva ca mahānāso, atikhuddakanāsiko;
д̇ат̇аа жибиданаасо ваа, наро гудиланаасиго.
Tathā cipiṭanāso vā, naro kuṭilanāsiko.
2500.
2500.
нижжависсаванаасо ваа, яо ваа бана махаамуко;
Niccavissavanāso vā, yo vā pana mahāmukho;
ван̇габхиннамуко вааби, махааодтоби ваа бана.
Vaṅkabhinnamukho vāpi, mahāoṭṭhopi vā pana.
2501.
2501.
д̇ат̇аа д̇анугаодто ваа, вибулуд̇д̇араодтаго;
Tathā tanukaoṭṭho vā, vipuluttaraoṭṭhako;
одтачинноби уббагга-муко зл̣амукоби ваа.
Oṭṭhachinnopi uppakka-mukho eḷamukhopi vā.
2502.
2502.
сан̇кад̇ун̣д̣оби д̣̇уг̇г̇анд̇ха-муко ваа бана буг̇г̇ало;
Saṅkhatuṇḍopi duggandha-mukho vā pana puggalo;
махаад̣̇анд̇оби ажжанд̇ам̣, д̇ат̇аа асурад̣̇анд̇аго.
Mahādantopi accantaṃ, tathā asuradantako.
2503.
2503.
хздтаа убарид̇о вааби, б̣ахинигканд̇ад̣̇анд̇аго;
Heṭṭhā uparito vāpi, bahinikkhantadantako;
ад̣̇анд̇о бууд̇ид̣̇анд̇о ваа, ад̇икуд̣̇д̣̇агад̣̇анд̇аго.
Adanto pūtidanto vā, atikhuddakadantako.
2504.
2504.
яасса д̣̇анд̇анд̇арз д̣̇анд̇о, гаал̣агад̣̇анд̇асаннибхо;
Yassa dantantare danto, kāḷakadantasannibho;
сукумова тид̇о, д̇ам̣ жз, баб̣б̣ааж̇зд̇умби ваддад̇и.
Sukhumova ṭhito, taṃ ce, pabbājetumpi vaṭṭati.
2505.
2505.
яо махаахануго босо;
Yo mahāhanuko poso;
д̣̇ийгхзна ханунаа яуд̇о;
Dīghena hanunā yuto;
жибидахануго вааби;
Cipiṭahanuko vāpi;
рассзна ханунаа яуд̇о.
Rassena hanunā yuto.
2506.
2506.
ниммассуд̣̇аатиго вааби, ад̇ид̣̇ийгхаг̇алоби ваа;
Nimmassudāṭhiko vāpi, atidīghagalopi vā;
ад̇ирассаг̇алоби ваа, бхиннаг̇ан̣тиг̇алоби ваа.
Atirassagalopi vā, bhinnagaṇṭhigalopi vā.
2507.
2507.
д̇ат̇аа бхадтам̣сагуудо ваа, бхиннабидтиуроби ваа;
Tathā bhaṭṭhaṃsakūṭo vā, bhinnapiṭṭhiuropi vā;
суд̣̇ийгхарассахад̇т̇о ваа, гажчуган̣д̣усамааяуд̇о.
Sudīgharassahattho vā, kacchukaṇḍusamāyuto.
2508.
2508.
махаанисад̣̇амам̣со ваа, уд̣̇д̇ханаг̇г̇убамааяуд̇о;
Mahānisadamaṃso vā, uddhanaggupamāyuto;
ваад̇ан̣д̣иго махааууру, сан̇гхадданагаж̇аан̣уго.
Vātaṇḍiko mahāūru, saṅghaṭṭanakajāṇuko.
2509.
2509.
бхиннаж̇аан̣у махааж̇аан̣у, д̣̇ийгхаж̇ан̇гхо виж̇ан̇гхаго;
Bhinnajāṇu mahājāṇu, dīghajaṅgho vijaṅghako;
вигадо вааби бан̣хо ваа, д̇ат̇аа уб̣б̣ад̣̇д̇хабин̣д̣иго.
Vikaṭo vāpi paṇho vā, tathā ubbaddhapiṇḍiko.
2510.
2510.
