| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༤. པཋམསངྒཱམསུཏྟཝཎྞནཱ
4. Paṭhamasaṅgāmasuttavaṇṇanā
༡༢༥. ཝེདེན ཉཱཎེན ཨཱིཧཏི ཨིརིཡཏཱིཏི ཝེདེཧཱི, ཀོསལརཱཛབྷགིནཱི ཨཛཱཏསཏྟུནོ མཱཏཱ, སཱ ཀིར སམྤཛཉྙཛཱཏིཀཱ། ཏེནཱཧ ‘‘པཎྜིཏཱདྷིཝཙན’’ནྟི, ཙཏྟཱརི ཨངྒཱནི ཨེཏིསྶནྟི ཙཏུརངྒིནཱི། དྭིནྣཾ རཛྫཱནནྟི ཀཱསིཀརཛྫམགདྷརཛྫཱནཾ ཨནྟརེ, སོ པན གཱམོ ཀཱསིཀརཛྫོ།
125. Vedena ñāṇena īhati iriyatīti vedehī, kosalarājabhaginī ajātasattuno mātā, sā kira sampajaññajātikā. Tenāha ‘‘paṇḍitādhivacana’’nti, cattāri aṅgāni etissanti caturaṅginī. Dvinnaṃ rajjānanti kāsikarajjamagadharajjānaṃ antare, so pana gāmo kāsikarajjo.
པཱཔཱཏི ལཱམཀཱ ནིཧཱིནཱཙཱརཱ། མེཛྫཏི སིནིཡ྄ཧཏཱིཏི མེཏྟི, སཱ ཨེཏེསུ ཨཏྠཱིཏི མིཏྟཱ། སཧ ཨཡནྟི པཝཏྟནྟཱིཏི སཧཱཡཱ། སམྤཝངྐནྟི སུཊྛུ ཨོནཏཾ། ཛཡཀཱརཎཾ དིསྭཱ ཨཱཧ, ཏཐཱ ཧི ‘‘ཨཛྫ ཨིམཾ རཏྟིཾ དུཀྑཾ སེཏཱི’’ཏི ཀཱལཔརིཙྪེདཝསེན ཝུཏྟཾ། ཝེརིགྷཱཏོ ནཱམ ཝེརིཔུགྒལེ སཏཱིཏི ཨཱཧ ‘‘ཝེརིཔུགྒལཾ ལབྷཏཱི’’ཏི།
Pāpāti lāmakā nihīnācārā. Mejjati siniyhatīti metti, sā etesu atthīti mittā. Saha ayanti pavattantīti sahāyā. Sampavaṅkanti suṭṭhu onataṃ. Jayakāraṇaṃ disvā āha, tathā hi ‘‘ajja imaṃ rattiṃ dukkhaṃ setī’’ti kālaparicchedavasena vuttaṃ. Verighāto nāma veripuggale satīti āha ‘‘veripuggalaṃ labhatī’’ti.
པཋམསངྒཱམསུཏྟཝཎྞནཱ ནིཊྛིཏཱ།
Paṭhamasaṅgāmasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༤. པཋམསངྒཱམསུཏྟཾ • 4. Paṭhamasaṅgāmasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. པཋམསངྒཱམསུཏྟཝཎྞནཱ • 4. Paṭhamasaṅgāmasuttavaṇṇanā
