| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. পথৰীসুত্তং
5. Pathavīsuttaṃ
৭৮. সাৰত্থিযং ৰিহরতি…পে॰… ‘‘সেয্যথাপি , ভিক্খৰে, পুরিসো মহাপথৰিযা সত্ত কোলট্ঠিমত্তিযো গুল়িকা উপনিক্খিপেয্য। তং কিং মঞ্ঞথ, ভিক্খৰে, কতমং নু খো বহুতরং, যা ৰা সত্ত কোলট্ঠিমত্তিযো গুল়িকা উপনিক্খিত্তা অযং 1 ৰা মহাপথৰী’’তি?
78. Sāvatthiyaṃ viharati…pe… ‘‘seyyathāpi , bhikkhave, puriso mahāpathaviyā satta kolaṭṭhimattiyo guḷikā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ, yā vā satta kolaṭṭhimattiyo guḷikā upanikkhittā ayaṃ 2 vā mahāpathavī’’ti?
‘‘এতদেৰ, ভন্তে, বহুতরং, যদিদং মহাপথৰী; অপ্পমত্তিকা সত্ত কোলট্ঠিমত্তিযো গুল়িকা উপনিক্খিত্তা। নেৰ সতিমং কলং উপেন্তি ন সহস্সিমং কলং উপেন্তি ন সতসহস্সিমং কলং উপেন্তি মহাপথৰিং উপনিধায সত্ত কোলট্ঠিমত্তিযো গুল়িকা উপনিক্খিত্তা’’তি। ‘‘এৰমেৰ খো, ভিক্খৰে…পে॰… ধম্মচক্খুপটিলাভো’’তি। পঞ্চমং।
‘‘Etadeva, bhante, bahutaraṃ, yadidaṃ mahāpathavī; appamattikā satta kolaṭṭhimattiyo guḷikā upanikkhittā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāpathaviṃ upanidhāya satta kolaṭṭhimattiyo guḷikā upanikkhittā’’ti. ‘‘Evameva kho, bhikkhave…pe… dhammacakkhupaṭilābho’’ti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. পথৰীসুত্তাদিৰণ্ণনা • 5. Pathavīsuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পথৰীসুত্তাদিৰণ্ণনা • 4. Pathavīsuttādivaṇṇanā