яадтиж̇ан̇гхо махааж̇ан̇гхо, махаабаад̣̇оби яо наро;
Yaṭṭhijaṅgho mahājaṅgho, mahāpādopi yo naro;
д̇ат̇аа бидтигабаад̣̇о ваа, махаабан̣хиби ваа бана.
Tathā piṭṭhikapādo vā, mahāpaṇhipi vā pana.
2511.
2511.
ван̇габаад̣̇о наро яо ваа, г̇ан̣тиган̇г̇улигоби ваа;
Vaṅkapādo naro yo vā, gaṇṭhikaṅgulikopi vā;
яо бананд̇ханако вааби, гаал̣абууд̇инакоби жа.
Yo panandhanakho vāpi, kāḷapūtinakhopi ca.
2512.
2512.
ижжзвамаад̣̇игам̣ ган̃жи, нарам̣ барисад̣̇уусагам̣;
Iccevamādikaṃ kañci, naraṃ parisadūsakaṃ;
баб̣б̣ааж̇знд̇асса бхигкусса, ход̇и аабад̇д̇и д̣̇уггадам̣.
Pabbājentassa bhikkhussa, hoti āpatti dukkaṭaṃ.
барисад̣̇уусагагат̇аа.
Parisadūsakakathā.
2513.
2513.
‘‘сааман̣зраж̇ж̇а маа каад̣̇а, маа бхун̃ж̇а жа биваа’’д̇и жа;
‘‘Sāmaṇerajja mā khāda, mā bhuñja ca pivā’’ti ca;
ниваарзнд̇асса аахаарам̣, ход̇и аабад̇д̇и д̣̇уггадам̣.
Nivārentassa āhāraṃ, hoti āpatti dukkaṭaṃ.
2514.
2514.
‘‘ниваарзссаами аахаара’’-мид̇и ваа бад̇д̇ажийварам̣;
‘‘Nivāressāmi āhāra’’-miti vā pattacīvaraṃ;
анд̇о нигкибад̇о саб̣б̣а-баяог̇зсуби д̣̇уггадам̣.
Anto nikkhipato sabba-payogesupi dukkaṭaṃ.
2515.
2515.
д̣̇уб̣б̣ажасааман̣зрасса, анаажаарасса гзвалам̣;
Dubbacasāmaṇerassa, anācārassa kevalaṃ;
д̣̇ан̣д̣агаммам̣ хавз гад̇ваа, хид̇агаамзна бхигкунаа.
Daṇḍakammaṃ have katvā, hitakāmena bhikkhunā.
2516.
2516.
яааг̇ум̣ ваа бана бхад̇д̇ам̣ ваа, д̣̇ассзд̇ваа гира бхаасид̇ум̣;
Yāguṃ vā pana bhattaṃ vā, dassetvā kira bhāsituṃ;
‘‘аахадз д̣̇ан̣д̣агаммз д̇вам̣, лажчасийд̣̇а’’нд̇и ваддад̇и.
‘‘Āhaṭe daṇḍakamme tvaṃ, lacchasīda’’nti vaṭṭati.
2517.
2517.
абараад̇хаануруубзна , д̣̇ан̣д̣агаммам̣ д̇у гаараяз;
Aparādhānurūpena , daṇḍakammaṃ tu kāraye;
ваалигаасалилаад̣̇ийна-маахараабанамзва д̇ам̣.
Vālikāsalilādīna-māharāpanameva taṃ.
2518.
2518.
сийсз ваа нигкибаабзд̇ум̣, баасаан̣аад̣̇ийни гаанижи;
Sīse vā nikkhipāpetuṃ, pāsāṇādīni kānici;
нибаж̇ж̇аабзд̇умун̣хз ваа, баасаан̣з бхуумияааби ваа.
Nipajjāpetumuṇhe vā, pāsāṇe bhūmiyāpi vā.
2519.
2519.
уд̣̇агам̣ ваа бавзсзд̇ум̣, на жа ваддад̇и бхигкуно;
Udakaṃ vā pavesetuṃ, na ca vaṭṭati bhikkhuno;
ид̇хааваран̣амад̇д̇ам̣ д̇у, д̣̇ан̣д̣агаммам̣ багаасид̇ам̣.
Idhāvaraṇamattaṃ tu, daṇḍakammaṃ pakāsitaṃ.
нивааран̣агат̇аа.
Nivāraṇakathā.
2520.
2520.
