| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. পঠমসরণানিসক্কসুত্তৰণ্ণনা
4. Paṭhamasaraṇānisakkasuttavaṇṇanā
১০২০. চতুত্থে ইধ মহানাম একচ্চো পুগ্গলোতি ইদং ন কেৰলং সরণানি এৰ অপাযতো মুত্তো, ইমেপি পুগ্গলা মুত্তাতি দস্সেতুং আরদ্ধং। মত্তসো নিজ্ঝানং খমন্তীতি পমাণেন চ ওলোকনং খমন্তি। ইমিনা ধম্মানুসারিমগ্গট্ঠপুগ্গলং দস্সেতি। অগন্তা নিরযন্তি মগ্গট্ঠপুগ্গলো হি অপাযতো পরিমুত্তোতি ৰা পরিমুচ্চিস্সতীতি ৰা ৰত্তুং ন ৰট্টতি, পরিমুচ্চতীতি পন ৰত্তুং ৰট্টতি। যস্মা চ পরিমুচ্চতি, তস্মা গন্তা নাম ন হোতীতি, ‘‘অগন্তা’’তি ৰুত্তো, ন গচ্ছতীতি অত্থো। সদ্ধামত্তং পেমমত্তন্তি ইমিনা সদ্ধানুসারিমগ্গট্ঠপুগ্গলং দস্সেতি। মহাসালাতি সমীপে ঠিতেৰ চত্তারো মহাসাররুক্খে দস্সেন্তো আহ। মরণকালে সিক্খং সমাদিযীতি মরণসমযে তীসু সিক্খাসু পরিপূরকারী অহোসীতি দস্সেতি।
1020. Catutthe idha mahānāma ekacco puggaloti idaṃ na kevalaṃ saraṇāni eva apāyato mutto, imepi puggalā muttāti dassetuṃ āraddhaṃ. Mattaso nijjhānaṃ khamantīti pamāṇena ca olokanaṃ khamanti. Iminā dhammānusārimaggaṭṭhapuggalaṃ dasseti. Agantā nirayanti maggaṭṭhapuggalo hi apāyato parimuttoti vā parimuccissatīti vā vattuṃ na vaṭṭati, parimuccatīti pana vattuṃ vaṭṭati. Yasmā ca parimuccati, tasmā gantā nāma na hotīti, ‘‘agantā’’ti vutto, na gacchatīti attho. Saddhāmattaṃ pemamattanti iminā saddhānusārimaggaṭṭhapuggalaṃ dasseti. Mahāsālāti samīpe ṭhiteva cattāro mahāsārarukkhe dassento āha. Maraṇakāle sikkhaṃ samādiyīti maraṇasamaye tīsu sikkhāsu paripūrakārī ahosīti dasseti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. পঠমসরণানিসক্কসুত্তং • 4. Paṭhamasaraṇānisakkasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পঠমসরণানিসক্কসুত্তৰণ্ণনা • 4. Paṭhamasaraṇānisakkasuttavaṇṇanā
