| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. ပဌမဝိဘင္ဂသုတ္တဝဏ္ဏနာ
6. Paṭhamavibhaṅgasuttavaṇṇanā
၅၀၆. ကာယိကန္တိ အယမသ္သ နိသ္သယဝသေန နိဒ္ဒေသောတိ အာဟ – ‘‘ကာယပသာဒဝတ္ထုက’’န္တိ။ သရူပနိဒ္ဒေသော သုခံ သုခိန္ဒ္ရိယသ္သ သရူပန္တိ။ သာဒနီယဋ္ဌေန ဓမ္မပဒာနိ အတ္တနိ အသ္သာဒယတီတိ သာတံ, မဓုရံ။ ဝေဒယိတန္တိ ဝေဒိယနံ, အနုဘဝနန္တိ အတ္ထော။ အညဓမ္မဝိသိဋ္ဌောတိ ဖသ္သာဒီဟိ အညေဟိ ဓမ္မေဟိ ဝိသဒိသော။ ကာယိကန္တိ ပသာဒကာယသန္နိသ္သိတံ။ စေတသိကန္တိ စေတောသန္နိသ္သိတံ, တေန ဝုတ္တံ ‘‘ဧတ္ထ ပနာ’’တိအာဒိ။ ကာယပသာဒ။ပေ.။ နတ္ထိ, တသ္မာ ‘‘စတ္တာရော ပသာဒကာယေ ဝတ္ထုံ ကတ္ဝာ’’တိ ဝုတ္တံ။
506.Kāyikanti ayamassa nissayavasena niddesoti āha – ‘‘kāyapasādavatthuka’’nti. Sarūpaniddeso sukhaṃ sukhindriyassa sarūpanti. Sādanīyaṭṭhena dhammapadāni attani assādayatīti sātaṃ, madhuraṃ. Vedayitanti vediyanaṃ, anubhavananti attho. Aññadhammavisiṭṭhoti phassādīhi aññehi dhammehi visadiso. Kāyikanti pasādakāyasannissitaṃ. Cetasikanti cetosannissitaṃ, tena vuttaṃ ‘‘ettha panā’’tiādi. Kāyapasāda…pe… natthi, tasmā ‘‘cattāro pasādakāye vatthuṃ katvā’’ti vuttaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. ပဌမဝိဘင္ဂသုတ္တံ • 6. Paṭhamavibhaṅgasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ပဌမဝိဘင္ဂသုတ္တဝဏ္ဏနာ • 6. Paṭhamavibhaṅgasuttavaṇṇanā