багкобаггамигаасид̇д̇аа, жад̇уд̇т̇о банусууяаго;
Pakkhopakkamikāsittā, catuttho panusūyako;
набум̣сагзна бан̃жзд̇з, бан̣д̣агаа барид̣̇ийбид̇аа.
Napuṃsakena pañcete, paṇḍakā paridīpitā.
2521.
2521.
д̇зсу аасид̇д̇усууяаанам̣, баб̣б̣аж̇ж̇аа на ниваарид̇аа;
Tesu āsittusūyānaṃ, pabbajjā na nivāritā;
ид̇арзсам̣ д̇у д̇ин̣н̣амби, бан̣д̣агаанам̣ ниваарид̇аа.
Itaresaṃ tu tiṇṇampi, paṇḍakānaṃ nivāritā.
2522.
2522.
ваарид̇аа яасса баб̣б̣аж̇ж̇аа, наасзд̇аб̣б̣од̇и со мад̇о;
Vāritā yassa pabbajjā, nāsetabboti so mato;
д̇ивид̇хз бана д̇з н̃ад̇ваа, баб̣б̣ааж̇знд̇асса д̣̇уггадам̣.
Tividhe pana te ñatvā, pabbājentassa dukkaṭaṃ.
бан̣д̣агагат̇аа.
Paṇḍakakathā.
2523.
2523.
лин̇г̇ад̇т̇зно жа сам̣вааса-д̇т̇зно д̇ад̣̇убхаяасса жа;
Liṅgattheno ca saṃvāsa-ttheno tadubhayassa ca;
т̇зяяасам̣ваасаго наама, д̇ивид̇хоби бавужжад̇и.
Theyyasaṃvāsako nāma, tividhopi pavuccati.
2524.
2524.
саяамзва жа яо д̇ад̇т̇а, баб̣б̣аж̇ид̇ваа на г̇ан̣хад̇и;
Sayameva ca yo tattha, pabbajitvā na gaṇhati;
бхигкувассаани ваа нзва, яат̇аавуд̣дхамби ванд̣̇анам̣.
Bhikkhuvassāni vā neva, yathāvuḍḍhampi vandanaṃ.
2525.
2525.
лин̇г̇ад̇т̇зно аяам̣ лин̇г̇а-мад̇д̇асса т̇знад̇о сияаа;
Liṅgattheno ayaṃ liṅga-mattassa thenato siyā;
яо жа баб̣б̣аж̇ид̇о худ̇ваа, бхигкувассаани г̇ан̣хад̇и.
Yo ca pabbajito hutvā, bhikkhuvassāni gaṇhati.
2526.
2526.
сам̣ваасам̣ саад̣̇ияанд̇ова, сам̣ваасад̇т̇знаго мад̇о;
Saṃvāsaṃ sādiyantova, saṃvāsatthenako mato;
убхаяад̇т̇знаго вуд̇д̇а-наяоязва, яат̇ааха жа.
Ubhayatthenako vutta-nayoyeva, yathāha ca.
2527.
2527.
‘‘рааж̇ад̣̇уб̣бхигкаганд̇аара-рог̇авзрибхаязхи ваа;
‘‘Rājadubbhikkhakantāra-rogaveribhayehi vā;
жийвараахаран̣ад̇т̇ам̣ ваа, лин̇г̇амаад̣̇ияад̇ийд̇ха яо.
Cīvarāharaṇatthaṃ vā, liṅgamādiyatīdha yo.
2528.
2528.
сам̣ваасам̣ наад̇хиваасзд̇и, яаава со суд̣̇д̇хамаанасо;
Saṃvāsaṃ nādhivāseti, yāva so suddhamānaso;
т̇зяяасам̣ваасаго наама, д̇аава зса на вужжад̇и’’.
Theyyasaṃvāsako nāma, tāva esa na vuccati’’.
т̇зяяасам̣ваасагагат̇аа.
Theyyasaṃvāsakakathā.
2529.
2529.
‘‘д̇ид̇т̇ияохам̣ бхависса’’нд̇и, убасамбаннабхигку жз;
‘‘Titthiyohaṃ bhavissa’’nti, upasampannabhikkhu ce;
салин̇г̇знзва яо яаад̇и, д̇ид̇т̇ияаанамубассаяам̣.
Saliṅgeneva yo yāti, titthiyānamupassayaṃ.
