| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៦. បឋមសង្ឃិកចេតាបនសិក្ខាបទវណ្ណនា
6. Paṭhamasaṅghikacetāpanasikkhāpadavaṇṇanā
អញ្ញស្សត្ថាយ ទិន្នេនាតិ យំ ចេតាបេតិ, តតោ អញ្ញស្សត្ថាយ ទិន្នេន។ អញ្ញុទ្ទិសិកេនាតិ បុរិមស្សេវត្ថទីបនំ។
Aññassatthāya dinnenāti yaṃ cetāpeti, tato aññassatthāya dinnena. Aññuddisikenāti purimassevatthadīpanaṃ.
សេសកំ ឧបនេន្តិយាតិ យទត្ថាយ ទិន្នោ, តំ ចេតាបេត្វា អវសេសំ អញ្ញស្សត្ថាយ ឧបនេន្តិយា។ សាមិកេ អបលោកេត្វាតិ ទាយកេ អាបុច្ឆិត្វា។ ឯវរូបាសូ អាបទាសុ ឧបនេន្តីនន្តិ ឯវរូបេសុ ឧបទ្ទវេសុ អញ្ញស្ស យស្ស កស្សចិ អត្ថាយ ឧបនេន្តីនំ។
Sesakaṃ upanentiyāti yadatthāya dinno, taṃ cetāpetvā avasesaṃ aññassatthāya upanentiyā. Sāmike apaloketvāti dāyake āpucchitvā. Evarūpāsū āpadāsu upanentīnanti evarūpesu upaddavesu aññassa yassa kassaci atthāya upanentīnaṃ.
បឋមសង្ឃិកចេតាបនសិក្ខាបទវណ្ណនា និដ្ឋិតា។
Paṭhamasaṅghikacetāpanasikkhāpadavaṇṇanā niṭṭhitā.
