| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. ပဌမဝသသုတ္တံ
9. Paṭhamavasasuttaṃ
၄၀. ‘‘သတ္တဟိ , ဘိက္ခဝေ, ဓမ္မေဟိ သမန္နာဂတော ဘိက္ခု စိတ္တံ ဝသေ 1 ဝတ္တေတိ, နော စ ဘိက္ခု စိတ္တသ္သ ဝသေန ဝတ္တတိ။ ကတမေဟိ သတ္တဟိ? ဣဓ, ဘိက္ခဝေ, ဘိက္ခု သမာဓိကုသလော ဟောတိ, သမာဓိသ္သ သမာပတ္တိကုသလော ဟောတိ, သမာဓိသ္သ ဌိတိကုသလော ဟောတိ, သမာဓိသ္သ ဝုဋ္ဌာနကုသလော ဟောတိ, သမာဓိသ္သ ကလ္ယာဏကုသလော ဟောတိ, သမာဓိသ္သ ဂောစရကုသလော ဟောတိ, သမာဓိသ္သ အဘိနီဟာရကုသလော ဟောတိ။ ဣမေဟိ ခော, ဘိက္ခဝေ, သတ္တဟိ ဓမ္မေဟိ သမန္နာဂတော ဘိက္ခု စိတ္တံ ဝသေ ဝတ္တေတိ, နော စ ဘိက္ခု စိတ္တသ္သ ဝသေန ဝတ္တတီ’’တိ။ နဝမံ။
40. ‘‘Sattahi , bhikkhave, dhammehi samannāgato bhikkhu cittaṃ vase 2 vatteti, no ca bhikkhu cittassa vasena vattati. Katamehi sattahi? Idha, bhikkhave, bhikkhu samādhikusalo hoti, samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, samādhissa kalyāṇakusalo hoti, samādhissa gocarakusalo hoti, samādhissa abhinīhārakusalo hoti. Imehi kho, bhikkhave, sattahi dhammehi samannāgato bhikkhu cittaṃ vase vatteti, no ca bhikkhu cittassa vasena vattatī’’ti. Navamaṃ.
Footnotes:
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၁၁. ဒုတိယမိတ္တသုတ္တာဒိဝဏ္ဏနာ • 6-11. Dutiyamittasuttādivaṇṇanā