2530.
2530.
г̇ажчад̇о бад̣̇аваарзна, ход̇и аабад̇д̇и д̣̇уггадам̣;
Gacchato padavārena, hoti āpatti dukkaṭaṃ;
ход̇и д̇ид̇т̇ияабагганд̇о, лин̇г̇з д̇зсам̣ д̇у ниссид̇з.
Hoti titthiyapakkanto, liṅge tesaṃ tu nissite.
2531.
2531.
‘‘д̇ид̇т̇ияохам̣ бхависса’’нд̇и, гусажийраад̣̇игам̣ бана;
‘‘Titthiyohaṃ bhavissa’’nti, kusacīrādikaṃ pana;
саяамзва ниваасзд̇и, соби багганд̇аго сияаа.
Sayameva nivāseti, sopi pakkantako siyā.
2532.
2532.
наг̇г̇о ааж̇ийвагаад̣̇ийнам̣, г̇анд̇ваа д̇зсам̣ убассаяам̣;
Naggo ājīvakādīnaṃ, gantvā tesaṃ upassayaṃ;
лун̃жаабзд̇и сажз гзсз, вад̇д̇аанаад̣̇ияад̇ийд̇ха ваа.
Luñcāpeti sace kese, vattānādiyatīdha vā.
2533.
2533.
морабин̃чаад̣̇игам̣ д̇зсам̣, лин̇г̇ам̣ г̇ан̣хаад̇и ваа сажз;
Morapiñchādikaṃ tesaṃ, liṅgaṃ gaṇhāti vā sace;
саарад̇о жзва ваа д̇зсам̣, баб̣б̣аж̇ж̇ам̣ лад̣̇д̇химзва ваа.
Sārato ceva vā tesaṃ, pabbajjaṃ laddhimeva vā.
2534.
2534.
ход̇и д̇ид̇т̇ияабагганд̇о, на банзса вимужжад̇и;
Hoti titthiyapakkanto, na panesa vimuccati;
наг̇г̇асса г̇ажчад̇о вуд̇д̇ам̣, бад̣̇аваарзна д̣̇уггадам̣.
Naggassa gacchato vuttaṃ, padavārena dukkaṭaṃ.
2535.
2535.
вуд̇д̇о анубасамбанна-васзна т̇зяяаваасаго;
Vutto anupasampanna-vasena theyyavāsako;
д̇ат̇аа д̇ид̇т̇ияабагганд̇о, убасамбаннабхигкунаа.
Tathā titthiyapakkanto, upasampannabhikkhunā.
д̇ид̇т̇ияабагганд̇агат̇аа.
Titthiyapakkantakathā.
2536.
2536.
нааг̇о вааби субан̣н̣о ваа, яагко саггоби ваа ид̇ха;
Nāgo vāpi supaṇṇo vā, yakkho sakkopi vā idha;
д̇иражчаанаг̇ад̇о вуд̇д̇о, баб̣б̣ааж̇зд̇ум̣ на ваддад̇и.
Tiracchānagato vutto, pabbājetuṃ na vaṭṭati.
д̇иражчаанагат̇аа.
Tiracchānakathā.
2537.
2537.
бан̃жаананд̇аригз босз, баб̣б̣ааж̇знд̇асса д̣̇уггадам̣;
Pañcānantarike pose, pabbājentassa dukkaṭaṃ;
убхад̇об̣яан̃ж̇анан̃жзва, д̇ат̇аа бхигкунид̣̇уусагам̣.
Ubhatobyañjanañceva, tathā bhikkhunidūsakaṃ.
2538.
2538.
згад̇оубасамбаннам̣, бхигкунийнам̣ д̇у санд̇игз;
Ekatoupasampannaṃ, bhikkhunīnaṃ tu santike;
д̣̇уусзд̇ваа бана со нзва, бхигкунийд̣̇уусаго сияаа.
Dūsetvā pana so neva, bhikkhunīdūsako siyā.
2539.
2539.
сажз анубасамбанна-д̣̇уусаго убасамбад̣̇ам̣;
Sace anupasampanna-dūsako upasampadaṃ;
лабхад̇зва жа баб̣б̣аж̇ж̇ам̣, саа жа нзва барааж̇ид̇аа.
Labhateva ca pabbajjaṃ, sā ca neva parājitā.
