| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. དུཏིཡསངྒཱམསུཏྟཝཎྞནཱ
5. Dutiyasaṅgāmasuttavaṇṇanā
༡༢༦. སུཎཱཐཱཏི ‘‘ཝཏྭཱ’’ཏི ཝཙནསེསོ། ཨུཔཀཔྤཏཱིཏི སམྦྷཝཏི། སཡ྄ཧཾ ཧོཏཱིཏི ཀཱཏུཾ སཀྐཱ ཧོཏི། ‘‘ཡདཱ ཙཉྙེ’’ཏི ཙ-ཀཱརོ ནིཔཱཏམཏྟནྟི ཨཱཧ ‘‘ཡདཱ ཨཉྙེ’’ཏི། ཝིལུམྤནྟཱིཏི ཝིནཱསཾ ཨཙྪིནྡནཾ ཀརོནྟི། ཝིལུམྤཱིཡཏཱིཏི ཝིལུཏྟཔརསནྟཀསྶ ཨསཀཏྟཱ པུགྒལོ དིཊྛདྷམྨིཀཾ ཀམྨཕལཾ པཊིསཾཝེདེནྟོ ཝིཡ སཡམྤི པརེན ཝིལུམྤཱིཡཏི, དྷནཛཱནིཾ པཱཔུཎཱཏི། ‘‘ཀཱརཎ’’ནྟི ཧི མཉྙཏཱིཏི པཱཔཀིརིཡཾ ཨཏྟནོ ཧིཏཱཝཧཾ ཀཱརཎཾ ཀཏྭཱ མཉྙཏི། ཛཡནྟོ པུགྒལོ ‘‘ཨིདཾ ནཱམ ཛིནཱམཱི’’ཏི མཉྙམཱནོ སཡམྤི ཏཏོ པརཱཛཡཾ པཱཔུཎཱཏི། གྷཊྚེཏཱརནྟི པཱཔཀམྨཝིཔཱཀཾ། ཀམྨཝིཝཊྚེནཱཏི ཀམྨསྶ ཝིཝཊྚནེན, པཙྩཡལཱབྷེན ལདྡྷཱཝསརེན ཝིཝཊྚེཏྭཱ ཝིགམིཏེན ཀམྨེནཱཏི ཨཏྠོ།
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
དུཏིཡསངྒཱམསུཏྟཝཎྞནཱ ནིཊྛིཏཱ།
Dutiyasaṅgāmasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. དུཏིཡསངྒཱམསུཏྟཾ • 5. Dutiyasaṅgāmasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. དུཏིཡསངྒཱམསུཏྟཝཎྞནཱ • 5. Dutiyasaṅgāmasuttavaṇṇanā
