| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ကဋ္ဌောပမသုတ္တဝဏ္ဏနာ
9. Kaṭṭhopamasuttavaṇṇanā
၅၀၉. ဒ္ဝိန္နံ အရဏီနန္တိ အဓရုတ္တရာရဏီနံ။ ကိဉ္စိ ဒ္ဝယံ သင္ဃဋ္ဋိတမတ္တံ ဟုတ္ဝာ န သမောဓာနဂတံ ဟောတီတိ တံနိဝတ္တနတ္ထံ ‘‘သင္ဃဋ္ဋနသမောဓာနာ’’တိ ဝုတ္တံ။ ပုနပ္ပုနံ သင္ဃဋ္ဋနေန ဟိ တေဇောပာတုဘာဝော။ အဓရာရဏီ ဝိယ ဝတ္ထာရမ္မဏံ အသတိပိ ဝာယာမေ တဇ္ဇသမ္ဖသ္သပစ္စယတော။ ဥတ္တရာရဏီ ဝိယ ဖသ္သော ဝတ္ထာရမ္မဏာဒိဖသ္သေန ပဝတ္တနတော။ သင္ဃဋ္ဋော ဝိယ ဖသ္သသင္ဃဋ္ဋနံ အရဏိဒ္ဝယသင္ဃဋ္ဋနာ ဝိယ ဖသ္သသ္သေဝ ဝတ္ထာရမ္မဏေသု သင္ဃဋ္ဋနာကာရေန ပဝတ္တိတော။ အဂ္ဂိ ဝိယ ဝေဒနာ အနုဒဟနဋ္ဌေန ခဏိကာဝာယဉ္စ။ ဝတ္ထာရမ္မဏံ ဝာ ဥတ္တရာရဏီ ဝိယ ဣန္ဓနာပာတဂဟဏာဒီသု ဥသ္သာဟသ္သ ဝိယ ပဝတ္တိသမ္ဘဝတော။ ဖသ္သော အဓရာရဏီ ဝိယ နိရုသ္သာဟနိရီဟတာဝသေန အတ္တသာဓနတော။
509.Dvinnaṃaraṇīnanti adharuttarāraṇīnaṃ. Kiñci dvayaṃ saṅghaṭṭitamattaṃ hutvā na samodhānagataṃ hotīti taṃnivattanatthaṃ ‘‘saṅghaṭṭanasamodhānā’’ti vuttaṃ. Punappunaṃ saṅghaṭṭanena hi tejopātubhāvo. Adharāraṇī viya vatthārammaṇaṃ asatipi vāyāme tajjasamphassapaccayato. Uttarāraṇī viya phasso vatthārammaṇādiphassena pavattanato. Saṅghaṭṭo viya phassasaṅghaṭṭanaṃ araṇidvayasaṅghaṭṭanā viya phassasseva vatthārammaṇesu saṅghaṭṭanākārena pavattito. Aggi viya vedanā anudahanaṭṭhena khaṇikāvāyañca. Vatthārammaṇaṃ vā uttarāraṇī viya indhanāpātagahaṇādīsu ussāhassa viya pavattisambhavato. Phasso adharāraṇī viya nirussāhanirīhatāvasena attasādhanato.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ကဋ္ဌောပမသုတ္တံ • 9. Kaṭṭhopamasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ကဋ္ဌောပမသုတ္တဝဏ္ဏနာ • 9. Kaṭṭhopamasuttavaṇṇanā