згаад̣̇асаабхаб̣б̣абуг̇г̇алагат̇аа.
Ekādasaabhabbapuggalakathā.
2540.
2540.
нуубасамбаад̣̇анийяова , анубаж̇жхааяаго наро;
Nūpasampādanīyova , anupajjhāyako naro;
гарод̇о д̣̇уггадам̣ ход̇и, на губбад̇и сажз гад̇ам̣.
Karoto dukkaṭaṃ hoti, na kuppati sace kataṃ.
2541.
2541.
губбад̇ийд̇и вад̣̇анд̇згз, на г̇ахзд̇аб̣б̣амзва д̇ам̣;
Kuppatīti vadanteke, na gahetabbameva taṃ;
сзсзсуби аяам̣ н̃зяяо, наяо саб̣б̣ад̇т̇а вин̃н̃унаа.
Sesesupi ayaṃ ñeyyo, nayo sabbattha viññunā.
2542.
2542.
убасамбад̣̇агаммасса, абхаб̣б̣аа бан̃жавийсад̇и;
Upasampadakammassa, abhabbā pañcavīsati;
аж̇аанид̇ваа гад̇о жааби, осааро наасанаарахо.
Ajānitvā kato cāpi, osāro nāsanāraho.
2543.
2543.
хад̇т̇ажчиннаад̣̇иб̣аад̇д̇им̣са, гудтиаад̣̇и жа д̇зраса;
Hatthacchinnādibāttiṃsa, kuṭṭhiādi ca terasa;
абад̇д̇о д̇зсамосааро, гад̇о жз бана руухад̇и.
Apatto tesamosāro, kato ce pana rūhati.
2544.
2544.
згуубаж̇жхааяаго ход̇и;
Ekūpajjhāyako hoti;
хонд̇и аажарияаа д̇аяо;
Honti ācariyā tayo;
убасамбад̣̇аабзгкаа жа;
Upasampadāpekkhā ca;
хонд̇и д̣̇вз ваа д̇аяоби ваа.
Honti dve vā tayopi vā.
2545.
2545.
д̇ийхи аажариязхзва, згад̇о анусааванам̣;
Tīhi ācariyeheva, ekato anusāvanaṃ;
осаарзд̇ваа гад̇ам̣ гаммам̣, на жа губбад̇и габбад̇и.
Osāretvā kataṃ kammaṃ, na ca kuppati kappati.
2546.
2546.
згуубаж̇жхааяаго ход̇и;
Ekūpajjhāyako hoti;
аажарияоби д̇ат̇згад̇о;
Ācariyopi tathekato;
убасамбад̣̇аабзгкаа жа;
Upasampadāpekkhā ca;
хонд̇и д̣̇вз ваа д̇аяоби ваа.
Honti dve vā tayopi vā.
2547.
2547.
анубуб̣б̣зна саавзд̇ваа, д̇зсам̣ наамам̣ д̇у д̇зна жа;
Anupubbena sāvetvā, tesaṃ nāmaṃ tu tena ca;
згад̇о анусаавзд̇ваа, гад̇амби жа на губбад̇и.
Ekato anusāvetvā, katampi ca na kuppati.
2548.
2548.
наанубаж̇жхааяагзнааби, наанаажарияагзна жа;
Nānupajjhāyakenāpi, nānācariyakena ca;
ан̃н̃аман̃н̃аанусаавзд̇ваа, гад̇ам̣ гамман̃жа ваддад̇и.
Aññamaññānusāvetvā, kataṃ kammañca vaṭṭati.
2549.
2549.
сумано д̇иссат̇зрасса, анусаавзд̇и сиссагам̣;
Sumano tissatherassa, anusāveti sissakaṃ;
д̇иссо суманат̇зрасса, анусаавзд̇и сиссагам̣.
Tisso sumanatherassa, anusāveti sissakaṃ.
2550.
2550.
наанубаж̇жхааяагзнзва, згаажарияагзнид̇ха;
Nānupajjhāyakeneva, ekācariyakenidha;
убасамбад̣̇аа бадигкид̇д̇аа, б̣уд̣̇д̇хзнаад̣̇ижжаб̣анд̇хунаа.
Upasampadā paṭikkhittā, buddhenādiccabandhunā.
махааканд̇хагагат̇аа.
Mahākhandhakakathā.
